نیشنل پارک
نیشنل پارک زمین دا اک محفوظ کیتا ہویا قدرتی حالت وچ رہن والا حِصا ہُندا اے جیہڑا سرکاری ملکیت وچ ہُندا اے تے اوس تھاں اُتے انسانی سرگرمیاں ، تعمیرات ، سڑکاں یا کوئی وی ہور انسانی سرگرمی کرن اُتے روک لگی ہُندی اے ۔ نیشنل پارک وچ اوتھے دے محول ، نباتات تے حیوانات دی راکھی کیتی جاندی اے ۔ نیشنل پارک وچ لوک سیر و سیاحت، پھیر تورے تے علمی پرکھ پرچول کرن لئی جاندے نیں ۔
نیشنل پارک دی پہلی سوچ امریکا دے ییلوسٹون نیشنل پارک توں 1872 وچ چلی ۔