ہݪ

وکیپیڈیا توں
Jump to navigation Jump to search
Maler der Grabkammer des Sennudem 001.jpg

ہݪ وائی بیجی چ ورتیا جاݨ آݪا اک بڑا ضروری اوزار اے۔ ایدے نال پہلاں زمین تیار کیتیی جاندی اے۔ بی یا بوٹے لاݨ توں پہلاں ہݪ دے آسرے نال ای کدے کدے بی وی زمین چ پاۓ جاندے نیں ہݪ نال فصل دی کٹائی توں بعد پچھلی فصل دی مڈیاں کڈن آستے وی پھیریا جاندا اے۔

ہݪ اک وڈا سارا چھرا ہوندا اے جدے نال اک لکڑ بندی ہوندی اے جیڑی بلداں دی پنجاݪی وچ پھسی ہوندی اے۔ بلداں دی جوڑی اس لکڑ نوں کچھدی اے تے ہݪ دا چھرا زمین نوں پٹ کہ رکھ دیندا اے تے سیاڑ بناندا جاندا اے ہݪ دے چھرے تے اک ہور ڈنڈا لگیا ہوندا اے جدے نال اک ہتھی لگی ہوندی اے اس ہتھی نوں ہاݪی اپنے اک ہتھ چ پھڑ کے رکھدا اے۔ ہݪ ہاݪی دا اک پرانا اوزار اے۔ پنجاب چ سویرے سویرے ہاݪی بلداں نوں لے کے اپنے پیلیاں چ جاندے نیں تے ایدے آسرے نال زمین نوں تیار کردے نیں۔ ہݪاں دیاں کافی ساریاں قسماں وی نیں۔ اج کل ہݪ دی تھاں ٹریکٹر لیندا جاریا اے۔