یوگیاکارتا سلطنت

وکیپیڈیا توں
Jump to navigation Jump to search
اهامنغكوبوانا العاشر

یوگیاکارتا سلطنت یاں کیسلطانان یوگیاکارتا ، انڈونیشیا دے صوبے یوگیاکارتا چ اک شاہی اے ۔



تریخ[لکھو]

سلطان آگونگ دے مگروں ماٹارام سلطنت ، سلطنت دے وچ طاقت دے حصول دی جدوجہد پاروں زوال پزیر ہر گئی ۔ ڈچ ایسٹ انڈیا کمپنی نے اپنا اختیار ودھان لئی طاقت دے ایس حصول دیاں کوششاں نوں پیدا کیتا تے وادھا دتا ۔ اس مسئلے دے پاروں 13 فروری 1755ء چ معاہدہ گیانٹی راہیں ، ماٹارام سلطت دو حصیاں : یوگیاکارتا سلطنت تے سوراکارتا سلطنت چ ونڈی گئی ۔

گیانٹی معاہدے چ پانگیران مانگکوبومی نوں "سامپیان دیلام اینگکانگ سینووون کانجینگ سلطان ہامینگکوبووونو سینوپتی اینگالاگا عبدالرحمان سیدن خلیفۃ اللہ پاناٹاگاما" دے لقب نال یوگیاکارتادا سلطان منئیا گئیا ۔

ڈچ قبضے دے دوران ایس علاقے چ دو راجواڑے ، یوگیاکارتا سلطنت (کاسلطانان یوگیاکارتا) تے اک نکا پاکوالامان راجواڑا (کادیپاتان پاکوالامان) سن ۔

ماضی چ ڈچ سامراجی حکومت نے ، اک سیاسی معاہدے دے تحت ، اینہاں راجواڑےآں دی اپنی خودمختار حکومت دے اختیارات دا احترام کیتا معاملات چلان چ اینہاں دی رائے لئی ۔ جدوں انڈونیشیا نے اپنی آزادی دااعلان کیتا ، اینہاں دونہے راجواڑےآں دے حکمراناں ، یوگیاکارتا دے سلطان تے پاکوالامان دے شہزادے نے اعلان کیتا کہ یوگیاکارتا سلطنت تے پاکوالامان ریجینسی جمہوریہ انڈونشیا دا حصہ ہون گے ۔ ایہہ دونہے علاقے متحد کر کے یاگیاکارتا خاص علاقہ بنا دتا گئیا تے سلطان یوگیاکارتا دا گورنر تے پاکوالامان دا شہزادہ نائب گورنر بن گئے ، دونہے انڈونیشیا دے صدر نوں جواب دہ سن ۔ پہلے قائم کیتا گئیا یوگیاکارتا دا خاص علاقہ آزادی دی جنگ دے احتتام دے بعد 3 اگست 1950ء چ قنوقی بنا دتا گئیا ۔

اس دا پہلا گورنر مرحوم یوگیاکارتا دا سلطان ہامینگکوبووونو نہم سی تے اسدے بعد پاکو عالم ہشتم قائم مقام گورنر رہئیا تے 1998ء چ ہامینگکوبووونو دہم دے عہدے تے ترقی پا کے گورنر بن گئیا ۔ انڈونیشیا چ دوجے علاقےآں دے سربراہاں دے برخلاف یوگیاکارتا خاص علاقے دے گورنر دا خاص مرتبہ اے تے اوہ کسے مدت دا تے انتخاب دے کسے طریقے دا پابند نئیں ۔ اگرچہ اپنے فرائض دی ادائیگی لئی اینہاں دیاں وی دوجےآں وانگ ای اختیارات تے ذمہ داریاں نیں ۔

رہائش[لکھو]

سلطان دی عمومی رہائش گاہ کاراتون (محل) اے ۔ جدوں سرکاری تقریبات دے وچ حصہ نئیں لے رہے ہندے تے سلطان دے ہاتھی محل چ نکےآں سنگلاں نال بنھے ہندے نیں ۔ جس دے پاروں اوہ مسلسل اپنا سر ہلاندے رہندے نیں ۔