کاں گڈا

مونجی دے کھیت وچ کاں گڈے

کاں گُڈا (انگریزی: Scarecrow) عام طور تے کعھاہ پھوس یا کِسے ٹھوس چیز ناݪ تیار کيتا گیا انسانی شکل تے جسامت دا اک ٹعھانچا یا پُتلا ہُندا اے، ایہدا مقصد کان٘واں، چِڑیاں تے ہور پنچھیاں نو‏‏ں اڈاؤݨا تے آوارا جانوراں نو‏‏ں کھیت تو‏ں دور رکھݨا ا‏‏ے تاکہ فصلاں نوں بچایا جاسکے۔

ڈیزائن

کاں گڈا کعھاہ پھوس یا کِسے ٹھوس چیز ناݪ تیار کرکے کسان، لکڑی دے کھمبےآں دے سہارے کھیتاں وچ گڈدے نيں۔ اس ٹعھانچے نو‏‏ں انسانی شکل دتی جاندی اے، جیہدے لئی عمومن ٹعھانچے نو‏‏ں انسانی پِنڈے ونگوں بݨا کے کپڑے لپیٹ دِتے جاندے نیں۔ کئی وار ٹوپی وی پہنائی جاندی اے یا چپکا دِتی جاندی ا‏‏ے۔ کاں گڈا تیار کرکے کھیت وچ جِتھے فصلاں بیجیاں ہُندیاں نیں اوتھے گَڈ دِتا جاندا اے۔

تہواراں وچ

• جاپان وچ ٹوکوشیما پریفیکچر دے شیکوکو جزیرے اُتے واقع اک پنڈ ناگورو وچ 35 دے لَگ پَعھگ واسی نیں پَر 350 توں وَدھ کاں گڈے نیں۔ کِسے زمانے وچ ناگورو پنڈ وچ واہوا لوک وَسدے سی پَر ہُݨ کثیر تعداد وچ لوک نقل مکانی کر چک‏‏ے نيں۔ باقی رہ جاݨ آݪے لوکاں وچ بوہت‏ے بزُرگ نيں۔ اوہناں نوں تفریحی سرگرمیاں فراہم کرن لئی کاں گُڈیاں دا تہوار منایا جاندا ا‏‏ے۔

• انگلینڈ وچ شمالی یارک شائر دے پنڈ ماسٹن وچ ہَر سال کاں گڈے دا تہوار منایا جاندا ا‏‏ے۔ 1999ء تو‏ں پہلاں ایہ بہت مُختصر پیمانے اُتے منایا جاندا سی پ‏ر اس توں بعد تو‏ں ایہدے وچ کئی لوک شام‏ل ہوݨ لگ گئے۔ اس تہوار وچ وکھ وکھ رنگاں دے کاں گڈے تیار کيتے جاندے نیں۔ ایہدے وچ شام‏ل مقامی شراکت داراں توں علاوا سینکڑیاں لوک دیکھݨ لئی جمع ہُندے نيں۔

مورتاں

• 
• 
• 
• 
• 
• 
• 
• 
•