تاشکند

وکیپیڈیا توں
(لیایا گیا تاشقند)
جاؤ: پاندھ, کھوج


راجگڑھ شہر
تاشقند
Toshkent
Vue de l'Aqua-Park - Tachkent.jpg
صوبہ
صوبہ تاشقند
نکی ونڈ
4 ضلعے
پہلے ناں
چچ
الشاش
چچ قند
رقبہ
334.8 ک م۲
قسم موسم
براعظمی
سرکاری بولی
سنگھنائی
6,900 لوک/ک م۲
نسلی ٹولیاں
63.0% - ازبک
20.0% - روسی
4.5% - تاتاری
2.2% - کوریائی
2.1% - تاجک
1.2% - ایغور
7.0% - ہور .
مذہبی ونڈ
مسلمان, سعائی تے ہور ۔
واسیاں لئی ناں
تاشقندی
نمبر پلیٹ کوڈ
05
دن شہر
غیرسرکاری ناں
تاشکند is located in Uzbekistan
تاشکند
تاشقند دی ازبکستان چ تھاں


تاشقند ازبکستان دا راجگھر تے سب توں وڈا شہر اے ۔ ایہہ صوبہ تاشقند دا صدرمقام وی اے ۔ 2006ء دے سرکاری اعداد و شمار دے مطابق شہر دی آبادی 31 لکھ جد کہ غیر سرکاری اعداد شمار دے مطابق 40 لکھ توں وی ودھ اے ۔ قرون وسطی چ ایہہ شہر چچ دے ناں نال جانیا جاندا سی جہڑا بعد چ چچ قند یا چش قند تے فیر تاشقند بن گئیا ۔ ترک زبان چ تاش دا مطلب پتھر اے قند شہر لئی استعمال ہندا اے جداں قوقند ، سمرقند وغیرہ ۔ ناں دی ایہہ تبدیلی 16ویں صدی عیسوی دے بعد عمل چ آئی ۔

تاشقند سویت دور ج سویت یونین دا وسطی ایشیا چ اہم شہر تے پورے وسطی ایشیا دا غیر اعلانیہ صدرمقام وی رہیا ۔ تاشقند شہر دے موجودہ ہجے " تاشکینت" وی روسی اثرات ظاہر کردے نین ۔

جغرافیہ[لکھو]

تاشقند ، شمقند (چمکینت قازقستان) تے سمرقند دے درمیان شاہراہ تے کوہ التائی دے مغرب دے بنھے زرخیز میدان چ واقع اے ۔ تاشقند عین اس مقام تے واقع اے جتھے دریائے چرچک تے اسدے معاون دریا ملدے نیں ۔ ایہہ زلزلے دی متحرک پٹی تے واقع اے تے زلزلے دے نکے موٹے جھٹکے آنا معمول دی گل اے ۔ 1966ء چ ایتھے آن والے زلزلے دی شدت ریکٹر سکیل تے 7اعشاریہ5 ناپی گئی جس نال شہر بالکل تباہ ہوگئیا سی ۔

تریخ[لکھو]

پرانے وقتاں چ تاشقند دریاۓ چرچک دے کنارے کوہ گولستان دے قدماں چ اک نخلستان دے طور تے مشہور ہوئیا تے پرانے زمانے چ ایہہ اس علاقے چ " کانگجو اتحاد دا گرمائی راجگھر سی ۔ تاشقند امارت چچ دے مرکزی قصبے دے طور تے تیجی توں 5ویں صدی عیسوی دے درمیان اک مربع قطعے دی شکل چ تعمیر کیتا گئیا سی تے سر دریا توں 8 کلومیٹر شمال چ واقع سی ۔ 7ویں صدی چ چچ چ 30 قصبے تے 50 توں ودھ نہراں دا جال بچھیا ہوئيآ سی ۔ جس دی وجہ توں ایہہ سوگدیائی تے ترک باشندیاں دے وچکار تجارت دا مرکز بن گئیا سی ۔ایہہ علاقہ 8ویں صدی عیسوی دے شروع چ مملکت اسلامیہ دا حصہ بنیا ۔ عرب اس شہر نوں الشش کہندے سن ۔ جدید ترکی ناں تاشقند 10ویں صدی عیسوی چ خانان کاراخانی دے دور حکومت دے دوران ملیا ۔

سنہ 1219ء چ چنگیز خان نے حملہ کرکے شہر نوں تباہ کردتا ۔ تیموریاں تے شیبانیاں دے دور چ اس شہر نے خوب ترقی کیتی تاہم اس عرصے چ ایہہ ازبکاں ، قازقاں ، فارسیاں تے منگولاں دے حملیاں دا نشانہ بندا رہیا ۔

