ارسطو

Wikipedia توں
جاؤ: پاندھ, کھوج
ارسطو
Aristotle Altemps Inv8575.jpg
جمیا: 384 BC
مریا : 322 BC
کم : فلاسفر

ارسطو اک یونانی فلسفی افلاطون دا شاگرد تے سکندر دا استاد سی۔ اس نے طبعیات، مابعدالطبیات، شاعری، تھیٹر، موسیقی، منطق، تقریر، سیاست، حکومت، اخلاقیات، حیاتیات تے حیوانیات دے بارے چ لکھیا۔ سقراط افلاطون تے ارسطو مفربی فلسفے دے مڑ سمجھے جاندے نیں۔

ارسطو پہلا بندہ سی جس نے فلاسفی دا ایسا نظام بنایا جیدے وچ اخلاقیات، سوہناپن، منطق، سائنس، سیاست تے مابعدالطبعیات شامل نیں۔

ارسطو دیاں سوچاں نے دنیا نوں متاثر کیتا۔

جندڑی[لکھو]

ارسطو 384 بی سی چ سٹیگیرا یونان چ سالونیکا تون 55 کلومیٹر چڑھدے چ جمیا۔ اودا پیو نایکوماچس مقدوونیہ دے بادشاہ دا حکیم ےی۔ ارسطو دی سکھلائی تے پڑھائی ارسٹوکریسی دے سنگی دی ہوئی۔ اوہ 18 وریاں دا سی جدوں اوہ ایتھنز افلاطون دی اکیڈیمی چ پڑھن لئی گیا۔ اوتھے اوہ 20 ورے تک ریا 343 م پ چ مقدونیہ دا بادشاہ اونوں اپنے پتر سکندر دا گرو بنا دیندا اے۔ ارسطو مقدونیہ دی اکیڈیمی دا وی کرو بندا اے جتھے سکندر نال دو ہور وی اگلے ویلے بارشاہ اودے شگرد سن۔ اپنی کتاب پولیٹکس چ ارسطو لخدا اے صرف اک جالت ج بادشاہی جائز اے جدون بارشاہ تے شاہی خاندان دیاں نیکیاں عام لوکاں توں ود ہون۔ بڑی ذہانت نال اونے بادشاہ تے اودے پتر نوں ایس کیٹا گری ج رلایا۔ ارسطو نے سکندر نوں چڑھدے پاسے ول ہلہ بولن دی صلاع دتی۔ اک مشہور مسال چ اونے سکندر نوں آکھیا جے اوہ یونانیاں دا سردار تے دوجیاں لئی ظالم ہوجاۓ۔ 335 م پ چ اوہ دوبارہ ایتھنز آندا اے تے ایتھے اک سکول بناندا اے جیہڑا لائیسیم دے ناں توں مشہور سی۔ ارسطو نے اگلے 12 ورے تک اوتھے پڑھایا۔ اوہ ایتھنز چ سی جدون اودی ٹبری پائیتھیاس مر جاندی اے تے اوہ ہرپلس نال ملدا اے جیدے توں اودا اک نیانا وی ہوندا اے۔ 335 توں 332 م پ دا ای ویلہ سی جدوں اونے کئی ڈائیلاگ لکھے۔ ارسطو نے اپنے ویلے دے جنے مضمون سی سارے پڑھے۔ اونے اینان مضموناں دے وچ وادے کیتے۔

فزیکل سائینس چ اونے اناٹومی اسٹرانومی ایمبریالوجی جیوکرافی جیالوجی میٹیریالوجی زوالوجی تے فزکس پڑھے۔ فلاسفی چ اونے ایستھیٹکس، ایتھکس، سرکار، میٹا فزکس، سیاست اکنامکس نفسیات، رہیٹورک تے دینیات تے آرٹیکل لکھے۔ ایدے نال اونے ساہت تے شاعری وی پڑھے۔ اے کیا جاندا اے جے انسانی تریخ چ ارسطو آخری بندا سی جینے اپنے ویلے دے سارے سبجیکٹس پڑھے۔

سکندر دے مرن تے ایتھنز دے لوک اودے خلاف ہوگۓ تے ارسطو نوں اے کہ کے ایتھنز توں نسنا پیا جے اوہ ایتھنز والیان نوں ایس گل دی اجازت نیں دے گا جے اوہ فیر فلاسفی دے خلاف گناہ کرن۔ 322 م پ ج اودی موت ہوجاندی اے۔

ارسطو دے سیانے بول[لکھو]

  • جینے اپنے ڈر تے قابو پایا او ای سچا ازاد اے۔
  • کسے وی لوک راج دی نیو ازادی اے۔
  • فنون ترتیب اے تے ودیا قنون ودیا ترتیب اے۔
  • زنانیاں لئی ویاہ کرن دا ٹھیک ویلہ 18 تے جنیاں لئی 37 ورے اے۔