ورتنوالا:Talal Bin Hasan
السلام علیکم۔ میرا ناں طلال اے تے میں اِس شاہ مکھی لِپی وچ پنجابی وکیپیڈیا لئی آپݨی تحریراں پیش کردا ہاں۔ گُر مکھی دے وچ پنجابی سانوں غیر سرکاری تے تعلیمی اعتبار توں بھارتی پنجاب وچ استعمال ہوندی نظر آؤندی اے پر لیندے پنجاب اچ شاہ مکھی پنجابی دا استعمال سانوں ٹاواں ٹاواں ای نظر آؤندا اے۔ اکثر پڑھے لکھے پنجابی وی پاکستان اچ اپنی بولی نئیں لکھ سکدے کیوں جے اوہناں نے جے کدی کدھرے پڑھی جاں سکھی ہووے تاں ای تے اوہ لکھ سکدے نیں۔
میں شاہ مکھی لِپی نوں ترقی دَین لئی تے لفظاں دی صحیح اِملا لئی وکیپیڈیا اُتے کمّ کر رہیا واں تاں جے اس دی لکھائی دا اک ڈاڈھا معیار بݨ سکے تے ہر کوئی اُسی طریقے نال لکھے۔
کجھ لفظاں دی صحیح املاء آہ ہیگیاں:
- انہاں غلط اے۔ اوہناں ٹھیک اے۔
- اونوں غلط اے۔ اوہنوں ٹھیک اے۔
- جیدا غلط اے۔ جیہدا ٹھیک اے۔
- ایدا غلط اے۔ ایہدا ٹھیک اے۔
- اودا غلط اے۔ اوہدا ٹھیک اے۔
- لَب غلط اے۔ لبھ ٹھیک اے۔
- فعل کَڈ غلط اے۔ کڈھ لکھیا جاندا اے۔
- ورا جاں ایہدی جمع ورے غلط اے۔ ورھا تے جمع ورھے ٹھیک اے۔
- وَد غلط اے۔ وَدھ ٹھیک اے۔
- اینوں غلط اے۔ ایہنوں ٹھیک اے۔
- کعر غلط اے۔ گھر ٹھیک اے۔ گھ نوں ک پڑیا جاندا اے۔
- ایہ غلط اے۔ ایہہ لکھیا جاندا اے۔
- نفی لئی نی غلط اے۔ نہی لکھیا جاندا اے۔ ایہدے علاوہ نئیں تے نہیں وی لکھ سکدے ہو۔
- سوال لئی کی؟ غلط اے۔ کیہ؟ لکھیا جاندا اے۔
- ایہ غلط اے۔ ایہہ لکھیا جاندا اے۔
- فعل جاری وچ فعل نال ریا لکھنا غلط اے۔ رہیا لکھیا جاندا اے۔ جیویں: کر رہیا سی۔ آ رہیا اے۔ وغیرہ