چک نانکی

وکیپیڈیا توں
Jump to navigation Jump to search

بہتیریاں لوکاں دا یعقین اے کہ آنند پور صاحب دی نیہہ گرو تیغ بہادر صاحب نے رکھی سی، جو کہ سراسر غلط اے، لوگ چکّ نانکی نوں ہی آند پور صاحب سمجھن دی بھلّ کردے ہن۔

گرو تیغ بہادر صاحب نے چکّ نانکی پنڈ رانی چمپا دی ارداس تے بساؤنا منظور کیتا سی۔ گرو تیغ بہادر صاحب نے ہتھوت (جتھے کدے ہاتھیاں دے جھنڈ پھردے ہوندے سن) ماکھووال دی تھیہ دے دوآلے، میانپور، لودیپور تے سوہٹا پنڈاں دی وچکارلی تھاں چنی اتے اس دی رقم بلاسپور ریاست نوں تار دتی۔ جون 1665 وچ بھائی گردتا(پوتا بابا بڈھا ) دے ہتھوں موڑھی گڈوا کے نوے پنڈ "چکّ نانکی" دی نیہہ رکھی۔ گرو تیغ بہادر صاحب نے اپنی ماں نانکی دے ناں تے اس پنڈ دا ناں "چکّ نانکی" رکھیا سی۔

غور کرن والی اک گل اے کہ سرکاری کاغذاں وچ چکّ نانکی دا نام صرف چکّ اے اتے چکّ نانکی دا نمبردار بھی آنندپور صاحب توں وکھرا اے۔ اج تک بھی سرکاری کاغذاں وچ دونوں ہی وکھ وکھ قصبے ہن۔

جد کشمیر توں براہمن گرو تیغ بہادر صاحب کول فریادی ہوکے آئے سی، تاں چکّ نانکی وچ آئے سی اتے بھٹّ وہیاں وچ اندراج چک نانکی دی درج اے۔

بھٹّ وحی ملتانی سندھی دی اندراج "بھائی کرپا رام بیٹا آڑو رام کا پوتا نرین داس کا پڑپوتا براہم داس کا بنس ٹھکر داس کی دتّ گوترا مجھال براہمن باسی مٹن دیس کشمیر سمت سترہ سو بتیس (1732 سں/1675 اِ) جیٹھ ماسے سدی اکادسی کے دہُ کھوڑس براہمنوں کو گیل گام چک نانکی پرگنا کہلور گرو تیغ بہادر جی محل نامہ کے دربار آئِ فریادی ہوا۔ گرو جی نے انھیں دھیرج دئی بچن ہوآ تساں کی رکھسا بابا نانک کریگا۔"

جد گرو گوبند سنگھ صاحب ناہن دے راجا میدنی پرساد دی عرض تے ناہن پجے، تاں راجے نے گرو صاحب اگے عرض کیتی کہ اوہ ریاست وچ نواس رکھن۔ راجے دے جذباتاں نوں ویکھدے ہوئے گرو صاحب نے اک جگہ جمنا دے کنڈے اتے پسند کرکے نواں نگر بساؤن دا فیصلہ کیتا۔ پاؤنٹا صاحب دی نیہہ 29 اپریل 1685 دے دن، دیوان نند چند سنگھاں کولوں ارداس کروا کے بھائی رام کنور (کھنڈے دی پاہل مگروں بھائی گربخش سنگھ) دے ہنتھو موڑھی گڈوا کے رکھی۔

گرو گوبند سنگھ صاحب دی بھنگانی دی لڑائی جتن دی خبر سن کے راجا بھیم چند نے اپنی حفاظت نوں مکھ رکھدے ہوئے اپنی ماں نوں کہہ کے گرو صاحب نوں خط بھیج کے مڑ آؤن واسطے عرض کیتی۔ گرو صاحب رانی دی عرض دا ستکار کردے ہوئے پاؤنٹا صاحب توں واپس چک نانکی نومبر 1688 وچ آئے سن۔

رانی چمپا نے نویں نگر واسطے جگہ دی ارداس دی خواہش ظاہر کیتی، پر جد گرو صاحب نے کہیا کہ اوہ نگر وساؤن واسطے زمین مفت نہیں لینگے تاں رانی نوں قبول کرنا پیا۔ بلاسپور دی رانی کولوں گرو صاحب نے سہوٹا، میانپور، لودیپور، ماکھووال، اگمپرا اتے تاراگڑھ زمین خرید لئی۔ آنند پور صاحب دی نیہہ گرو گوبند سنگھ صاحب نے 30 مارچ 1689 وچ چکّ نانکی دے نیڑے، کیسگڑھ والی جگہ رکھی سی۔

ایہہ تے صاف اے کہ گرو گوبند سنگھ صاحب جد پاؤنٹا صاحب گئے، تاں کوئی آنند پور صاحب نام دا نگر موجد نہیں سی۔

بچتر ناٹک دا اڈیٹر تقریباً اک صدی بعد ایہہ جعل سازی لکھ رہیا اے اتے اس وجہ نال اوہ دھوکھا کھا گیا۔ اسنوں ایہہ نہیں پتہ سی کہ گرو گوبند سنگھ صاحب نے آنند پور صاحب پاؤنٹا صاحب توں آکے لگبھگ 5-6 مہینے بعد بسایا سی۔

ہورویکھو[لکھو]

حوالے[لکھو]

باہرلےجوڑ[لکھو]