وٹامن
وٹامن اوہ نامیاتی اجزاء نیں جیہڑے جسم دے خلییاں نوں صحیح طریقے نال کم کرن تے جسم دی نشوونما وچ مدد دیندے نیں۔ تقریباً 13 قسماں دے وٹامن ہوندے نیں۔ انہاں وچ وٹامن اے، وٹامن سی، وٹامن ڈی، وٹامن ای، وٹامن کے، وٹامن بی1، وٹامن بی2، وٹامن بی3، وٹامن بی5، وٹامن بی7، وٹامن بی6، وٹامن بی12 تے وٹامن بی9 شامل نیں۔
وٹامن اے، ای، ڈی تے کے چکنائی دی موجودگی وچ جسم وچ آسانی نال جذب ہوندے نیں، جدوں کہ باقی نویں وٹامن پانی وچ حل پذیر ہوندے نیں۔ ایہہ وٹامن عموماً جسم وچ ذخیرہ نئیں ہوندے تے پیشاب دے ذریعے خارج ہو جاندے نیں۔ ایس لئی انہاں دی روزانہ ضرورت پوری کرنا ضروری ہوندا اے۔ البتہ وٹامن بی12 جسم وچ لمبے عرصے تک محفوظ رہ سکدا اے۔
انسانی جسم نوں وٹامناں دی بہت ضرورت ہوندی اے۔ جے جسم وچ وٹامناں دی کمی ہو جاوے تے کئی صحتی مسئلے پیدا ہو سکدے نیں۔
افعال
[سودھو]وٹامناں دے کئی اہم افعال نیں جیہڑے ایہہ جسم وچ سرانجام دیندے نیں۔
- وٹامن اے : جلد، دانتاں تے ہڈیاں دی صحت لئی ضروری اے۔
- وٹامن بی6 : خون دے سرخ خلیے بناون وچ اہم کردار ادا کردا اے۔
- وٹامن بی12 : میٹابولزم دے عمل تے خون دے سرخ خلیے بناون وچ مدد دیندا اے۔
- وٹامن سی : اک اہم اینٹی آکسیڈینٹ اے۔
- وٹامن ڈی : جسم نوں کیلشیم جذب کرن وچ مدد دیندا اے۔
- وٹامن ای : خون دے سرخ خلیے بناون وچ مددگار اے۔
- وٹامن کے : خون جماون وچ مدد کردا اے۔ ایس دی کمی نال زخم توں خون روکنا مشکل ہو سکدا اے۔
- وٹامن بی1 : دل تے اعصابی خلییاں دی صحت لئی ضروری اے۔
- وٹامن بی7 : کاربوہائیڈریٹس تے پروٹین دے میٹابولزم وچ اہم اے۔
- وٹامن بی3 : جلد نوں صحت مند رکھن وچ مددگار اے۔
- وٹامن بی5 : میٹابولزم دے عمل لئی ضروری اے۔
- وٹامن بی2 : جسم دی نشوونما لئی اہم اے۔
- وٹامن بی9 : ڈی این اے دی تیاری لئی ضروری اے۔
تاریخ
[سودھو]| کھوج دا سال | وٹامن | خوراک دا ذریعہ |
|---|---|---|
| 1913ء | وٹامن اے | مچھی دے کلیجے دا تیل |
| 1910ء | وٹامن بی1 | چاول دا بھوسہ |
| 1920ء | وٹامن سی | ترش پھل تے تازہ خوراک |
| 1920ء | وٹامن ڈی | مچھلی دے جگر دا تیل |
| 1920ء | وٹامن بی2 | گوشت تے انڈے |
| 1922ء | وٹامن ای | کنک تے سبزی دا تیل |
| 1926ء | وٹامن بی12 | کلیجی تے انڈے |
| 1929ء | وٹامن کے1 | ہری پتیدار سبزیاں |
| 1931ء | وٹامن بی5 | گوشت تے اناج |
| 1931ء | وٹامن بی7 | گوشت، انڈے تے دودھ |
| 1934ء | وٹامن بی6 | گوشت تے دودھ |
| 1936ء | وٹامن بی3 | گوشت، انڈے تے اناج |
| 1941ء | وٹامن بی9 | ہری پتیدار سبزیاں |
وٹامناں دی فہرست
[سودھو]کمی تے زیادتی
[سودھو]کیمیائی ناں دی فہرست
[سودھو]| پُرانا ناں | کیمیائی ناں | ناں بدلن دی وجہ |
|---|---|---|
| وٹامن بی4 | ایڈینن | ڈی این اے میٹابولائٹ، جسم وچ بنن آلا |
| وٹامن بی8 | ایڈینائلک ایسڈ | ڈی این اے میٹابولائٹ، جسم وچ بنن آلا |
| وٹامن ایف | ضروری فیٹی ایسڈ | زیادہ مقدار وچ ضروری |
| وٹامن جی | رائبوفلیون | وٹامن بی2 |
| وٹامن ایچ | بایوٹن | وٹامن بی7 |
| وٹامن جے | کیٹیکول، فلیون | کنک تے سبزی دا تیل |
| وٹامن ایل1 | اینتھرانیلک ایسڈ | کلیجی تے انڈے |
| وٹامن ایل2 | ایڈینائل تھائیومیتھائل پینٹوز | ہری پتیدار سبزیاں |
| وٹامن ایم | فولک ایسڈ | گوشت تے اناج |
| وٹامن او | کارنیٹائن | گوشت، انڈے تے دودھ |
| وٹامن پی | فلیوو نوئیڈ | گوشت تے دودھ |
| وٹامن پی پی | نیاسن | گوشت، انڈے تے اناج |
| وٹامن ایس | سیلیسلک ایسڈ | ہری پتیدار سبزیاں |
| وٹامن یو | ایس-میتھائل میتھیونن | ہری پتیدار سبزیاں |