کنٹونمنٹ بورڈ

کنٹونمنٹ بورڈ (Cantonment board) کنٹونمنٹ (چھاؤݨی) دے بلدیا‏تی انتظامی امور دی دیکھ پعھال واسطے اک ادارا اے ۔ پاکستان وچ کنٹونمنٹ، کنٹونمنٹ بورڈاں دے زیر انتظام ملٹری لینڈ اینڈ کنٹونمنٹ ڈیپارٹمنٹ ، وزارت دفاع ، حکومت پاکستان دے کنٹرول وچ ہُندے نيں ۔ کنٹونمنٹ کنٹونمنٹ ایکٹ 1924 دے تحت قائم نیں ۔ قیامِ امن د‏‏ی وجہ تو‏ں کنٹونمنٹاں دا آبادیا‏تی کردار بدل گیا ا‏‏ے ۔ ہُݨ کنٹونمنٹ وچ اہ‏م شہری آبادی تے نِجی کاروباری علاقے وی شام‏ل ہو چکے نیں ۔ پاکستان وچ 56 کنٹونمنٹ (چھاوݨیاں) نیں ۔

کنٹونمنٹ بورڈ دی ہئیت ترکیبی

کنٹونمنٹ بورڈاں وچ وارڈز دے جنرل کونسلراں توں علاوا آبادی دے تناسب نال عورتاں ، کساناں ، مزدوراں تے اقلیتاں واسطے وی نشِستاں مُختص نیں، جیہناں دا اِنتخاب بورڈ دے مُنتخب مِمبران کردے نیں ۔ یعݨی جنرل کونسلراں نوں وارڈز دے ووٹر براہِ راست مُنتخب کردے نیں تے مخصوص نشستاں اُتے اِنتخاب دا عمل بِلواسطا طور تے ہُندا اے ۔

بعد وچ مُنتخب مِمبراں وِچوں بورڈ دے نائب صدر دا خُفیا رائے شماری نال اِنتخاب ہُندا اے ۔ کنٹونمنٹ بورڈ دا صدر فوج دا سٹیشن کمانڈر ہُندا اے جیہڑا عمومن بریگیڈیئر رینک دا فوجی افسر ہُندا اے، ایس طرحاں بورڈ دی باڈی وچ فوجی افسراں توں علاوا عوامی نمائندے وی شامل ہُندے نیں ۔

کنٹونمنٹ بورڈ دیاں کیٹیگریاں

سِول آبادی د‏‏ی بنیاد اُتے کنٹونمنٹ بورڈز نو‏‏ں 3 کیٹیگریاں وچ ونڈیا گیا ا‏‏ے ۔

اے کلاس کنٹونمنٹ بورڈ

اک لکھ توں وَدھ آبادی آلا کنٹونمنٹ بورڈ اے کلاس ہُندا اے ۔

بی کلاس کنٹونمنٹ بورڈ

پنجاہ ہزار توں اک لکھ تَک آبادی آلا کنٹونمنٹ بورڈ بی کلاس ہُندا اے ۔

سی کلاس کنٹونمنٹ بورڈ

پنجاہ ہزار توں کَعھٹ آبادی آلا کنٹونمنٹ کنٹونمنٹ بورڈ سی کلاس ہُندا اے ۔

کنٹونمنٹ بورڈ دے اِختیارات

1. کنٹونمنٹ دے بجٹ نوں پاس کرنا
2. کنٹونمنٹ ترقیاتی منصوبیاں دا قیام
3. کنٹونمنٹ ٹیکس دا نفاذ
4. کنٹونمنٹ چھوٹے چھوٹے قوانین لاگو کرنا
5. کنٹونمنٹ دی کارکردگی جانچݨا

کنٹونمنٹ بورڈ دے انتخابات

کنٹونمنٹ بورڈ دے الیکشن کروݨا الیکشن کمیشن آف پاکستان دی ذُما داری اے ۔

ہور دیکھو

• کنٹونمنٹ
• میونسپل کونسل