پلکھو ناݪا
پلکھو ناݪا پنجاب دا اک ناݪا اے ۔ ایہ جموں توں ٹردا اے تے وزیر آباد کوݪوں دریائے چناب وچ رَݪدا اے ۔ ناݪا پلکھو بجوات دے علاقے سید پور قصبے دے نیڑے توی دریا تے دریائے چناب دے وڈے کھبے کنڈھے دے نیڑے شروع ہُندا اے ۔ اس توں علاوا ہمالیا دے دامن وچ واقع بہت ساریاں چھوٹیاں ندیاں جموں دے جنوب تے ضلع سیال کوٹ دے جنوب مشرق وچ اک مرکزی ناݪے ، ناݪا ایک دی شکل اختیار کردیاں نیں ۔ نالا ایک اپر چناب نہر توں اگے ناݪا پلکھو کہلوندا اے ۔ ناݪا پلکھو دریائے چناب دے برابر وَگدا اے ۔ ناݪا پلکھو (ناݪا ایک) سیال کوٹ شہر دے وچوں لنگھ کے اگے وزیر آباد دے شمال چوں لنگھ کے دریائے چناب دے برابر چلدا ہویا خانکی بیراج اُتے دریائے چناب وچ شامل ہو جاندا اے ۔