1809ء چ تاشقند خانان قوقند دے قبضے چ چلا گئیا ، اس وقت تاشقند دی آبادی اک لکھ سی تے ایہہ وسطی ایشیا دا خوشحال ترین شہر سی ۔ مئی 1865ء چ جنرل میخائیل چرنیائيف نے شہر تے حملہ کرکے اسنوں فتح کرلئیا ، عددی برتری تے مضبوط حصار حاصل ہون دے باوجود خانان قوقند دی فوجاں 2 دن وی روسی سلطنت دی فوج دے ساہمنے ٹھہر نا سکیاں تے شہر روسیاں دے قبضے چ چلاگئیا ۔ چرنیائيف جہڑا کہ شیر تاشقند دے ناں نال مشہور ہوئیا نے عوام دے دل جتن لئی خانان دے لگاۓ ہوۓ سارے ناجائز محصولات اک سال ختم کردتے تے عام لوکاں دے مسائل دے خاتمے دیاں کوششاں کیتیاں ۔ اسنوں زار روس ولوں تاشقند دا گورنر بنائیا گئیا تے اسنے زار الیگزینڈر II کول ایہہ سفارش وی کیتی کہ تاشقند نوں روسی سلطنت دے زیر تحفظ اک آزاد ریاست بنا دتا جاوے ۔ زار نے چرنیائیف تے اسدے سپاہیاں نوں اعزازات تے تمغیاں نال نوازیا پر جنرل نے ایہہ حملہ زار دی اجازت توں بغیر کیتا سی اس لئی اوہ زیادہ عرصہ اپنا عہدہ برقرار رکھن چ ناکام رہیا تے چھیتی ای اسدی جگہ قسطنطین پیترووچ وان کوف مین نوں مقرر کردتا گئیا تے تاشقند نوں اک آزاد ریاست تصور کرن دی بجاۓ اسنوں روسی ترکستان دا راجگھر بنا دتا گئیا ۔ جس دا پہلا گورنر جنرل کوف مین سی ۔ پرانے شہر دے نیڑے اک چھاؤنی تے روسی آبادی بنائی گئی تے ملک دے کئی علاقیاں توں روسی لوکاں تے تاجراں نوں ایتھے آباد کیتا گئیا ۔ وسط ایشیا تے اپنا اثر و رسوخ رکھن لئی روس تے برطانیہ دے مابین ہون والے تنازعے جسنوں وڈی کھیڈ اکھیا جاندا اے دے دوران ایہہ شہر جاسوسی دا گڑھ بن گئیا ۔ 1889ء چ ٹرانس کیسپیئن ریلوے دی پٹری ایتھے پہنچی تے جنہاں کارکناں نے پٹری تعمیر کیتی اوہ ایتھے ای آباد ہوگئے تے جنہاں نے بالشویک انقلاب (انقلاب روس) دی نیہہ وی ایتھے رکھی ۔

20ویں صدی[لکھو]

روسی سلطنت دے خاتمے تے بالشویک انقلاب دے نال ہی ایتھے دی صوبائی حکومت نے تاشقند نوں اپنے زیر انتظام لے کے روسی استبداد توں آزادی دی کوشش کیتی جسنوں بغاوت نال تعبیر کردے ہوئے سختی نال کچل دتا گیا اسنوں ترکستان دی بسماچی تحریک دے ناں نال یاد کیتا جاندا اے ۔ اپریل 1918ء نوں تاشقند نوں ترکستان خودمختار سوویت اشتراکی جمہوریہ دا دارالحکومت بنا دتا گیا۔ اس چر چ مسلماناں نے بسماچی تحریک دی صورت چ علم جہاد بلند کیتے رکھیا لیکن روسی سلطنت نے اس ابھردے ہوئے خطرے دا وی خاتمہ کر دتا۔ بالآخر 1930 چ تاشقند نوں سمرقند دی جگہ ازبک سوشلسٹ سوویت جمہوریہ دا دارالحکومت بنا دتا گیا۔

1920 تے 1930 دے دہاکے چ شہر چ صنعتاں دا جال بچھا دتا گیا خصوصاً دوسری جنگ عظیم دے درمیان نازی جرمنوں دے حملے دے پیش نظر لہندے روس توں وڈی گنتی چ صنعتاں ایتھے منتقل کیتیاں گئیں۔ اک خاص منصوبے دے تحت ایتھے دے مسلماناں دی آبادی دے تناسب نوں گھٹ کرن لئی وڈی گنتی چ روسی آبادی ایتھے منتقل کیتی گئی خصوصاً جنگ توں متاثرہ علاقےآں دے سارےپناہ گزیناں نوں مسلم اکثریتی علاقےآں چ منتقل کر دتا گیا تانجے آبادی چ "توازن" قائم کیتا جا سکے۔ بالآخر ہدف حاصل کر لتا گیا کہ تاشقند دی ادھی آبادی روسی باشندےآں اتے مشتمل ہو جائے۔

