گرم پعرا

آزاد انسائیکلوپیڈیا، وکیپیڈیا توں

گرم بھرا جیکب گرم (1785–1863) تے ولہلم گرم (1786–1859) دو جرمن پعرا سن جناں نے پریاں دیاں تے لوک کعانیاں کٹھیاں کیتیاں تے اوناں نوں چھاپیا۔ جیکب نے بولی اتے وی کم کیتا۔ دوناں پعراواں نے رل کے جرمن ڈکشنری لکھنی وی شروع کیتی۔


جیکب لڈوگ کارل گرم (4 جنوری 1785 نوں) تے ولہلم کارل گرم (24 فروری 1786 نوں) ہینا‎‎ؤ چ فرینکفرٹ دے نیڑے ہیسے چ جمے۔ اوہ چھ پعن پعرا سن۔ اوناں اپناں بچپن دا ویلہ پنڈ چ گزاریا۔ جدوں وڈا پعرا 11 وریاں دا ہویا تے اوناں دا پیو فلپ ولہلم مرگیا۔ دوویں پعرا کیسل دے فریڈرش جمنیزیم چ پڑے تے مکروں ماربرگ یونیورسٹی چ فنون پڑیا۔ اوناں دے پروفیسر فریڈرش فان سوگنی نے اوناں دے پرانے ویلیاں دا چاع جگایا۔ دوناں پعراواں نے لوک جرمن کعانیاں لبیاں تے اوناں نوں چھاپیا۔ 1806 چ جیکب ویسٹ فالیا دے بادشاہ دا درباری لائیبریرین بن گیا۔ 1812 چ گرم پعراواں نے پریاں دیاں کعانیاں دی پیلی کتاب لکھی۔ اے کعانیاں اوناں نے پنڈاں تھانواں چوں کٹھیاں کیتیاں۔ کج کعانیاں دوجیاں رہتلاں توں لی‎ياں۔ جیکب کعانیعاں نوں چھنڈدا پھوکدا سی تے ولہلم اینان بالاں دی سوہنی بولی چ لکھدا سی۔ 1830 چ دوویں پعرا گوٹنگن یونیورسٹی چ پروفیسر لگ گیۓ۔ 1837 چ ہینوور دے بادشاہ دے پرانے ظالماناں قنوناں نوں دوبارہ لاگو کرن تے اوہ بولے جس تے اوناں نوں نوکری توں کڈ دتا گیا۔ اگلے ورے اوناں نوں پرشیا دے بادشاہ نے برلن بلا لیا تے اوہ اوتھے ای ٹک گۓ۔ ایتھے اوناں نے جرمن بولی دی ڈکشنری لکھنی ٹوری جیدی پیلی کتاب 1854 چ چھپی۔

ویاہ تے ٹبر[سودھو]

جیکب مرن تک کوارا ای ریا۔ ولہلم نے ویاہ کیتا تے اودے چار بال سن۔


بارلے جوڑ[سودھو]