ہسپانوی

وکیپیڈیا توں
جاؤ: پاندھ, کھوج
ہسپانوی
Spanish
Countries with Spanish as an official language.svg
بولن والے دیس: سپین، آرجنٹینا، بولیویا، چلی
بولن والے: 20 کروڑ لوک
بولی ٹبر: ہند یورپی بولیاں
لپی: رومن
دنیا چ نمبر: 3 واں

ہسپانوی چینی دے مگروں 410 ملین بولن والیاں دی دنیا چ دوجی وڈی ماں بولی اے۔ اے سپین ارجنٹینا چلی پیرو بولیویا ایکویڈار میکسیکو تے ہور کئی دیساں دی سرکاری بولی اے۔ ہسپانوی اک رومن بولی اے جیہڑی دسویں صدی چ اتلے سپین دیاں کئی بولیاں نال رل کے بنی قسطیلیہ دی بادشاہت چ اے سپین تے فیر ہسپانوی سلطنت دی کاروبار تے سرکار دی بولی بن گئی۔ ہسپانوی بولی تے عربی دا وی گوڑا رنگ اے تے اے ایتھے 8 صدیاں تک عرباں دے راج کرن یا رہن توں ہویا اے۔

تریخ[لکھو]

ہسپانوی 22 صدیاں پہلے سپین چ آن والی لاطینی چوں بنی اے۔ ایدے تے فیر عربی نے وی اثر پایا۔ سپین دیاں ہور بولیان جناں ج باسک وی ہیگی اے ایدے اثر پایا۔ دسویں صدی چ قسطیلیہ نال پورے سپین تے فیر دنیا چ خاص کر کے تھلویں تے وشکارلے امریکہ چ اے پھیلی۔ 1492 چ ہسپانوی دی پہلی تے اےکسی وی یورپی بولی دی وی پہلی گریمر سی لخی گغی۔ 16ویں صدی چ اے بولی امریکہ تک اپڑ گئی۔ مائیگل ڈی سروانٹیز دا ایدے اثر اینا گوڑا اے جے ہسپانوی نوں سروانٹیز دی بولی وی آکھیا جاندا اے۔

جغرافیائی پھیلاؤ[لکھو]

Conocimiento de español en la U.E..PNG
دیس
لوک گنتی
ماں بولی
دوجی بولی
٪
ہسپانوی بولن والے
سپین 46,951,532 41,786,863 4,581,088 98.8% 46,388,113
میکسیکو 108,396,211 101,908,787 6,861,481 98.5% 106,770,268
کولمبیا 45,600,000 45,157,680 77,520 99.2% 45,235,200
ارجنٹینا 40,518,951 38,866,177 1,037,285 99.4% 40,275,837

ہسپانوی بولن والے[لکھو]

اے سعاب لایا گیا اس جے سارے ہسپانوی بولن والیاں دی گنتی 47 توں 50 کروڑ دے وشکار اے تے اینج اے چینی تے انگریزی دے مگروں تیجا وڈا بولی بولن والا جٹ اے۔ ماں بولی دے سعاب نال اے دوجا وڈا جٹ اے۔ 2007 دے سعاب کتاب دسدے نیں جے انٹر نیٹ تے انگریزی تے چینی مگروں ہسپانوی تیجی وڈی ورتی جان والی بولی اے۔

یورپ[لکھو]

ہسپانوی بولی یورپ چ سپین دی سرکاری بولی اے جتھوں کے اے ٹری۔ اے جبرالٹر تے اندورہ چ جوکھے سارے لوکاں دی بولی اے۔ ساری دنیا چ اے 20 دیساں دی بولی اے ایدے نال اینوں برطانیہ جرمنی تے فرانس چ نکیاں نکیاں ٹولیاں وی بولدیاں نیں۔ یورپی جٹ دی اے سرکاری بولی اے۔ سویٹزرلینڈ دے 1.7٪ لوکاں دی اے ماں بولی اے۔ اینج اے 4 سرکاری بولیاں نال سویٹزرلینڈ دی وڈی اقلیتی بولی اے۔

امریکی دیس[لکھو]

ہسپانوی بولی نوں سب توں چوکھے بولن والے لوک امریکی دیساں ج وسدے نیں۔ ایناں توں بار صرف سپین تے استوائی گنی چ اے بولی چوکھے لوکاں دی گنتی اے۔ میکسیکو چ سب تون چوکھے ہسپانوی بولن والے نیں۔ ہسپانوی بولی ارجنٹینا بولیویا چلی کولمبیا،کوسٹا ریکا، کیوبا، دومنکن لوک راج، ایکویڈار، ایلسیلویڈار، گویٹیمالا، ہونڈراس، میکسیکو، پانامہ، نکاراگوا، پیراگوے، یوراگوۓ، وینزویلا، پیرو تے پورٹوریکو دی سرکاری بولی اے۔ برازیل دے سکولاں چ اینوں لازمی پڑھایا جاندا اے۔

امریکہ[لکھو]

2006 دے سعاب کتاب نال 4 کروڑ 43 لکھ لوک ہسپانوی لوکاں دی نسل توں نیں۔ امریکہ ج ہسپانوی بولن والیاں دی دنیا دی دوجی وڈی گنتی اے۔ ہسپانوی انگریزی دے مگروں امریکہ دی دوجی وڈی بولی اے۔

افریقہ[لکھو]

افریقہ چ ہسپانوی استوائی گنی تے افریقی یونین دی سرکاری بولی اے۔

رائل سپینش اکیڈمی[لکھو]

رائل سپینش اکیڈمی ہسپانوی بولی نوں اک ورگا رکھ واو کم کرر‎ی اے جیدے ڈکشنریاں تے ہور رلدیاں کتاباں چھاپناں اے۔