26 اپریل 1966 نوں آن والے اک شدید زلزلے چ تاشقند نوں زبردست نقصان پہنچیا۔ اس زلزلے دی شدت ریکٹر اسکیل اتے 7.5 سی۔ اس زلزلے دے نتیجے چ 3 لاکھ افراد بے گھر ہوئے۔

1991 چ سوویت یونین دے زوال دے وقت تاشقند ملک دا چوتھا وڈا شہر تے سائنس تے انجینئرنگ دے شعبےآں چ تعلیم دا مرکز سی۔ سوویت یونین توں آزادی دے بعد تاشقند نویں ریاست ازبکستان دا راجگڑھ قرار پایا۔ شہر چ اج وی روسی آبادی وڈی گنتی چ موجود اے۔ شہر اپنی سرسبز شاہراہاں، فوارےآں تے دلفریب باغاں دے باعث مشہور اے۔ تاشقند کئی وار دہشت گرد حملےآں دا نشانہ بھی بن چکا اے جس دا الزام حکومت مبینہ اسلامی انتہا پسنداں اتے عائد کردی اے۔

1991 چ آزادی دے بعد شہر چ اقتصادی، ثقافتی تے تعمیراتی اعتبار نال کافی تبدیلیاں واقع ہوئیاں نیں۔ جس جگہ لینن دا سبتوں وڈا مجسمہ کھڑا سی اج اس دی جگہ اک کرۂ زمین نصب کر دتا گیا اے۔ سوویت دور دیاں عمارتاں دی جگہ ہن جدید عمارتاں لے رہیاں نیں جس دی اک مثال تاشقند دا مرکزی تجارتی علاقہ اے جتھے 22 منزلہ این بی یو بینک، انٹرکانٹی نینٹل ہوٹل، انٹرنیشنل بزنس سینٹر تے پلازہ بلڈنگ دی صورت چ فلک بوس عمارتاں کھڑیاں نیں۔

سوویت دور دیاں پابندیاں دے بعد ایتھے دے مسلماناں نوں اپنی مذہبی رسماں دی ادائیگی تے اپنی عبادت گاہاں دی دیکھ بھال دی کھلی اجازت ملی۔ 2007 چ تاشقند نوں اسلامی دنیا دا ثقافتی دارالحکومت قرار دتا گیا [1]۔

ویکھن جوگ تھانواں[لکھو]

1917 چ انقلاب روس دے بعد شہر دی کئی پرانیاں خصوصاً مذہبی عماراں نوں تباہ کر دتا گیا تے رہی سہی کسر سوویت دور چ صنعتی انقلاب تے بعد چ 1966 دے زلزلے نے پوری کر دتی۔ اس لئی تاشقند دے عظیم ثقافتی تے تعمیراتی ورثے وجوں بہت گھٹ بچیا اے۔ اس دے باوجود تاشقند چ عجائب گھر تے سوویت دور دیاں بوہت ساریاں یادگاراں موجود نیں۔

کوکلداش مدرسہ[لکھو]

1557 توں 1598 تک راج چ رہن والے عبد اللہ خان ازبک دے زمانے توں قائم ہون والا مسجد تے مدرسہ ہن ماوراء النہر مسلماناں دے صوبائی مذہبی بورڈ نے بحال کیتا اے۔ اسنوں اک عجائب گھر چ تبدیل کرن دی سفارشاں نیں لیکن حالے ایہ بطور مسجد استعمال ہو رہا اے۔

کورشو بازار[لکھو]

کوکلداش مدرسہ دے نیڑے اک بوہت وڈا بازار اے جو قدیم شہر تاشقند دا مرکز سی۔ ایتھے ضروریات زندگی دیاں ساریاں شیواں دستیاب نیں۔

ہشت امام مسجد[لکھو]

اس مسجد دی خاص گل اے ایتھے صحیفہ عثمانی دی موجودگي جو تیجے خلیفہ عثمان دے زیر استعمال قرآن اے۔ ایہ دنیا دا قدیم ترین نسخہ قرآن اے۔ 655 دے اس نایاب نسخے اتے خون دے کچھ نشان وی نیں جو عثمان دی موت نال وابستہ کیتے جاندے نیں۔ ایہ نسخہ امیر تیمور اپنے نال سمرقند لیایا سی جسنوں روسیاں نے قبضے دے بعد سینٹ پیٹرز برگ منتقل کر دتا۔ 1989 چ ایہ نسخہ ازبکستان نوں واپس دتا گیا۔ 15 ویں صدی دے چند مزاراں نوں وی 19 ویں صدی چ بحال کیتا گیا جس چ مغلیہ سلطنت دے بانی ظہیر الدین محمد بابر دے دادا یونس خان دا مقبرہ وی شامل اے۔

