نیوشوانسٹائن

نیوشوانسٹائن Schloss Neuschwanstein

سٹائل	نواں گوتھک
نیڑے نگر	ہوہنشوانگاؤ
دیس	باویریا جرمنی
بنوان والا	لڈوگ II باویریا دا راجہ
مالک	باویریا
بنن ٹریا	5 ستمبر 1869
ڈیزائن کرن والے	کرسچن جینک، ایڈورڈ رائڈل، جارج فان ڈولمان

نیو شوانسٹائن (جرمن:Schloss Neuschwanstein) جرمنی وچ 19ویں صدی دا رومانوی پدھر تے بنیا اک قلعہ محل اے۔ اے دکھنی جرمن صوبے باویریا وچ الپس دےپربت دھارے دے اک پعاڑ اتے اے۔ اے قلعے ورگا مجل 19ویں صدی چ باویریا دے بادشاہ لڈوگ II نے موسیقی گرو رچرڈ ویگنر لئی بنایا سی۔ اے اوہ جرمن تھاں اے جس دی سب توں بعوتیاں مورتاں لیاں جاندیاں نیں. لڈوگ نے اینوں بنایا تے اپنے لئی سی پر 1886 وچ اودے مرن دے نال ای لوکاں ل‏ی کھول دتا گیا تے ہن تک 6 کروڑ لوک ایتھے آ چکے نیں۔ایتھے ہر ورے 13 لکھ لوک اینوں ویکھن آندے نیں تے گرمیاں چ 6000 نت دن آندے نیں۔

تھاں

نیو شوانسٹائن دا قلعہ محل جرمنی دے دکھن وچ جرمن صوبے باویریا دے دکھن وچ الپس دے پربت دھارے وچ آسٹریا دی ولگن کول ضلع اسٹلگاؤ دے شہر فسن توں کلومیٹر دے پینڈے تے شوانگاؤ پنڈ دے نال اک پہاڑ دے اتے بنیا ہویا اے۔. شوانگاؤ 800 میٹر اچا اے۔.

1832 وچ لڈوگ دے پیو میکسملین II نے ایتھے اک پرانے کھنڈر قلعے نون مل لے کے اوہدے تے ہوہنشوانگاؤ دا قلعہ محل بنایا۔ ایہ تھان اوہدے ٹبر دی گرمیاں نگان دی تھاں سی۔ ایتھے ای اوہدا پتر لڈوگ جمیا تے ایتھے ای اوہدا جم پل لنگیا۔ ہوہنشوانگاؤ اک اچے تے اوکھے پعاڑ تے جیدے دوالے دو جھیلاں شوان جھیل تے الپ جھیل تے اک پنڈ شوانگاؤ نیں۔ اوہ تھاں اک کھنڈر سی تی ہوہنشوانگاؤ توں اتے (1,008 مٹر/3,307 فٹ) دی اچائی تے سی تے لڈوگ نے اپنی شہزادگی دے ویلے ایتھے آیا سی تے 1859 دی اپنی اک ڈائری چ ایدے بارے لکھیا سی۔ 1864 وچ جدون اوہ باویریا دا بادشاہ بنیا تے ایس کھنڈر تھاں تے اوہنے اک رومانوی نمونے دے قلعہ محل بنان دا مڈ رکھیا۔

سوچ

نیوشوانسٹائن 19ویں صدی دے رومانوی فلعے بنان دے فیشن تے لڈوگ دے رچرڈ ویگنر دے اوپیرا نال عشق دا وکھالہ اے۔۔۔ قلعہ لختنشٹائن سٹولزنفلز تے قلعہ ہوہنزولرن لڈوگ دیاں اکھاں اگے سن۔ 1867 وچ لڈوگ نے دو سفر کیتے جیہڑے اوہدے شوق وج واہدا کرن دا سبب بنے۔۔۔

19ویں صدی دے رومانوی فلعے

1868 وچ لڈوک دے دادے دے مرنے تے اوہنوں واوا پیسے لبے تے اوہنے اپنے سفنیاں تے سوجاں وچ وسدے ویونتان تے کم ٹور دتا۔کرسچن جینک دا ڈیزائن اصل سی پر ایہدے وچ لڈوک نے مرضی دیاں تبدیلیاں کیتیاں۔

کرسچن جینکرا بنیا (1869) نیوشوانسٹائن دا اصل ڈیزائن

بنائی

نیوشوانسٹائن جتھے بنایا گیا اوتھے دو پرانے فلغیاں دے کھنڈر سن اوہناں نوں تور کے اوس تھاں صاف کیتا گیا۔ 5 ستمبر 1869 نون ایدا مڈھ رکھیا کیا۔ 1872 تک ایدے تہ خانے بنے تے 1876 تک ایدی پہلی منزل دی ہر شے بن چکی سی۔ ایدا بوآ 1873 تک پورا بنا دتا گیا جتھے رہ کے لڈوک ریندا تے سارے کم نوں ویکھدا سی۔ 1974 وچ کم دی ذمہ داری ایڈورڈ رائڈل کولوں لے کے جارج فان ڈولمان نوں دیدتی گئی۔ نیوشوانسٹائن دا ٹانچہ 1880 تے 1884 تک پورا کھڑا ہوچکیا سی۔

بوۓ تے کھڑکیاں لئی ریتلے پتھر دیاں اٹاں شلائیتڈورف وتمبرگ توں آئیاں۔ انترزبرگ تون تھمیاں، ڈاٹاں لئی سنگ مرمر منگوایا گیا۔ 1869 توں لے کے 1892 تک ایدے تے کم ہوندا ریا۔ ایہ ایڈا وی وڈا نئیں سی جے ایدے وچ شاہی دربار لگایا جاسکے ایدے وچ بادشاہ دے تے اوہدے نوکران دے رہن دی تھاں سی۔ 1886 وچ محل دا بارلہ ٹانچہ پورا ہون تے لدوگ نے اپنی ماں میری نون اوہدی 60ویں سالکرہ تے وکھان لئی بلایا۔ ایہ اک یاری دا مندر اے جیہڑا اک بادشاہ نے اپنے یار ویگنر لئی بنایا سی پر ویگنر ایتھے پیر رکھن تون پہلے ای 183 وچ مرگیا۔ لڈوگ نے وی ایتھے کل 172 دن کزارے۔

خرچہ

نیوشوانسٹائن دے بنن تے اوس ویلے 62 لکھ جرمن مارک خرچہ آیا سی۔

موت

لڈوگ 1886 وچ مرجاندا اے تے کج ہفتیاں مگروں ایہنوں لوکاں لئی کھل دتا جاندا اے۔ اودوں ایہ ہجے پورا نئیں سی ہویا پر ایھدے تے وڈے کم بند کر دتے جاندے نیں۔

دوناں وڈیاں لڑائیاں وچ دوری باجوں ایہ نقصان توں بچ جاندا اے۔