پیسفک ساگر

بحرالکاہل دنیا دا سب توں وڈا سمندر اے ۔ اسنوں ایہہ ناں پرتگیزی جہاز راں فرڈیننڈ میگلن نے دتا سی ، اسدا مطلب پرسکون سمندر اے ۔ بحرالکاہل زمین دے کل رقبے دے اک تہائی حصے تے پھیلیا ہوئیا اے ۔ اسدا کل رقبہ 17 کروڑ 97 لکھ مربع کلومیٹر اے شمال توں جنوب دی طرف بحیرہ بیرنگ توں بحر منجمد جنوبی دے درمیان 15ہزار 5سو کلومیٹر تے مشرق چ انڈونیشیا توں لے کے کولمبیا تے پیرو تیکر اسدی لمبائی 19ہزار 8سو کلومیٹر اے ۔ اس سمندر دی مغربی حد آبنائے ملاکا تے ختم ہندی اے ۔ روۓ زمین دا سب توں ڈوہنگا مقام ماریانا کھائی بحرالکاہل چ اے جسدی گہرا‏ئی 10ہزار 911 میٹر اے ۔ بحرالکاہل دی اوسط گہرائی 4ہزار 300 میٹر اے ۔ بحرالکاہل چ تقریبا 25 ہزار جزیرے نیں جو تمام دنیا دے سمندراں چ موجود کل جزیریاں دی تعداد توں وی ودھ نیں ۔

زمین دے ساگر (وڈا سمندر)

پیسفک ساگر · اٹلانٹک ساگر · لما ساگر · آرکٹک ساگر · اِنڈک ساگر