شہزادہ رومانوف دا محل[لکھو]

شہزادہ رومانوف دا محل

19 ویں صدی چ الیگزنڈر III دے قریبی عزیز نکولائی کونسٹاٹینووچ نوں روسی شاہی جواہرات دی مشتبہ سودے بازیاں کرن اتے تاشقند جلاوطن کر دتا گیا۔ اس دی قیام گاہ آج وی مرکز شہر چ موجود اے۔

وزارت امور خارجہ دے زیر اہتمام اس عجائب گھر قرار دتے جان والے محل چ روس توں پہلوں دی تریخ دے مجسمے، فن پارے تے 19 ویں تے 20 ویں صدی دے دستکاریاں دے کئی نمونے موجود نیں۔ استوں علاوہ ایتھے رومانوف دیاں لیائیاں تصویران دا وڈا مجموعہ وی دیکھن جوگ اے۔ عجائب گھر دے پچصلے پاسے اک چھوٹا جہا باغیچہ اے جس چ 1917 دے انقلاب روس چ مارے گئے بالشویک انقلابیاں دے علاوہ پہلے ازبکستانی صدر یلدش اخون بابایف دیاں قبراں موجود نیں۔

علی شیر نوائی اوپیرا تے بیلے تھیٹر[لکھو]

ماسکو چ لینن دا مقبرہ تعمیر کرن والے ماہر تعمیرات الیکسی شوسیف دے ذہن دی اک ہور تخلیقی کاوش اس شہر چ واقع ایہ تھیٹر اے۔ اس تھیٹر دی تعمیر چ دوسری جنگ عظیم چ پھڑے گئے جاپانی قیدیاں نوں بطور مزدور استعمال کیتا گیا سی۔ ترکی دے قدیم شاعر علی شیر نوائی دے ناں نال موسوم اے۔

تاریخی عجائب گھر[لکھو]

سابق لینن عجائب گھر چ واقع ایہ تاشقند دا سبتوں وڈا عجائب گھر اے۔

امیر تیمور عجائب گھر[لکھو]

امیر تیمور عجائب گھر

نیلے گنبد اتے آراستہ تے پیراستہ اندرونی دیواراں دی حامل ایہ متاثر کن عمارت چ امیر تیمور تے صدر اسلام کریموف دیاں یادگاراں موجود نیں۔ عجائب گھر دے باہر واقع باغیچہ چ گھوڑے اتے سوار امیر تیمور دا اک مجسمہ ایستادہ اے۔ عجائب گھر دے گرد شہر دے خوبصورت ترین باغ تے فوارے واقع نیں۔

وکھریاں خصوصیتاں[لکھو]

ایتھے وسطی ایشیا دا اکو اکزیر زمین ریلوے نظام واقع اے۔ (آستانہ تے الماتے چ حالے ایہ نظام تعمیراتی مرحلےآں چ اے) تاشقند چ ملک دا سبتوں وڈا ہوائی اڈہ واقع اے جو شہر نوںایشیا، یورپ تے امریکین نال جوڑدا اے۔

شہر دا سبتوں ھڈا چوراہا، جو سوویت دور چ آزادی چوک کہلاندا سی، سوویت ویلے چ لینن دا سبتوں اچا (30 میٹر) مجسمہ ایتھے لگیا ہویا سی۔ 1992 چ لینن دے مجسمہ دی جگہ ایتھے دنیا اک کرۂ زمین نصب کر دتا گیا اے جس اتے ازبکستان نوں واضح کیتا گیا اے۔

تعلیمی ادارے[لکھو]

شہر دیاں کجھ یونیورسٹیاں تے اعلٰی تعلیم دے ادارے:

  • تاشقند اسٹیٹ ٹیکنیکل یونیورسٹی
  • انٹرنیشنل بزنس اسکول "کالجاک علمی"
  • تاشقند یونیورسٹی آف انفارمیشن ٹیکنالوجیز
  • ویسٹ منسٹر انٹرنیشنل یونیورسٹی تاشقند
  • قومی جامعہ ازبکستان
  • یونیورسٹی آف ورلڈ اکنامی اینڈ ڈپلومیسی
  • تاشقند اسٹیٹ اکنامک یونیورسٹی
  • تاشقند اسٹیٹ انسٹیٹیوٹ آف لا
  • تاشقند انسٹیٹیوٹ آف فنانس
  • اسٹیٹ یونیورسٹی آف فارن لینگویجز
  • کنزرویٹری آف میوزک
  • تاشقند اسٹیٹ میڈیسن اکیڈمی
  • انسٹیٹیوٹ آف اورینٹل اسٹیڈیز
  • تاشقند اسلامک یونیورسٹی

ذرائع ابلاغ[لکھو]

شہر توں ازبک بولی دے 9 اخبار ، انگریزی زبان دے 4 اخبار تے روسی بولی دے 9 جریدے شائع ہوندے نیں۔ کئی ٹیلی وژن تے کیبل ٹیلی وژن تنصیباں وی شہر چ موجود نیں جنہاں چ برج تاشقند (تاشقند ٹاور) وی شامل اے جو وسطی ایشیا دی بلند ترین تعمیر اے۔

کھیل[لکھو]

تاشقند دا سبتوں مشہور فٹ بال کلب پختاکور تاشقند اے جو ازبک لیگ چ کھیلتا اے۔

مشہور سائیکلسٹ جمال الدین عبدالجباروف تے فٹ بالر ویزیلس ہازیپیناگیس ایسے شہر چ پیدا ہوئے۔ ٹینس کھلاڑی ڈینس ستومن دا جم تھاں تے رہائش ایہی شہر اے۔

موسم تے جغرافیہ[لکھو]

Tashkent and vicinity, satellite image Landsat 5, 2010-06-30
تاشقند
Climate chart (explanation)
J F M A M J J A S O N D
 
 
55
 
6
−3
 
 
47
 
8
−2
 
 
72
 
14
4
 
 
64
 
22
10
 
 
32
 
27
14
 
 
7.1
 
33
18
 
 
3.5
 
36
19
 
 
2
 
34
17
 
 
4.5
 
29
12
 
 
34
 
21
7
 
 
45
 
14
3
 
 
53
 
9
0
Average max. and min. temperatures in °C
Precipitation totals in mm
Source: WMO[2]
Tashkent (1981–2010) دا موسم
مہینا جنوری فروری مارچ اپریل مئی جون جولائی اگست ستمبر اکتوبر نومبر دسمبر سال
ودھ توں ودھ سینٹی گریڈ (فارنہائیٹ) 22.2
(72)
25.7
(78.3)
32.5
(90.5)
36.4
(97.5)
39.9
(103.8)
43.0
(109.4)
44.6
(112.3)
43.1
(109.6)
39.8
(103.6)
37.5
(99.5)
31.1
(88)
27.3
(81.1)
44.6
(112.3)
اوسطاً ودھ سینٹی گریڈ (فارنہائیٹ) 6.2
(43.2)
8.1
(46.6)
14.0
(57.2)
22.1
(71.8)
27.1
(80.8)
33.2
(91.8)
35.8
(96.4)
34.2
(93.6)
29.0
(84.2)
21.4
(70.5)
14.4
(57.9)
8.9
(48)
21.2
(70.16)
روزانہ اوسط سینٹی گریڈ (فارنہائیٹ) 1.8
(35.2)
3.4
(38.1)
9.0
(48.2)
16.1
(61)
20.3
(68.5)
25.6
(78.1)
27.7
(81.9)
25.9
(78.6)
20.9
(69.6)
14.5
(58.1)
9.1
(48.4)
4.5
(40.1)
14.9
(58.82)
اوسطاً گھٹ سینٹی گریڈ (فارنہائیٹ) −2.6
(27.3)
−1.4
(29.5)
4.0
(39.2)
10.1
(50.2)
13.5
(56.3)
17.9
(64.2)
19.6
(67.3)
17.5
(63.5)
12.7
(54.9)
7.5
(45.5)
3.7
(38.7)
0.1
(32.2)
8.55
(47.39)
گھٹ توں گھٹ سینٹی گریڈ (فارنہائیٹ) −28.0
(-18)
−25.6
(-14.1)
−16.9
(1.6)
−6.3
(20.7)
−1.7
(28.9)
3.8
(38.8)
8.2
(46.8)
3.4
(38.1)
0.1
(32.2)
−11.2
(11.8)
−22.1
(-7.8)
−29.5
(-21.1)
−29.5
(-21.1)
مینہہ م م (انچ) 57.8
(2.276)
57.2
(2.252)
64.8
(2.551)
59.8
(2.354)
40.9
(1.61)
10.8
(0.425)
3.5
(0.138)
1.9
(0.075)
5.9
(0.232)
29.3
(1.154)
41.3
(1.626)
53.6
(2.11)
426.8
(16.803)
برف باری س م (انچ) 30
(11.8)
20
(7.9)
0
(0)
0
(0)
0
(0)
0
(0)
0
(0)
0
(0)
0
(0)
0
(0)
0
(0)
20
(7.9)
70
(27.6)
نمی 73 68 62 60 53 40 39 42 45 57 66 73 56.5
اوسطاً روزانہ مینہہ 11.1 9.6 11.4 9.5 7.0 3.2 1.3 0.7 1.5 4.8 7.3 9.5 76.9
اوسطاً روزانہ برف باری 13 8 1 0 0 0 0 0 0 0.2 2 8 32.2
دھپ (گھینٹے) 117.8 127.1 164.3 216.0 303.8 363.0 384.4 365.8 300.0 226.3 150.0 105.4 2,823.9
جتھوں لیا: Centre of Hydrometeorological Service of Uzbekistan,[3] World Meteorological Organisation,[2] Pogoda.ru.net (record low and record high temperatures),[4] Hong Kong Observatory (mean monthly sunshine hours)[5]

دوجے شہراں توں تاشقند دا فاصلہ[لکھو]

  • تاشقند دا اپنے دوالے تے جگ دے کجھ وڈے شہراں توں فاصلہ اینج اے :
تاشقند دا اپنے آسے پاسے دے وڈے شہراں توں فاصلہ اینج اے
RoseVents.svg فاصلہ تاشقند توں وڈےآں شہراں تک (سڑک راہیں)[6]
اتلا چڑھدا Flag of Kyrgyzstan.svg کرغیزستان بشکیک ~ 545 ک م
Flag of Kazakhstan.svg قازقستان آلماتا ~ 781 ک م
Flag of Russia.svg روس اومسک ~ 2227 ک م
Flag of Russia.svg روس نووسیبیرسک ~ 2404 ک م
Flag of Kazakhstan.svg قازقستان شمکینت ~ 138 ک م
Flag of Kazakhstan.svg قازقستان آستانہ ~ 1614 ک م
Flag of Russia.svg روس اوفا ~ 2222 ک م
Flag of Russia.svg روس ییکیترنبرگ ~ 2837 ک م
Flag of Uzbekistan.svg ازبکستان اورگانچ ~ 989 ک م
Flag of Uzbekistan.svg ازبکستان نوکوس ~ 1106 ک م
Flag of Russia.svg روس ساراتوف ~ 2542 ک م
Flag of Russia.svg روس سمارا ~ 2353 ک م
Flag of Russia.svg روس قازان ~ 2586 ک م
Flag of Russia.svg روسماسکو ~ 3366 ک م
Flag of Russia.svg روس سینٹ پیٹرز برگ ~ 4112 ک م
اتلا لہندا
چڑھدا Flag of Uzbekistan.svg ازبکستان فرغانہ ~ 340 ک م
Flag of Uzbekistan.svg ازبکستان اندیجان ~ 370 ک م
Flag of Kyrgyzstan.svg کرغیزستان اوش ~ 410 ک م
Flag of the People's Republic of China.svg چین ارمچی ~ 1525 ک م
سمت ستارا
Flag of Uzbekistan.svg ازبکستان بخارا ~ 556 ک م
Flag of Turkmenistan.svg ترکمانستان اشک آباد ~ 1261 ک م
Flag of Azerbaijan.svg آذربائیجان باکو ~ 3307 ک م
Flag of Russia.svg روس کراسنودر ~ 3249 ک م
لہندا
دکھن چڑھدا Flag of Uzbekistan.svg ازبکستان آلمالیق~ 70 ک م
Flag of Uzbekistan.svg ازبکستان بیک آباد ~ 110 ک م
Flag of Uzbekistan.svg ازبکستان خواست ~ 140 ک م
Flag of Tajikistan.svg تاجکستان دوشنبہ ~ 465 ک م
Flag of Uzbekistan.svg ازبکستان ترمذ ~ 686 ک م
Flag of Uzbekistan.svg ازبکستان سردریا ~ 80 ک م
Flag of Uzbekistan.svg ازبکستان جزاک ~ 200 ک م
Flag of Uzbekistan.svg ازبکستان سمرقند ~ 280 ک م
Flag of Uzbekistan.svg ازبکستان قرشی ~ 420 ک م
دکھن لہندا

لوک گنتی[لکھو]

سال 1897 1959 1970 1979 1989 1991 1995 2000 2005 2012 2013 2014
گنتی 1،55،673 9،11،930 13،84،509 17،80،002 20،72،459 21،30،200 20،97،400 21،42،300 21،35،700 23،09،300 23،40،900 23،52،900

1983ء چ تاشقند دی کل لوک گنتی 19،02،000 سی جہڑی 256 km2 (99 sq mi) دے میونسپل علاقے چ رہندی سی ۔ 1991ء چ سویت یونین دے ٹٹن ویلے تاشقند دےپکے رہائشیاں دی گنتی ودھ کے 21،6،600 ہو گئی ۔ تاشقند سویت یونین دا ماسکو ، لینن گراد (سینٹ پیٹرز برگ) تے کیف مگروں چوتھا وڈا شہر سی ، ہن دی تاشقند "سی آئی ایس" (آزاد ریاستاں دی دولت مشترکہ) تے بالٹک دیساں چ چوتھا وڈا شہر اے ۔ 2004ء چ تاشقند دی لوک گنتی 22،95،300 سی ۔ 2008ء چ تاشفند چ وسدیاں نسلی ٹولیاں دی فیصد:

