کھجور

Wikipedia توں
جاؤ: پاندھ, کھوج
کھجور ٹبر
Dates on date palm.jpg
پچھان
دیس: بوٹے
برادری: پھلوالے بوٹے
ٹبر: کھجور ٹبر
سائینسی ناں: Phoenix dactylifera

کھجور پھلوالے بوٹاں دے ٹبر کھجور دا اک رکھ اے۔ ایہدا فروٹ کھجور ہزاراں وریاں توں انسان دے کھان وچ اے۔ ایہدا اصل دیس عراق سی۔

رکھ وکھالہ[لکھو]

کھجور دا رکھ 70–75 فٹ(21–23 میٹر) تک اچا جاندا اے۔ ایہدا اکو تنا اگدا اے یا فر جڑ توں کئی تنیاں دا جٹ اکٹھا اتے جاندا اے۔ پتہ 4–6 میٹر(13–20 فٹ) فