یوسف مہر علی

یوسف مہر علی (23 ستمبر 1903 - 2 جولائی 1950) اک آزادی مجاہد اتے سماج سدھارک سی۔ اوہ قومی میلیشیا، بمبئی یوتھ لیگ اتے کانگرس سوشلسٹ پارٹی وچّ شامل سی۔ اسنے مزدور اتے کسان تنظیم نوں مضبوط کراؤن وچّ حصہ دتا۔ اسنوں آزادی دی لڑائی دے دوران اٹھ وار جیل وچّ جانا پیا۔ اوہ 1942 وچّ لاہور جیل وچوں ہی ممبئی دا میئر چنیا گیا۔ اسنے ہندستان چھڈو تحریک وچّ وی اہم یوگدان دتا۔

زندگی

یوسف مہر علی دا جنم ممبئی دے اک امیر مسلمان بوہرا پروار وچّ 23 ستمبر 1903 نوں ہویا سی۔ اس دی شروعاتی سکھیا بوریبندر دے نیو ہائی سکول وچّ ہوئی۔ بعد وچّ سینٹ جیویئر کالج اتے ایلفنسٹن کالج وچّ پڑھائی دے دوران ڈبیٹ، ڈرامہ اتے شاعری دے میدان وچّ اپنی مہارت نال اسنے ساتھی طالبعلماں اتے استاداں نوں خوب متاثر کیتا۔ 8 اگست 1925 نوں تریخ اتے معاشیات وچّ بی اے کرن دے بعد اس نے 26 جنوری 1929 نوں لاء وچّ گریجئیشن دی ڈگری حاصل کیتی۔