ضلعے[لکھو]

تاشقند دے شہری ضلعے
تاشقند دیاں سڑکاں
تاشقند دی اک سڑک

تاشقند دے ضلعے (ازبک بولی چ :تومان):

نمبر ضلع لوک گنبی
(2009)[7]
رقبہ
(ک م²)[7]
سنگھنائی
(رقبہ/ک م²)[7]
نقشہ
1 بیکتیمیر 27,500 20.5 1,341 Tashkent District 1 - Bektemir.png
2 چلنزار 217,000 30.0 7,233 Tashkent District 2 - Chilanzar.png
3 یاشن آباد 204,800 33.7 6,077 Tashkent District 3 - Hamza.png
4 میرآباد 122,700 17.1 7,175 Tashkent District 4 - Mirobod.png
5 میرزا اولغ بیگ 245,200 31.9 7,687 Tashkent District 5 - Mirzo Ulugbek.png
6 سیرگلی 149,000 56.0 2,661 Tashkent District 6 - Sergeli.png
7 شیخان تاہور 285,800 27.2 10,507 Tashkent District 7 - Shaykhontohur.png
8 آلمازار 305,400 34.5 8,852 Tashkent District 8 - Olmazar.png
9 اُچ تِپہ 237,000 28.2 8,404 Tashkent District 9 - Uchtepa.png
10 یکّہ سرائے 115,200 14.6 7,890 Tashkent District 10 - Yakkasaray.png
11 یونس آباد 296,700 41.1 7,219 Tashkent District 11 - Yunusabad.png

روسی سلطنت دے مل ویلے تاشقند دے 4 ضلعے (ازبک بولی چ داہا):

  1. بیشیاغاچ
  2. کوکچا
  3. شیخان تاہور
  4. سیبزار

1940 چ تاشقند دے ضلعے (روسی بولی район):

  1. اکتوبر انقلاب
  2. سرگئی کیروف
  3. جوزف ستالن
  4. میخائل فرونزے
  5. ولادیمیر لینن
  6. ملیریئن کیوبیشیف

تاشقند دی 1981ء دی انتطامی ونڈ

  1. بیکتیمیر
  2. اکمل اکواموف (اوج تپا)
  3. حمزہ
  4. لینن (میرآباد)
  5. کیوبیشیف (میرزا الغ بیک)
  6. سیرگلی
  7. اکتوبر (شیخان تاہور)
  8. صابر رحیموف (المزار)
  9. جیلنزار
  10. فرونزے (یکّاسرائے)
  11. کیروف (یونس آباد)

تاشقند ہن تک[لکھو]

یادگاراں[لکھو]

عبادت خانے[لکھو]

Madrasah Kukaldash (Tashkent) 12-07.JPG
Medrese Barakhan 13-21.JPG
Mavzoley Kaffal Shashi 13-35.JPG
Sacred Heart Cathedral, Tashkent 14-03.JPG
Evangelical Lutheran Church in Tashkent 15-12.JPG
مدرسہ قوقلداش تاشقند مدرسہ باراک خان کفیل شاشی دا مقبرہ کیتھولک گرجا لوتھران انجیلی گرجا
Cathedrale de la Dormition de Tachkent 14-53.JPG
St. Alexander Nevsky Orthodox church in Tashkent 16-20.JPG
St. Vladimir Orthodox church in Tashkent 11-52.JPG Church of Hieromartyr Hermogenes in Tashkent 13-59.JPG Female monastery in Tashkent 16-24.JPG
اسپینسکی گرجا آرتھوڈکس گرجا الیکراندر نیوسکی آرتھوڈکس گرجا ولادیمیر آرتھوڈکس گرجا ایرموگن زنانی خانقاہ

تاشقند دے جڑواں شہر[لکھو]

تاشقند اینہاں شہراں نال جڑواں اے:

مورتاں[لکھو]

حوالے[لکھو]

