گردوارہ جنم استھان گرو رام داس

گردوارہ جنم استھان گرو رام داس ਗੁਰੂਦਵਾਰਾ ਜਨਮ ਅਸਤਥਾਨ ਗੁਰੂ ਰਾਮਦਾਸ
عمومی معلومات
معماری طرز	سکھ طرز تعمیر
شہر یا قصبہ	اندرون لہور، لہور
ملک	پنجاب، پاکستان
تکمیل	1801ء

گردوارہ جنم استھان گرو رام داس لہور وچ اِک تریخی گردوارہ اے جتھے سکھاں دے چوتھے گرو گرو رام داس دا جنم ہویا سی۔۔ ایس تھاں نوں سکھاں دے مذہبی تے تریخی تھاواں وچ سرناواں مقام دِتا جاندا اے۔

تریخ

ایس مکان وچ سکھاں دے چوتھے گرو گرو رام داس دا جنم 24 ستمبر 1534 نوں ہویا سی۔ گرو رام داس ایتھے ست ورہے تیکر وسے۔ گرو رام داس دا ایہہ جَدی مکان بہت ہی چھوٹا سی۔ 1801 تیکر ایہہ مکان اپنی ایسی حالت وچ باقی رہیا۔ 22 فروری 1801 نوں مہاراجہ رنجیت سنگھ دا پتر کھڑک سنگھ جمیا تے مہارانی نکائن کور نے ایس خوشی وِچ ایس مکان دی تھاں اِک وڈا مکان نما گردوارہ اساریا۔ ہن تیکر ایہی مکان چلدا آ رہیا اے۔

عمارت

ایس تریخی گردوارے دا نقشہ ہرمندر صاحب نال ملدا جلدا اے۔ گردوارے دی پچھم ولے کھلا ویڑھا اے تے نشان صاحب دکھن پچھم کونے وِچ اے۔ گردوارے دا طول 122 فٹ 6 انچ تے عرض 97 فٹ 6 انچ اے۔

ویکھ بھال

1927 توں 1947 تیکر ایس گوردوارے دی ویکھ بھال گردوارہ پربندھک کمیٹی کول سی۔ ہندوستان دے بٹوارے بعدوں ایہدی ویکھ بھال محکمہ اوقاف پاکستان کول آ گئی۔ ہُن تیکر محکمہ اوقاف ایہدی دیکھ بھال کردا اے۔ گردوارے دے ناں 8 دکاناں وی نیں۔

ہور ویکھو

گرو رام داس

حوالے