دریائے وولگا

وکیپیڈیا توں
جاؤ: پاندھ, کھوج
دریاۓ وولگا
Volga Ulyanovsk-oliv.jpg
Volgarivermap.png
ٹرنا: توور اوبلاسٹ، روس
انت: کیسپیئن سمندر
لمبائی : کلومیٹر 3,692
دیس: روس

وولگا دریا( Volga انگریزی:)(سانچہ:Лlang-rus) روس دا اک دریا ہے ۔ ایہ کیسپیئن سمندر وچّ ڈگدا ہے ۔

روس دا قومی دریا[لکھو]

دریائے وولگا روس دا قومی دریا سمجھیا جاندا اے ۔ ایہہ یورپ دا سب توں لمبا دریا اے ۔ ایہہ دریا ماسکو دے شمال مغرب تے سینٹ پیٹرز برگ دے جنوب مغرب چ 320 کلومیٹر دور کوہ ولدائی توں نکلدا اے ۔ ایتھوں ایہہ مشرق ول سفر کردا ہوئیا استراخان دے نیڑے سطح سمندر توں 28 میٹر تھلے کیسپیئن سمندر چ جاگردا اے ۔

ڈون وولگا نہر[لکھو]

کیسپیئن سمندر چ ڈگن توں پہلاں وولگوگراد ( سابق سٹالن گراد )دے نیڑے دریائے ڈون ول موڑ کٹدا اے ۔ جتھے ڈون وولگا نہر تعمیر کرکے اسنوں دریائے ڈون نال ملا دتا گئیا اے ۔ کیسپیئن سمندر توں کالا سمندر تے دنیا دے دوجے علاقیاں نوں جان والے جہاز دریائے وولگا تے ڈون وولگا نہر توں گذرن دے بعد دریائے ڈون تے فیر ازوف سمندر تے پانی گلی کرچ توں ہندے ہوئے کالک سمندر چ پہنچدے نیں ۔ اس طرخ ایہہ کیسپیئن سمندر نوں دنیا بھر نال منسلک کرن دا اہم زریعہ اے ۔

اس دریا دا ڈیلٹا 160 کلومیٹر طویل اے ۔ ڈون وولگا نہر دے علاوہ ماسکو نہر تے مارینسک نہر دا نظام ماسکو نوں رومی سمندر ، ، کالا سمندر ، ازوف سمندر تے کیسپیئن سمندر نال ملاندا اے ۔

ساراتووف پل[لکھو]

دریائے وولگا تے بنایا ساراتوو پل ، یورپ دا سبتوں لمبا پل اے ۔

دریائے وولگا تے ساراتوو پل ، جہڑا یورپ دا سبتوں لمبا پل اے

وولگا دریا کنڈے دی مسلم تریخ[لکھو]

اس دریا دے علاقے وچ سبتوں پہلے 8ویں صدی عیسوی وولگا بلغاریہ دی مسلم ریاست قایم ہوئی ، جہڑی 13ویں صدی عیسوی دے شروع وچ منگولاں دے اس علاقے اُتے مل دے بعد اینہاں دے قبضے وچ آ گئی تے بعد وچ اس علاقے قایم ہون آلی مسلم سلطنت طلائی اردو دا حصہ بن گئی ۔ طلائی اردو دی نکیاں نکیاں ریاستاں وچ ونڈ دے بعد اس دریا دے ڈیلٹائی علاقے چ قائم مسلمان حکومتاں نوغائی اردو تے خانان استراخان سن جنہاں دے 16ویں صدی چ روسی سلطنت نے قبضہ کرلئیا سی جہڑا کہ ہن تک قائم اے تے ہن مسلمان اس علاقے چ روسی پالیسیاں دی وجہ توں اقلیت چ نیں ۔ اس دے علاوہ اس دریا دے کنارے موجودہ تاتارستان دی سرزمین تے قائم خانان قازان یا کازان خانیٹ تے وی روس نے قبضہ کرلئیا سی ۔

ٹُریا تے ڈگنا[لکھو]

