پوپ فرانسس تے بطریق کیریل دا مشترکہ اعلامیہ

پوپ فرانسس تے بطریق کیریل دا مشترکہ اعلامیہ (انگریزی :Joint Declaration of Pope Francis and Patriarch Kirill) رومن کیتھولک دے سربراہ پوپ فرانسس تے روسی آرتھوڈکس چرچ دے بطریق کیریل دے درمیان 13 فروری 2016ء نوں ہون والی ملاقات دے بعد جاری کتیا گیا مشترکہ اعلامیہ اے۔ ایہ جدید تاریخ چ پہلی وار کسی پوپ تے بطریق دی ملاقات سی۔ ذرائع ابلاغ چ اس ملاقات نوں راسخُ الاعتقاد کلیسا تے رومن کیتھولک کلیسا وجکار قریبی تعلقات ول پیش رفت دی نظر نال دیکھیا گیا۔ واضح رہے کہ دوناں فرقےآں دے درمیان 1054 چ عظیم تفرقہ بازی دے دوران پھُٹ پے گئی سی۔

ہوانا چ ملاقات

بطریق کیریل (کبھے) 2009ء چ تے پوپ فرانسس (سجے) 2015ء چ

ایہ ملاقات کیوبا دے شہر ہوانا چ ہوئی، روسی کلیسا دے اہلکار برائے خارجہ امور پادری الاریون دے مطابق ایہ ملاقات انتہائی دوستانہ ماحول چ ہوئی جو دوطرفہ تعلقات دے حوالے نال اک اہم قدم اے۔ ایہ ملاقات 2 گھینٹے جاری رہی، دوران ملاقات وکھ وکھ موضوعاں اتے گل بات ہوندی رہی، ملاقات چ بطریق کرل تے پوپ فرانسس نے تحفےآں دا تبادلہ کیتا، بطریق کرل نے پوپ فرانسس نوں مریم دی علامت تے ہسپانوی زبان چ اپنی کتاب "آزادی تے ذمہ داری" دتی، جدونکہ پاپائے روم نے روسی کلیسا دے سربراہ نوں انہاں دے آسمانی سرپرست سینٹ کیریل دے جسم دا حصہ تے عشائے زبانی دی تقریب دے دوران استعمال کیتا جان والا پیالہ دتا۔

مشترکہ اعلامیہ

مشترکہ اعلامیہ ویٹیکن نے روسی، انگریزی، جرمن ، فرانسیسی، ہسپانوی، پرتگالی تے عربی زباناں چ جاری کیتا۔ جدونکہ روسی راسخ الاعتقاد کلیسا نے روسی، انگریزی، اطالوی، فرانسیسی، ہسپانوی تے یوکرینی زباناں چ جاری کیتا۔ ایہ اعلامیہ وکھ وکھ موضوعاں نال تعلق جڑے 30 نکتےآں اتے مشتمل اے۔ پہلے حصے چتاریخ چ پہلی بار ملاقات اتے شکریہ ادا کیتا گیا تے دوناں رہنماؤں نوں، مسیحی عقیدے چ بھائی قرار دتا گیا۔دوجے تے تیجے حصے چ کیوبا، جتھے ملاقات ہوئی، اسنوں "شمال تے جنوب، مشرق تے مغرب دا سنگم" کہا گیا اے، تے لاطینی امریکہ چ مسیحیت دی ترقی اتے خوشی دا اظہار کیتا گیا اے۔ چوتھے تے پنچویں حصے چ اپنی مشترکہ روحانی روایت (مسیحیت دا پہلا ہزاریہ) اتے اظہار خیال کیتا گیا تے اس گل دی امید کیتی کہ انہاں دی اس ملاقات نال اوہ اتحاد بحال ہون چ مدد ملے گی جو خدا نوں منظور اے

ستویں توں اکیویں حصے تک کہیا گیا کہ مشرق وسطی تے شمالی افریقا دے کئی دیساں چ ساڈے ہم عقیدہ بھائیاں تے بھیناں دے پورے خاندان، پنڈ تے شہراں نوں ختم کیتا جا رہا اے۔ انہاں دے گرجےآں نوں ظالمانہ طور اتے لوٹیا جا رہا اے، انہاں دیاں مقدس چیزاں دی بے حرمتی کیتی جا رہی اے تے انہاں دیاں یادگار عمارتاں نوں برباد کیتا جا رہا اے۔

بابرلے جوڑ

• روسی زبان چ مشترکہ اعلامیہ دا متن سانچہ:Link language (روسی راسخ الاعتقاد کلیسا)
• اطالوی زبان چ مشترکہ اعلامیہ دا متن سانچہ:Link language (ہولی سی)
• انگریزی زبان چ مشترکہ اعلامیہ دا متن