کولندا گرابار کیتاروویچ

کولندا گرابار کیتاروویچ
(کروشیائی وچ: Kolinda Grabar-Kitarović)
جم	29 اپریل 1965 (59 سال)  ریئکا
وفات
شہریت	کروشیا
رکنیت	بین الاقوامی اولمپک کمیٹی
مناصب
صدر کرویئشیا
دفتر وچ ۱۸ فروری ۲۰۱۵  – ۱۸ فروری ۲۰۲۰
عملی زندگی
مادر علمی	یونیورسٹی آف زغرب جارج واشنگٹن یونیورسٹی
پیشہ	سفارت کار ،  سیاست دان
مادری زبان	کروشیائی
پیشہ ورانہ زبان	کروشیائی ،  انگریزی ،  سپینی ،  پرتگالی
اعزازات
آرڈر آف دی وائٹ ایگل  مبارک الکبیر اعزاز  فل برائٹ اسکالرشپ  آرڈر آف اسٹار آف رومانیہ
دستخط
ویب سائٹ
ویب سائٹ	باضابطہ ویب سائٹ (کروشیائی )

کولندا گرابار کیتاروویچ (Kolinda Grabar-Kitarović) (جم: 29 اپریل 1968)، اک کروشیئن سیاست دان تے سفارت کار نیں جیہناں نے 2015ء سے 2020ء تک کروشیا دی صدر دے طور تے خِدمات انجام دِتیاں۔ اوہ 1990ء وچ ہوݨ والے پہلے کثیر الجماعتی انتخابات تے 1991ء وچ یوگوسلاویا توں علیحدگی توں بعد اس عہدے اُتے منتخب ہوݨ والی پہلی عورت سی۔ اوہ 46 سال دی عمر وچ صدر بݨ کے کم عمر شخصیت بݨ گئیاں۔

کروشیا دی صدر دے طور پر اپنے انتخاب سے قبل، گرابر کیتاروویچ متعدد سرکاری تے سفارتی عہدےآں اُتے فائز رہی۔ اوہ 2003ء توں 2005ء تک یورپی امور دی وزیر، 2005ء توں 2008ء تک خارجہ امور تے یورپی انٹیگریشن دی پہلی خاتون وزیر، 2008ء توں 2011ء تک امریکا وچ کروشیا دی سفیر تے 2011ء توں 2014ء تک سیکرٹری جنرل اینڈرس فوگ راسموسن تے جینز اسٹولٹن برگ دے تحت نیٹو وچ عوامی سفارت کاری دی اسسٹنٹ سیکرٹری جنرل رہی۔

اوہ فلبرائٹ لائف ٹائم اچیومنٹ ایوارڈ تے متعدد قومی تے بین الاقوامی ایوارڈز، اعزازات، اعزازی ڈاکٹریٹ تے اعزازی شہریت دی وصول کنندہ نیں۔

کولندا 1993ء توں 2015ء تک قدامت پسند کروشیئن ڈیموکریٹک یونیئن پارٹی دی رکن رہی تے سہ فریقی کمیشن دے تن کروشیئن مِمبران وِچوں اک سی، لیکن اوہناں 2015ء وچ صدر دا عہدہ سنبھالݨ توں بعد دوناں عہدےآ توں استعفا دیݨا پیا، کیونکہ کروشیئن صدور نوں دفتر وچ رہندے ہوئے دیگر سیاسی عہدے یا پارٹی دی رکنیت رکھݨ دی اجازت نئیں ہُندی۔ صدر دے طور تے اوہناں نے پولینڈ دے صدر اندرزیج ڈوڈا دے نال مل کے 2015ء وچ تھری سیز اِنیشیئیٹِو دا آغاز کیتا۔ 2017ء وچ فوربس میگزین نے کولِندا نوں دنیا دی 39ویں طاقتور ترین عورت دے طور تے درج کیتا۔

2020ء وچ اوہ بین الاقوامی اولمپک کمیٹی وچ کروشیا دی نمائندہ منتخب ہوئیاں۔

حوالے