ڈون وولگا نہر

وکیپیڈیا توں
Jump to navigation Jump to search

لینن دون وولگا نہر روس چ دریاۓ وولگا تے دریائے ڈون نوں ملاں آلی اک نہر اے جس دی لمبائی 101 کلومیٹ اے ۔

اینہاں دوناں دریاواں نوں اک نہر راہیں ملان دی تریخ بوہت پرانی اے ۔ تہلی وار ایہہ کم سلطنت عثمانیہ دے ترکاں نے انجام دتا ۔ روسی سلطنت دے زار روس پیٹر اعظم نے 17ویں صدی عیسوی دے آخیر چ اس کم نوںمکمل کرن دی ناکام کوشش کیتی ۔ بعد چ اینج دیاں کئی کوششان کیتیاں گئیاں ، پر حقیقتا کوئی وی اس کم نو‍ں مکمل نا کر سکئیا ۔

اس نہر دی اساری دا حقیقی آغاز تے 1941ء توں پہلاں ہوئیا پر 1941ء توں 1945ء دے دوران ایہہ کم بند رہئیا تے 1948ء توں 1952ء دے وچکار اس تے کم مکمل کیتا گئیا ۔ اس دی اساری دا سارا کم قیدیاں توں لئیا گئیا ۔ 1952ء تک اس تے کم کرن آلے مزدوران دی گنتی اک لکھ تا اپڑ گئی سی ۔ اساری مکمل ہون دے مگروں ایہہ روس دے یورپی علاقےآں چ آب نقل تے حمل دا اہم زریعہ بن گئی ۔ ایہہ نہر وولگا گراد دے دکھن توں دریاۓ وولگا توں شروع ہو کے کالاچ نا ڈونو دے نیڑے دریائے ڈون چ ختم ہندی اے ۔ کیونجے دونے دریا سمندر دی پدھر توں اکوجہے اچے نئیں اس لئی نہر چ 13 "کینال لاک" لائے گئے نیں ۔

اس نہر چ پانی دریائے ڈون توں آندا اے ۔ جتھے تن طاقتور پمپنگ سٹیشن لگے ہوئے نیں ۔ اس نہر دا پانی زراعت لئی وی ورتیا جاندا اے ۔

بحیرہ کیسپیئن توں کالا سمندر تے جگ دے دوجے سمندراں چ جان لئی جہاز دریاۓ وولگا تے اس نہر توں لنگھ کے ای دریائے ڈون تے بعد چ آبنائے کرچ توں ہندے ہوئے کالا سمندر چ پہنچدے نیں ۔ اینج ایہہ بحیرہ کیسپیئن نوں دنیا بھر نال منسلک کرن دا اہم ترین ذریعہ اے ۔