  1. Moscow News - World - Tashkent Touts Islamic University
  2. 2.0 2.1 "World Weather Information Service – Tashkent". World Meteorological Organisation. http://worldweather.wmo.int/032/c00115.htm. Retrieved on 16 August 2012. 
  3. "Climate Data for Tashkent". Centre of Hydrometeorological Service. http://www.meteo.uz/eng/forecast/2006/08/16/klimat-tashkent_eng.html. Retrieved on 28 November 2012. 
  4. "Weather and Climate-The Climate of Tashkent" (in Russian). Weather and Climate. http://pogoda.ru.net/climate/38457.htm. Retrieved on 16 August 2012. 
  5. "Climatological Normals of Tashkent". Hong Kong Observatory. August 2010. http://www.weather.gov.hk/wxinfo/climat/world/eng/asia/westasia/tashkent_e.htm. Retrieved on 18 August 2012. 
  6. АвтоТрансИнфо. "شہراں وشکار فاصلہ". ٹرانسپورٹ کمپنی «КСВ 911». http://www.ati.su/Trace/. Retrieved on 2014-08-16. 
  7. 7.0 7.1 7.2 (روسی) Statistics of the subdivisions of Tashkent
  8. "Berlin - City Partnerships". Der Regierende Bürgermeister Berlin. http://web.archive.org/web/20130521054019/http://www.berlin.de/rbmskzl/staedteverbindungen/staedtepartnerschaft_ueberblick.en.html. Retrieved on 2013-09-17. 
  9. "Seoul - Sister Cities [via WayBackMachine"]. Seoul Metropolitan Government (archived 2012-04-25). http://web.archive.org/web/20120325052520/http://english.seoul.go.kr/gtk/cg/cityhall.php?pidx=6. Retrieved on 2013-08-23. 
  10. "International Cooperation: Sister Cities". Seoul.go.kr. http://web.archive.org/web/20071210175055/http://english.seoul.go.kr/gover/cooper/coo_02sis.html. Retrieved on 26 January 2008. 

ہور پڑھو[لکھو]

  • Stronski, Paul, Tashkent: Forging a Soviet City, 1930–1966 (Pittsburgh, University of Pittsburgh Press, 2010).
  • Jeff Sahadeo, Russian Colonial Society in Tashkent, 1865–1923 (Bloomington, IN, Indiana University Press, 2010).

باہرلے جوڑ[لکھو]


Tashkent emblem.jpgتاشقند شہر دے ضلعے
ضلعے بیکتیمیر • چلنزار • یاشن آباد • میرآباد • سیرگلی • میرزا اولغ بیگ • یونس آباد • شیخان تاہور • آلمازار • اُچ تِپہ • یکّہ سرائے
صوبہ تاشقند
راجگڑھ:تاشقند
ضلع (راجگڑھ) ضلع بیک آباد(زفر) • ضلع بوستانلک(غزال کنت) • ضلع چیناز(چیناز) • ضلع بوکا(بوکا)  • ضلع قبرے(قبرے) • ضلع اخانگاران(اخانگران)
 • ضلع آق قرغان(آق قرغان) • ضلع پارکنت(پارکنت) • ضلع پسکنت(پسکنت) • ضلع قوئی چرچیق(دوست آباد) • ضلع اورتا چرچیق(توئ تیپا) •
ضلع یوقاری چرچیق
(یانگی بازار) • ضلع یانگی یول(گل بہار) • ضلع زنگیاتا(کیلیس)
Flag of Uzbekistan.svgازبکستان دی انتظامی ونڈCoat of arms of Uzbekistan.svg
راجگڑھ تاشقند
خودمختار لوکراج قراقل پاکستان (نوکوس)
صوبے(راجگڑھ) اندیجان(اندیجان) • بخارا(بخارا) • تاشقند(تاشقند) • جیزک (جیزک) • خوارزم(اورگانچ) • سرخان دریا(ترمذ) • سمرقند(سمرقند) • سردریا(سردریا) • فرغانہ(فرغانہ)
قشقہ دریا(قرشی) • نمنگان(نمنگان) • نوائی(نوائی)
Flag of Uzbekistan.svgازبکستان دے شہرCoat of arms of Uzbekistan.svg
راجگڑھ-:۞:-Tashkent emblem.jpgتاشقند
شہر اندیجان • انگرین • اساکا • آلمالیق • اورگانچ • اوچقودوق • اورگوت • بیک آباد • بیرونی • بخارا • ترمذ • تورکول • توئی تپہ • جمعہ • جیزک • چیرچیق • چمبائی • چست
خیوا • خوجائلی • رشتان • زرفشان • سمرقند • شہر سبز • سردریا • شیرین • غازار • غژدوان • فرغانہ • قوقند • قاراکول • قاراسو • قرشی • کتہ قورغان • کاگان
کاسانسوئی • گلستان • مرغیلان • موئیناق • مبارک • نمنگان • نورآتا • نوکوس • نوائی • وابکینت • یانگی آباد • یانگی یول • یانگیئر


ایشیائی دیساں دے راجگڑھ
چڑھدا ایشیا
دکھنی ایشیا
وشکارلا ایشیا
دکھن چڑھدا ایشیا
لہندا ایشیا
۱:قفقاز چ ایشیا تے یورپ وشکار نیں:: ۞:: ۲:فلسطین دا وقتی راجگڑھ اے ،اصل راجگڑھ یروشلم اے ۔