کلدیپ پارس

وکیپیڈیا توں
Jump to navigation Jump to search

کلدیپ پارس کلدیپ پارس (1962-2009) اک پنجابی کائیک سی ۔

جم[لکھو]

کئی مشہور گیت پنجابی ننس والےآں دی جھولی پاؤن والے کلدیپ پارس دا جنم ضلع روپنگر دے پنڈ رولوماجرا وچّ 1962 وچّ پیؤ بلویر سنگھ اتے ماں لچھمی دیوی دے گھر ہویا۔ بچپن وچّ ہی گائیکی دا شوق پال بیٹھا پارس 1979 وچّ لدھیانے آ گیا تے لوک گائیک سریندر چھندا نوں اپنا استاد دھار لیا۔

گائیکی[لکھو]

شروعاتی دناں وچّ 1982 وچّ پارس دی آواز وچّ چار کلیاں ‘کڑیاں کھیڈن آئیاں’، ‘تیر دا نشانہ’، ‘آرے نال چیردے’، ‘بہہ گیا نینوی پا کے’ ریکارڈ ہوئیاں۔ اس توں بعد 1984 وچّ سکھونت کور نال اس دا ریکارڈ ‘جیٹھ میرا کم نہ کرے’ آیا۔ 1985 وچّ پارس دا پہلا ایل.پی. ریکارڈ ‘میرا یار شرابی’ آیا۔ اس وچلا حاکم بکھتڑیوالے دا لکھیا گیت ‘سادھ دا نہ ٹیم لنگھے بھنگ توں بناں’ انا ہٹ ہویا کہ پارس دی سمکالی کلاکاراں وچّ چنگی پچھان بن گئی۔

سنگیتکار چرنجیت آہوجا دے سنگیت ہیٹھ کلدیپ پارس دی آواز وچّ ریکارڈ کیسیٹ ‘گلّ مکدی آ کے دارو تے’ نے اس دی گائکی نوں سکھر اتے پہنچا دتا۔ اس مگروں آئیاں اس دیاں کئی کیسیٹاں مشہور ہوئیاں۔ پارس دی آواز وچّ ریکارڈ دھارمک ٹیپاں ‘خون شہیداں دا’ اتے ‘جنگ نامہ امرتسر’ وی بہت ہٹ ہوئیاں۔ کلدیپ پارس نے سکھونت کور، گلشن کومل، اوشا کرن، رپندر روپی اتے بلجندر رمپی نال سٹیج پروگرام کیتے تے گیت وی ریکارڈ کروائے۔ کلدیپ پارس نے پنجابی فلماں وچّ وی کئی ہٹ گیت گائے۔ پنجابی فلم ‘پتّ جٹاں دے’ وچّ پارس نے امر سنگھ چمکیلے نال کورس وچّ گایا۔ کلدیپ پارس نے مرزا سنگووالیا، چھندا بسراوانوالا، پالی دیتوالیا، بلبیر سنگھ گریوال، بنت رامپرے والا، بھپندر کھرمی، جگا گلّ، حاکم بکھتڑیوالا، تیجا بھٹے والا، رندھیر سنگھ دھیرا تے کئی ہور گیت کاراں دے لکھے گیت گائے۔

کلدیپ پارس دی آواز انی بلند سی کہ اک وار پرو. موہن سنگھ میلے ’تے بجلی چلی گئی۔ اس نے بناں مائیک توں گیت گا کے اتھے موجود سارے کلاکاراں تے سروتیاں نوں حیران کر دتا۔ 2002 وچّ بیماری کرکے پارس نوں ڈاکٹر نے نہ گاؤن دی صلاحَ دتی سی، پر اس نے اپنے دوست جگی دے ویاہ موقعے اکھاڑا لایا تے جاندے سمیں پیسے وی سازیاں نوں دے گیا۔ امر سنگھ چمکیلا وانگ کلدیپ پارس نے وی کئی غریب لوکاں دے گھر مفت وچّ اکھاڑے لائے تے کئی وار سمیں توں ودھ چھ گھنٹے تک اکھاڑا وی لایا۔ کلدیپ پارس کرکٹ میچ دیکھن دا بہت شوقین سی۔ اوہ امر سنگھ چمکیلا، کلدیپ مانک، لتا منگیشکر تے نور جہاں دے گیت سننے بہت پسند کردا سی۔ پارس دی چمکیلے نال کافی نیڑتا سی۔ چمکیلے نے پارس دے ویاہ ’تے گلابی پگّ بنھ کے اکھاڑا لاؤنا سی تے امرجوت نے پارس دے سرمہ پاؤنا سی، پر دوواں دی موت دا پارس نوں ڈونگھا صدمہ پجیا۔ چمکیلے دے تر جان توں بعد اوہ زیادہ شراب پین لگّ پیا تے جگدیو سنگھ جسووال دے گھروں چمکیلے دی دگری وکھے بنی سمادھ ’تے جا کے روندا وی رہا۔

موت[لکھو]

انتلے سمیں وچّ اس نوں کینسر ہو گیا۔ اخیر لما سماں بیماری نال لڑن پچھوں 17 دسمبر 2009 نوں موہن دیئی کینسر ہسپتال، لدھیانہ وچّ اس دی موت ہو گئی۔ اس دے پریوار وچّ پتنی پرمجیت کور، پتر سکھدیپ پارس اتے دھی گرپریت کور ہے۔