وکٹ کیپر

وکٹ کیپر کرکٹ دی کھیڈ وچ فیلڈنگ کرنوالی ٹیم دے ایسے کھڈاری نوں کیندے نیں جیہڑا بیٹنگ کرنوالے کھڈاری دیاں وکٹاں پچھے کھڑا ہوندا اے۔ فیلڈنگ کرنوالی پوری ٹیم وچ صرف وکٹ کیپر ای دستانے تے سر تے ہیلمٹ پاسکدا اے۔

وکٹ کیپر دا اچیچا کم اے پر اک وکٹ کیپر فیلڈنگ تے بالنگ وی کرسکدا اے۔ جدوں اوہ بالنگ کردا اے تے فیر کسے ہور فیلڈر نوں وکٹ کیپری کرنی پیندی اے۔

اک وکٹ کیپر دا کم بیٹسمین کولوں لنگھیاں گینداں نوں پھڑنا اے تاں جے بائی دا سکور نان بن سکے۔
وکٹ کیپر بیٹسمین دے بیٹ نوں لگ کے آنوالی گیند نوں پھڑ کے اوس بیٹسمین نوں آؤٹ کرادیندا اے۔
وکٹ کیپر کسے بیٹسمین نوں سٹمپ آؤٹ کرسکدا اے اگر اوہ کریز توں کھیڈدیاں باہر ہووے۔ اوہ وکٹاں اتے پیاں گلیاں ڈیگ دندا اے۔ اگر کسے وجہ توں گلی ڈگی ہووے تے اوہ نوں وکٹ باہر کھچنی پیندی اے۔
جدوں گیند دور گئی ہوے تے وکٹ کیپر وکٹاں کول کھلو کے گیند بچدا اے تے اگر چانس ہووے تے بیٹسمین نوں آؤٹ وی کردیندا اے۔

ٹیسٹ میچاں وچ دکھنی افریقہ دے مارک باؤچر نوں پھنئیر وکٹ کیپر منیا گیا اے اوہنے کل 555 بیٹسمین آؤٹ کیتے۔ ونڈے میچاں وچ اسٹریلیا دے ایڈم گلکرائسٹ نے سب توں چوکھے (472) بندے آؤٹ کیتے نیں۔

ٹیسٹ میچاں دے وڈے وکٹ کیپر ¹
No	ناں	دیس	میچ	بچے	سٹمپ	کل
1	مارک باؤچر	دکھنی افریقہ	147	532	23	555
2	ایڈم گلکرائسٹ	آسٹریلیا	96	379	37	416
3	ایاں ہیلے	آسٹریلیا	119	366	29	395
4	راڈ مارش	آسٹریلیا	96	343	12	355
5	جیف ڈوجون	ویسٹ انڈیز	81	265	5	270
6	ایلن ناٹ	انگلستان	95	250	19	269
7	مہندر سنگھ دھونی²	بھارت	81	219	37	256
8	ایلک سٹیورٹ	انگلستان	133	227	14	241
9	میٹ پرايور²	انگلستان	75	217	13	230
10	وسیم باری	پاکستان	81	201	27	228

آنکڑے 30 جنوری 2014 تک دے نیں۔

ونڈے میجاں دے وڈے وکٹ کیپر ¹
No	ناں	دیس	میچ	بچے	سٹمپ	کل آؤٹ کیتے
1	ایڈم گلکرائسٹ	آسٹریلیا	287	417	55	472
2	مارک باؤچر	دکھنی افریقہ	295	402	22	424
3	کمار سنگکارا²	سری لنکا	362	337	87	424
4	مہندر سنگھ دھونی²	بھارت	242	224	80	304
5	معین چان	پاکستان	219	214	73	287
6	برینڈن مککلم²	نیوزی لینڈ	228	227	15	242
7	ایان ہیلے	آسٹریلیا	168	194	39	233
8	راشد لطیف	پاکستان	166	182	38	220
9	رومیش کالوودھرنا	سری لنکا	189	131	75	206
10	جیف ڈوجون	ویسٹ انڈیز	169	183	21	204

Notes in Table

آنکڑے 30 جنوری 2014 تک دے نیں۔