والگا دریا یورپ اتے یورپی روس دا سبھتوں لما دریا اتے روس دا اہم بحری رستہ ہے ۔ ولدائی پہاڑی اتے 665 فٹّ اچائی اتے واقع سروت توں نکلکے ، ایہہ ندی 1300 میل لمبے گھماؤدار رستےآں توں ہندی ہوئی کیسپیئن سمندر وچّ ڈگدی ہے اتے مہانے اتے ڈیلٹا بناؤندی ہے ۔ ایہہ ڈیلٹا لگبھگّ 70 میل چوڑا ہے اتے اسوچّ دریا دے لگبھگّ 200 رستہ ہن اتے ڈیلٹا سمندر پدھر توں 86 فٹّ نیواں ہے ۔

معاون دریا[لکھو]

ولڈائی پہاڑی توں اترن دے بعد ندی چھوٹی چھوٹی جھیلاں دے سلسلے نوں ملاندی ہے ۔ اوکا دریا ( Oka ) , کاما دریا( Kama ) اتے اونجھا مکھ معاون دریا تے اسدے دے علاوہ اسدے کئی چھوٹے معاون دریا ہن ۔ والگا اتے اسدے معاون دریا دے راہیں ، 63،000 مربع میل علاقے دا آبی نکاس ہندا ہے اتے 20،000 میل تکّ بحری سفر کیتا جاندا ہے ۔

اہم خصوصیت[لکھو]

وولگا دی ساری لمبائی سال وچّ تنّ مہینے لئی جم جاندی ہے ، تے اینہاں دناں وچ سلیج دے راہیں مال دی ڈھلائی کیتی جاندی ہے ۔ دریائی نہراں دے راہیں بالٹک سمندر ، آرکٹیک سمندراتے ماسکو نال جڑیا ہوئیا ہے ۔

روسی رہتل وچ وولگا دی اہمیت[لکھو]

وولگا لمبائی اتے پانی مقدار دے حساب نال یورپ دا سبھ توں وڈا دریا ہے۔ ایہہ وشگارلے روس وچوں وہندا ہے اتے اسنوں کھلھے روپ وچّ روس دا قومی دریا کیہا جاندا ہے۔ روس دے 20 (ویہہ) سبھ توں وڈے شہراں وچوں گیاراں (راجگڑھ ماسکو سمیت) اس دے بیٹ علاقے وچّ واقع ہن۔ دنیا دے کجھ سبھ توں وڈیاں جھیلاں اس دے کنڈھے ملدیاں ہن۔ روسی سبھیاچار وچّ اس دا سنکیتی مطلب ہے اتے کئی وار روسی ساہت اتے لوک-کہانیاںوچّ اسنوں وولگا-ماتوشکا (ماں وولگا) کیہا جاندا ہے۔

وولگا دی وادی[لکھو]

وولگا دریا دی وادی کنک دی پیداوار دا اتے عمارتی لکڑی دے فراہمی دا اہم علاقہ ہے ۔

دریا دے کنڈے اہم شہر[لکھو]

اس دریا دے کنڈے اتے واقع اہم نگر نیں : سٹالنگراد ، نیزنی نووگورد، ساراتوفاتے استراخان ۔

ماہی گیری[لکھو]

وولگا دریا دے ڈیلٹا اتے اسدے نیڑے دا کیسپئین سمندر دا پانی دنیا دے مشہور مچھی علاقے وچوں اک ہے ۔ بسنت رتُ وچّ وولگا وچّ اِنّا وڈا ہڑ آؤندا ہے کہ کیسپئین سمندر دے پانی دا پدھر ودھ جاندا ہے ۔ رتُ اتے تھاں دے مطابق اس دریا دی گہرائی تبدیل ہندی رہندی ہے ۔

وولگا مورتاں چ
Volga barges.jpg FreshWindOfLevitan.jpg Galakhov-Nikolai-July-on-the-Volga-River-gal23bw.jpg Galakhov-Nikolai-On-the-Volga-River-per16bw.jpg

تصویراں[لکھو]

چترکاری وچّ وولگا دریا[لکھو]

باہرلے جوڑ[لکھو]

حوالے[لکھو]