ہاشم

Wikipedia توں
جاو: مدد, کھوج

حضرت ھاشم بن عبدالمناف ، حضرت محمد صلی اللہ علیہ و آلیہ وسلم دے پڑدادا سن ، اینہاں دی اولاد قریش دے معزز ترین قبیلے بنو ہاشم دے ناں نال مشہور ہوئی ۔ اینہاں دا اصل ناں عمرو سی ، پر اوہ مکہ آن والے زائرین دی تواضع اک خاص عربی شوربے نال کردے سی جس نوں ہشم آکھیا جاندا سی ۔ ایہہ لقب اوہناں اوس ویلے ملیا جدوں اک قحط دے دوران اوہناں نے ایہی شوربہ مکہ دے لوکاں نوں کھلائیا ۔ آپ حضرت اسماعیل علیہ سلام دی اولاد چوں سن تے مکہ دے تاجر تے معزز سردار سن ۔ اوہناں نے قریش دے تجارتی قافلے شروع کرواۓ تے بازنطینی سلطنت نال معاہدے کیتے ، جنہاں دے تحت قریش بازنطینی سلطنت دی عملداری چ آن والے علاقیاں چ بغیر محصول تجارت کرسکدے سن تے تجارتی قافلے لے جا سکدے سن ۔ ایہو جہا معاہدہ اوہ حبشہ دے بادشاہ نال وی کرن چ کامیاب ہوئے سن جس دی وجہ توں قریش نوں بہت فائدہ پہنچ رہیا سی تے اینہاں دے قافلے ترکی ، شام ، حبشہ تے یمن چ جان لگ پئے ۔ آپ دین حنیف تے قائم سن تے بت پرستی نئیںکردےسن۔