پاک افغان بارڈر

پاک افغان بارڈر، پاکستان تے افغانستان دے وچکار سرحد اے۔ ایہ بارڈر 2640 کلومیٹر/1610 میل لمبا اے۔ ایہ 12 نومبر 1893ء نوں برطانوی ہند تے افغانستان دے وچکار سرحدی معاہدے نال طے ہویا سی۔ ایہ بارڈر اُچے پہاڑی سِلسلےآں اُتے بݨیا اے جیہڑے دوواں مُلکاں نوں وکھ وکھ کردے نیں۔ پہاڑی درےآں توں ای اک دوجے مُلک نوں آؤݨ جاݨ ہوسکدی اے۔ پاکستان نے پاک افغان بارڈر اُتے خندق پٹ کے تے باڑ لا کے بند کر دتا اے تاکہ افغانستان توں دہشتگرداں نوں پاکستان آؤݨ توں روکیا جاسکے۔ ایس توں علاوہ ایتھے پاکستان فرنٹیئر کور دیاں بہت ساریاں چیک پوسٹاں تے سرحدی قلعے وی بݨ گئے نیں تے پاک فوج ایس بارڈر دی سخت نگرانی کردی اے۔