نارکلی دیاں شاناں
نارکلی دیاں شاناں پنجابی دی نظم اے۔ اینوں پنجابی شاعر انور مسعود ہوراں لکھیااے۔ اوناں نے اودوں لکھی جدوں اوھ لہور چ ایم اے کر رہے سن۔اے نظم اوناں دی کتاب میلہ اکھیاں دا وچ چھپی۔
تریخ[سودھو]
ایہ نظم 1962 وچ لکھی گئی جدوں انور مسعود ہوریں لہور وج ایم اے کر رۓ سن تے گجرات اپنے کعر چھٹیاں کرن آۓ سی۔ اس نظم نوں سب توں پہلی واری زمیندار بینک، گجرات چ 1962 چ پڑھیا گیا۔ 1974 چ انور مسعود دی کتاب میلہ اکھیاں دا چ پہلی واری چھپی۔ ایہ نظم اوہدی سب توں چوکھیاں پڑھیاں تے سنیاں کیاں نظماں وچوں اے۔ اوہ کتے وی جاون ایسے نظم دے سنن دی تانگ کیتی جاندی اے۔
نظم[سودھو]
توں کی جانیں پولیے مجھے نار کلی دیاں شاناں
ون سونے گاہک نی ایتھے بھلیو بھلی دکاناں
ویکھ نی اڑیے کھبے پاسے وال کسے دے کھلے
راہیاں دے پۓ کھیہڑے پیندے خوشبوواں دے ہلے
سجے پاسے کھرلی دے وچ بنگالی رس گلے
پنج کلیانے موجاں کر لے لٹ لے اڑیے بلھے
ویکھ کسے تھاں مونہہ نہ ماریں مڑ مڑ پیا سمجھاناں
توں کیہ جانیں پولیۓ مجھے نارکلی دیاں شاناں
ویکھ نی جیون جوگیے ایتھے رنگ برنگ پٹولے
سیر کریندے نظری آون پریاں دے کجھ ٹولے
چھڈ دے کھانے کھل وڑیویں، ہن نہ چبیں چھولے
چھڈ دے پینے گڑے دے شربت، پی ہن کوکے کولے
بوتل دے نال مونہہ نہ لاویں، مونہہ وچ پا لیں کانا
توں کی جانیں بھولیے مجے، نارکلی دیاں شاناں
الہڑ شیں مٹیاراں والی چڑتل کیہیڑا چہلے
مہڈے نال پیا مہڈا کھیندا لگن پے ترکہلے
اکھیاں وچ نیں شرم دا کجلہ، مونہاں تے نیں پلے
اُچااُچا سارے ویکھن کوئی نہ ویکھے تھلے
نیویں نظر کیویں کوئی رکھے، اُچیاں ہین دکاناں
توں کی جانے بھولیے مجے، نارکلی دیاں شاناں
چار چفیرے ٹیڈی پھردے، نوی بہار دے کیڑے
چاڑھے ہوئے اچھاڑاں وانگوں پاٹن ہاکے لیڑے
وکھیاں اتوں کھل کھل جاون ٹچ ٹچ کدے ویڑے
جیہڑا ویکھے جیب اپنی نوں، دنداں ہیٹھ دبیڑے
ڈاہڈیاں تنگ پوشاکاں دے وچ پھاسیاں ہویاں جاناں
توں کی جانے بھولیے مجے، نارکلی دیاں شاناں
جیہڑی تھاویں نظریں آون چار مسافر کٹھے
اچن چیتی پے جاندے نے پیر تیرے کیوں مٹھے
ہل پیو ایتھوں بے وقوفے لوک کرن گے ٹھٹھے
ایس دکانیں پان وکیندے توں سمجھے نے پٹھے
ڈٹھا ایے ساوے پتر تے سویاں کرن زباناں
توں کی جانے بھولیے مجے، نارکلی دیاں شاناں
آ وڑیا ایں ڈنگر مالا تو اج کیہڑے پاسے
پیسے دے نی پُتر سارے ایس گلی دے واسے
مہاتڑ ایتھے خالی آندے، خالی کھڑدے کاسے
پلے جے کر پیسے ہوون ڈل ڈل پیندے ہاسے
بہتیاں مینوں آوندیاں کوئی نیں اکو گل مکاناں
توں کی جانے بھولیے مجے، نارکلی دیاں شاناں
نظم دے شبد[سودھو]
| لیناں | سارے شبد | پنجابی شبد | فارسی شبد | عربی شبد | سنسکرت شبد | انگریزی شبد | ہندی شبد |
|---|---|---|---|---|---|---|---|
| 38 | 321 | 268 | 20 | 18 | 8 | 4 | 5 |
نظم وج وکھریاں بولیاں دے شبداں دی ٪[سودھو]
| پنجابی ٪ | فارسی ٪ | عربی ٪ | سنسکرت ٪ | انگریزی ٪ | ہندی ٪ |
|---|---|---|---|---|---|
| 82.86٪ | 6.2٪ | 5.6٪ | 2.5٪ | 1.2٪ | 1.5٪ |