جزائر نخیل

Wikipedia توں
جاؤ: پاندھ, کھوج


جزائر نخیل دی مورت بین القوامی خلائی سٹیشن توں

جزائر نخیل یا پام آئلینڈز دنیا دے 3 سب توں وڈے مصنوعی جزیرے نیں جنہاں نوں متحدہ عرب امارات دا تعمیراتی ادارہ نخیل پراپرٹیز دبئی چ تیار کر رہیا اے ۔ ایہہ تینوں جزیرے کھجور دے رکھ تے ہلال دی شکل دے نیں جتھے رہائشی عمارتاں تے ہوٹل تعمیر کیتے جا رہے نیں ۔

اینہاں جزیریاں دی تعمیر دا مقصد دبئی چ سیاحت نوں فروغ دینا اے ، کیونجے متحدہ عرب امارات دیاں ساریاں ریاستاں چوں تیل دے سب توں گھٹ ذخائر دبئی چ نیں تے خدشہ اے کہ 21ویں ھدی دی دوجی دہائي چ ایہہ ذخائر ختم ہوجان گے ۔

اینہاں جزیریاں چوں 2 النخیل جمیرہ تے النخیل دیرہ ہالینڈ دی کمپنی وان اورڈ تیار کر رہی اے تے تیجے جزیرے النخیل جبل علی نوں جین ڈی نول تیار کر رہی اے ۔


تعمیر[لکھو]

File:Palm Jabel Ali Model on 20 January 2008 Pict 1.jpg
جزائر نخیل چوں جبل علی دا نمونہ

جزائر نخیل تکنیکی طور تے مصنوعی جزیرہ نما ہون گے ، جنہاں نوں خلیج فارس دی تہہ چوں کڈی گئی مٹی نال بنائیا جا رہیا اے ۔ ایہہ مٹی مخصوص جہازاں ( ڈریجر ) دے زریعے خلیج دی تہہ چوں کڈی گئی تے گلوبل پوزیشنگ سسٹم ( جی پی ایس ) دی مدد نال اسنوں جزیریاں دی تعمیر چ استعمال کیتا گئیا ۔ اس عمل نوں رینڈ بوئینگ دا ناں دتا گئیا ۔ ہر جزیرے دے بیرونی دائرے چ موجود ہلال دے دوالے پتھر دی کندھ تعمیر کیتی گئی اے ، تاکہ جزیرے سمندری آفات توں محفوظ رہ سکن ۔ بیرونی ہلال چ 2 جگہ تے اضافی نہراں وی رکھیاں گئیاں نیں تکہ جزیرے چ موجود پانی تبدیل ہندا رہے ۔


جزائر نخیل چوں دیرہ دی اک مورت