نیتو سنگھ

وکیپیڈیا توں
Jump to navigation Jump to search
Neetu Singh.jpg
جم نیتو سنگھ
(1958-07-08) 8 جولائی 1958 (عمر 60)
دلی، بھارت[1]
ہور ناں بیبی سونیا
نسل پنجابی
کِتہ اداکارہ
کم کرݨ دے سال 1966–1972 (بطور بال اداکارہ)،
1972–1983, 2009–حال
مذہب سکھ
جیون ساتھی رشی کپور (1979–present)
نیانے ردھما کپور ساہنی (b. 1980)
رنبیر کپور (b. 1982)
ماں پیؤ درشن سنگھ
Rajee Kaur

نیتو سنگھ اک بالیوڈ اداکارہ اے اتے 1980 وچ رشی کپور نال ویاہ ہون کارن اسنوں "نیتو کپور" دے ناں نال وی جانیا جاندا اے۔ نیتو نے اپنا فلمی کریئر اٹھ سال دی عمر وچ بےبی سونیا دے ناں ہیٹھ شروع کیتا۔ اسنے 1966 وچ دس لکھ فلم وچ روپا دا اتے دو کلیاں وچ دوہرا کردار نبھایا۔ بال اداکارہ وجو نیتو دی وارث اتے پوتر پاپی ورگی فلماں وی دھیان کھچن والیاں ہن۔ نیتو نے مکھ اداکارہ دے کردار 1972 وچ رکشہ والا فلم وچ نبھاؤن توں شروعات کیتی۔ نیتو سنگھ نے فلم انڈسٹری نوں 1983 وچ 1980 وچ رشی کپور نال ویاہ ہون توں بعد چھڈ دتا۔ بوہت لمے ویلے بعد، 26 سالاں بعد نیتو نے دوبارہ بالیوڈ وچ داخلہ کیتا اتے اپنے پتی دے نال لوَ آج کل(2009)، دو دونی چار(2010)، جب تک ہے جان(2012) اتے بے شرم (2013) وچ کم کیتا۔

مڈھلا جیون[لکھو]

نیتو سنگھ دا جم دلی وچ اک سکھ گھرانے وچ ہویا۔ اسدے ماں پیؤ دا ناں راضی کور اتے درسن سنگھ سی۔ ایہہ شانتی بلڈنگ، پیدار روڈ، بمبئی وچ رہندے سن اتے نیتو نے "ہیل گرانز ہائی سکول"، پیدار روڈ وچ داخلہ لیا۔

کیریئر[لکھو]

نیتو سنگھ نے اپنے فلمی کیریئر دی شروعات بچپن وچ ہی 1960ویاں دے انت وچ دو کلیاں فلم توں کیتی۔ نیتو نے مکھ اداکارہ وجوں 1972 وچ فلم رکشہ والا وچ کردار نبھایا جو پردے اپر ناکامیاب فلم رہی۔ 1973 وچ نیتو نوں یادوں کی بارات فلم وچ چھوٹا رول ملیا جس نوں بہت سفلتا حاصل ہوئی اتے فلم وچلے گیت "لیکر ہم" اپر کیتے ڈانس نال نیتو نوں بہت مشہوری ملی اتے اس توں بعد نیتو نوں بہت ساریاں فلماں وچ مکھ کردار لئی آفر حاصل ہوئے۔ نیتو نے اس ویلے دے اگھے کلاکاراں نال کم کیتا جنہاں وچوں قسمیں وعدے فلم وچ اسنے نے اپنے شوہر دے بھرا رندھیر کپور نال وی کم کیتا۔

نجی جیون[لکھو]

فلمی جیون دے دوران نیتو سنگھ اتے رشی کپور وچ پیار پے گیا۔ ایہناں نے 1980 وچ پریم ویاہ کیتا اتے دو بچیاں ردھما (15 ستمبر، 1980) اتے رنبیر (28 ستمبر، 1982) نے جم لیا۔ ردھما کپور اک مشہور فیشن ڈزائنر وجوں جانی جاندی اے جسدا ویاہ دلی دے مشہور صنعت کار"بھارت ساہنی" نال ہویا اتے ایہناں دا بیٹا رنبیر کپور بالیوڈ دا مشہور اداکار اے۔

اعزاز[لکھو]

نیتو سنگھ نوں والک آف دی سٹارز ولوں نوازیا گیا گیا اتے اسدے ہینڈ پرنٹ نوں اسدی اولاد لئی "باندرا بینڈسٹینڈ، ممبئی" وچ سنبھال کے رکھیا گیا۔

فلماں[لکھو]

حوالے[لکھو]

  1. Raheja, Dinesh (9 April 2003). "The unforgettable Neetu Singh". Rediff.com. http://www.rediff.com/movies/2003/apr/09dinesh.htm. Retrieved on 2016-07-25.