نیلی جلکُکڑی

اضغط هنا للاطلاع على كيفية قراءة التصنيف نیلی جلکُکڑی
صورت حال
! colspan = 2 | حیثیت تحفظ
Not recognized (IUCN 3.1)
اسمیاتی درجہ	پرجاتی
جماعت بندی
مملکت:	جانور
جماعت:	پنچھی
طبقہ:	گرئیپھورمز
خاندان:	ریلیڈیئی
جنس:	پروفائرو
نوع:	پی۔ پولیؤسیفیلس
سائنسی نام
Porphyrio poliocephalus  John Latham   ، ۱۸۰۱
مرادفات
‏پروفائرو پروفائرو پولیؤسیفیلس‏

پنچھی

Porphyrio poliocephalus

نیلی جلکُکڑی سلیٹی سر والی ککڑی دیاں 130 نسلاں دے پروار نوں ‘ریلیڈیئی’ کیہا جاندا اے۔ اس پروار دیاں نسلاں تقریباً ساری دنیا وچ پائیاں جاندیاں ہن۔ پاکستان بھارت وچ ایہہ دلدلاں اتے چھمبھاں وچ جوڑیاں وچ اتے جاں کوئی 30 پنچھیاں تک دیاں ٹولیاں وچ رہندیاں ہن۔ ایہناں دا کھانا کیڑے-مکوڑے، گھوگے اتے پانی دے پودیاں دے گودیدار تنے اتے جڑھاں ہن۔ کئی وار ایہہ پنجیاں دیاں انگلاں نال شکار نوں پھڑھ کے پنجیاں نوں اپر موڑ کے اپنی چنجھ وچ پا کے کھا جاندیاں ہن۔ ایہناں دی آواز کڑ-کڑ، گھگو، پھنکارے جاں زور-زور دی چیکاں ہندیاں ہن۔

سائز

اس دی لمبائی 45 توں 50 سینٹیمیٹر، نر دا بھار 1050 گرام اتے مادہ دا بھار 850 گرام، رنگ چکمدار نیلی بھاہ والا جامنی ہندا اے۔اس دا سر سلیٹی بھاہ والے نیلے رنگ دا اتے چنجھ سرخ لال ہندی اے۔ چنجھ دی جڑھ توں کافی سارا لال ماس متھے تک جاندا اے۔ اس دی دھون لمی، چھاتی اتے ڈھڈّ دا اگلا حصہ چمکدار نیلی بھاہ والے جامنی رنگ دا ہندا اے۔ اس دی پٹھّ اتے کھنبھاں دی جڑھاں کول نیلے-جامنی رنگ وچ بھوراپن دسدا اے۔ اس دیاں اکھاں وی بھوری بھاہ والیاں لال ہندیاں ہن۔ اس دیاں لتاں لال، طاقتور، موٹیاں اتے پنجے وڈے ہندے ہن۔ اس دی پوچھ ہری بھاہ والی بھوری-نیلی-جامنی لنڈی ہندی اے۔ اس دے ہیٹھاں چٹے کھنبھ ہندے ہن۔ ایہہ تیرنا، اڈنا وی جاندیاں ہن۔

اگلی پیڑھی

نیلی جلکُکڑی دا بچے پیدا کرن دا سماں جون توں ستمبر ہندا اے۔ نر مادہ نوں لبھاؤن لئی نڑی دی چھوٹی جنی اک سوٹی اپنی چنجھ وچ پھڑھ کے رولا پاؤندا مادہ دے پچھے دوڑدا اے ۔ ایہہ پانی دے پودیاں دیاں نڑیاں پلیٹ ورگا آلھنا بناؤندے ہن۔ مادہ 3 توں 6 انڈے دندی اے۔ انڈے دا سلیٹی جس اتے لاکھے دھبے ہندے ہن۔ مادہ 23 توں 29 دناں وچ بچے کڈھ لیندی اے۔ چوچیاں دی مادہ اتے نر دونے دو مہینے تک پالدے ہن۔

حوالے