کانٹ

آزاد انسائیکلوپیڈیا، وکیپیڈیا توں
ایمونیل کانٹ
جرمن فلسفی
جیون: 22 اپریل 1724 کونگزبرگ، پرشیا
مرن: 12 فروری 1804 کونگزبرگ، پرشیا
کم : پروفیسر فلسفی
دسخط:

ایمونیل کانٹ کونگزبرگ، پرشیا دا 18ویں صدی دے انت تے چانن ویلے وچ اک جرمن فلسفی سی۔



ایمونیل کانٹ 22 اپریل 1724 نوں پرشیا دے راجگڑھ کونگزبرگ وچ جمیا۔ کونگزبرگ ہن روس کول اے تے ایھدا ناں کالیننگراڈ اے۔ اوہ اپنی پوری حیاتی کونگزبرگ توں دس میل دور ناں گیا۔ اوہدا پیو یوہان جارج کانٹ میمل دا رہن والا سی تے اوہدی ماں نیورمبرگ دی سی۔ اوہ نو نیانیاں وچوں چوتھا سی۔ اوہدے دادکے سکاٹلینڈ توں آۓ سی۔ اوہ اک مزہبی ٹبر توں سی جتھے بائبل عام پڑھی تے منی جاندی سی۔ اہونی مزہبی پڑھائی سختی نال کرائگئی جیدے وچ سائینس تے میتھمیٹکس توں ودھ دینیات تے زور سی۔ سخت مزہبی محول وچ ہوندیاں ہویاں وی اگلی عمرے اوہ خدا بارے شک کرن لگ پیا سی۔ اوہدے بارے ایہ گل عام اے جے اوہنے اک ڈسپلن وچ جیون گزاریا تے لوک اونوں ویکھ اپنی کڑی دا ٹیم ٹھیک کردے سن۔ کانٹ نے کدے ویاہ ناں کیتا پے اوہدا میل جول کئی لوکاں نال سی تے اوہدے شگرد اوہنوں پسند کردے سن۔

کانٹ نوں نکی عمر وچ ای پڑھن دا شوق سی۔ مڈھلی پڑھائی مگروں 16 وریاں دا سی تے 1740 وچ اوہنے کونگزبرگ یونیورسٹی وچ داخلہ لیا۔ اوہنے لیبنثز تے وولف دی فلاسیفی پڑھی، تے اوتھے ای اوہنے نیوٹن دی میتھمیٹیکل فزکس وی پڑھی۔ 1746 وچ اوہدے پیو دی موت نے اوہدی پڑھائی وچ روک لائی اوہ کونگزبرگ دے دوالے دیاں تھانواں وج پھان جاندا ریا۔ 1747 وچ فلسفے تے اوہدی پہلی کتاب چھپدی اے۔