ندی
_nahe_dem_Weiherdamm_in_Wildbergerh%C3%BCtte.jpg)
ندی (Stream) تازا پاݨی دا قُدرتی لانگھا اے ۔ ندی دریا توں چھوٹی ہُندی اے ۔ ندی جھیل یا سمندر وچ ڈِگھدی اے ۔ ہر ندی وچ اک خاص بہاؤ ہُندا اے، جو عام طور تے سال پعِھر مستقل نئيں رہندا ۔ جدوں زیادہ مقدار وچ بارش ہُندی اے بہاؤ ودھدا اے ۔ جدوں بہت کعَھٹ بارش ہُندی اے یا زیادہ درجا حرارت ہُندا اے تاں بہاؤ کعَھٹ جاندا اے تے اِتھے تک کہ انتہائی حالات وچ ندی سُک سکدی اے ۔ پِگھلݨ آݪی برف، چشمےآں تے بارش توں ندیاں نوں پاݨی فراہم ہُندا اے ۔ ندیاں چوڑیاں تے ڈونگھیاں وی ہوسکدیاں نيں ۔
ندیاں دے فائدے[سودھو]
ندیاں دے قدرتی ماحول اُتے بڑے چنگے اثرات مرتب ہُندے نیں ۔ ندیاں دا مِٹھا پاݨی فصلاں دی سیرابی ، مچھلیاں دی پرورش ، انساناں تے جانوراں واسطے پیݨ آݪے پاݨی دی فراہمی دا وڈا ذریعا نیں ۔ ندیاں دے کنڈھے اک انتہائی متحرک ماحولیاتی نظام دیکھیا جاندا اے ۔ ندی دے آݪے دواݪے اُگݨ آلے درخت ، پودے ، چعھاڑیاں ، جڑی بوٹیاں تے سلوھاڑ قدرتی ماحول نوں پر کشش بݨوندے نیں تے ہریاول وچ وادھا کردے نیں ۔ جانوراں واسطے چارا تے چھاں دا ذریعا نیں ۔ ندیاں انسانی جیون لئی اک بنیادی عنصر نيں کیوں کہ ایہناں ناݪ انسان دی زندگی دی نشوونما لئی بہت زیادہ فائدے حاصل ہُندے نيں ۔ ندیاں شہراں تے صنعتاں نوں پاݨی مہیا کردیاں نيں ۔ ندیاں دے کنڈھے تعمیر کیتے گئے پن بجلی گھراں دی تعمیر دے ذریعے توانائی دیاں لوڑاں پوریاں ہُندیاں نيں جو پاݨی دے بہاؤ دی طاقت توں فائدا چکدے نيں تے ایہنوں بجلی وچ تبدیل کردے نيں ۔