آکسائڈ

آزاد انسائیکلوپیڈیا، وکیپیڈیا توں
لوۓ دی آکسائڈ جینوں زنگ کیندے نیں

آکسائڈ اک کیمیائی کمپاؤنڈ اے جیدے فارمولے وچ کم از کم اک آکسیجن دا ایٹم تے کسی دوجے عنصر دا ایٹم ہووے۔ دعاتی آکسائڈاں وچ عام طور تے آکسیجن دا -2 آکسیڈیشن حالت دا اینائن ہوندا اے۔ آکسائڈاں زمین دی کھل دا بوت حصہ بناندیاں نیں جیدی وجہ عنصراں دا ہوا تے پانی وچ آکسیجن نال رلنا اے۔ ہائیڈروکاربن دے بلن نال کاربن دیاں دو آکسائڈاں بندیاں نیں: کاربن ڈائی آکسائڈ تے کاربن مونو آکسائڈ۔ اوہ میٹیریل جیڑے صرف اکو عنصر نال بنے ہوندے نیں اوناں اتے وی آکسائڈ دی اک تہہ آجاندی اے۔ مثال دے طور تے الومینیم پتری اتے Al2O3 دی اک تہہ آجاندی اے جیڑی اینوں مزید زنگ توں بجاندی اے۔ نیچر وچ سب توں بوتیاں پائی جان آلیاں آکسائڈاں سیلیکان ڈائیآکسائڈ تے پانی نیں۔ زنگ وی آکسائڈ دی اک تہہ نوں کیندے نیں خاص طور تے رتی آکسائڈ دی تہہ نوں جیڑی لوۓ تے آکسیجن دے پانی دے ہون نال رلن تہ بن جاندی اے۔