سیاٹل

سیاٹل
Seattle
دیس:	امریکہ
صوبہ:	واشنگٹن
تھاں:	369.2 مربع کلومیٹر
لوک گنتی:	608,660
بولیاں:	انگریزی
ویب سائٹ :	[۱]

سیاٹل امریکہ دے صوبے واشنگٹن دا اک شہر اے۔ اک اندازے دے مطابق 2015 چ 662.400 لوک گنتی دے نال واشنگٹن تے شمالی امریکہ دا سب توں وڈا شہر اے۔ 2013 چ اک سروے دے مطابق اے جگ دا سب توں تیز ترقی کردا شہر منیا گیا تے 2015 چ ترقی دی شرح %2.1 دے نال اے پہلے نمبر تے ریئا۔ سیٹل 2015 ایشیا دے نال تجارت لئی اہم گزرگاہ تے کنٹینر ہینڈلنگ دے لحاظ توں شمالی امریکہ چ تیجی سب توں وڈی بندرگاہ اے۔

تریخ

سیاٹل آن آلا پہلا یورپین جارج وینکوور سی جو اپنی مہم دے چکر وچ مئی 1792 اچ سیاٹل آیا۔ ایس توں مگروں اک وڈی پارٹی لوتھر کولنز دی آگو وچ دوامش دریا دے مڈھ تکر ایتھے آپڑی ے ایناں نے 14 ستمبر 1851 چ ایس تھاں دا دعویٰ کیتا۔ 13 تیرہ دناں بعد کولنز پارٹی نے وی دعویٰ کر دتا۔ ڈینی پارٹی نے الکی پوائنٹ تے 28 ستمبر 1851 نوں تھاں دا دعویٰ کیتا۔ باقی ڈینی پارٹی پورٹ لینڈ، اوریگون ٹری تے الکی پوائنٹ آپڑ کے ایناں نے 13 نومبر 1851 اچ دعویٰ کیتا۔

جیوگرافی

83.9 مربع میل دے رقبہ تے 500,000 لوک گنتی نال سیاٹل امریکہ دا شمال ول سب توں اخیر علاقہ اے جیدا طول آسٹریا دے علاقہ سالزبرگ دے برابر اے ایس توں اگے کینیڈا دے شہر ٹورونٹو، اوٹاوا تے مونٹریال اے۔ سیاٹل مجموعی طور تے اک پعاڑی علاقہ اے۔ سارا شہر پعاڑیاں تے بنیا ہوئیا اے جناں چ کیپیٹل پعاڑی،فرسٹ پعاڑی،ویسٹ سیاٹل پعاڑی، بیکن پعاڑی،میگنولیا پعاڑی, ڈینی پعاڑی تے کوئین اینی پعاڑی شامل نیں۔

کوئین اینی ہال توں سیاٹل شہر دی سکائی لائن دا نظارہ

موسم تے آب و ہوا

سیاٹل دا موسم عام طور تے سمندری مزاج دا اے سردیاں نوں چوکھا ٹھنڈا تے گیلا نال گرمیاں نوں سکا تے گرم رہندا اے۔ موسمیاتی مرکز دے مطابق ایدا موسم دریائے نیل دے موسم ورگا گرم اے۔ نومبر دسمبر تے جنوری دے معینیاں چ سیاٹل چ سالانہ بارشاں دی کٹ توں کٹ ادی بارشاں ہندیاں نیں تے باقی سارا سال کن من تے ہلکی بارش لگی رہندی اے۔

اکتوبر تے اپریل اچ ست دناں چوں چھ دن سیاٹل چ بدل رہندے نیں

معیشت

سیاٹل دی معیشت اچ رل مل کے کج پرانے ادارے نال انٹرنیٹ، کمپیوٹر، ڈیزائن تے ٹکنالوجی دے نویں ادارے شامل نیں۔ 2010 چ ایس شہر دی کُل خام آمدنی $231 بلین دے نیڑے سی تے ایس سعاب نال اینوں امریکہ دی گیارویں وڈی میٹروپولیٹن معیشت آکھیا گیا۔ سیاٹل پورٹ جتھے ساٹل ٹاکوما انٹرنیشنل ہوائی اڈا وی اے، ایشیا نال تجارت لین دین تے الاسکا دے سمندری سفر لئ بڑای اہم گزرگاہ اے تے کنٹینر صلاحیت دے سعاب نال ریاست امریکہ دی اٹھویں سب توں وڈی بندرگاہ اے۔ . حالانکہ اے معیشت امریکہ چ آن آلی عظیم کساد بازاری دا شکار وی ہوئی پر وقت دے نال سیاٹل نے اپنی معیشت دی مضبوطی نوں قائم رکھیا تے کاروبار دی شروعات لئی لوکاں دی من پسند تھاں تے گڑھ ریا اے خاص طور تے سبز عمارتاں تے صفائی ٹیکنالوجی دے بارے چ: اس دی سبز معیشت دے حوالے نال سرکاری پالیسیاں دی وجہ توں اینوں امریکہ دا پہلے نمبر دا "ہوشیار شہر" منیا جاندا اے۔ . فروری 2010 چ شہری حکومت نے سیاٹل نوں شمالی امریکہ دا پہلا " غیر جانبدارآب و ہوا" آلا شہر دا درجہ دتا اے تے آس اے کہ 2030 تک صفر کُل فی کس گرین ہاؤس گیساں دے اخراج دا حدف پورا کر لیا جائے۔ .

ایمیزون ہیڈ کواٹر دی عمارت

رہتل

"""وکھرے ناں""" 1869 توں 1982 تکر سیاٹل نوں "ملکه دا شہر" آکهیا جاندا سی۔ اجکل سیاٹل دا سرکاری ناں "ایمرلڈ سٹی" اے۔

جڑواں شہر

• بئر السبع
• سیبو شہر
• چونگچنگ
• کرائسٹ چرچ
• ڈیجیون
• ہائیفونگ
• کائوسیونگ شہر
• کوبے
• ممباسا
• ماساتلان
• نانتیز
• پیروگیا
• ریکجاوک
• سورابایا
• گوئیانیا
• تاشقند

حوالے

واشنگٹن دے شہر

آبرن، واشنگٹن · بیلنگہام · ایورٹ · فیڈرل وے · کینوک · میریزول · پاسکو،واشنگٹن · سیاٹل · سپوکین · سپوکین ویلی · ٹاکوما · وینکوور · یاکیما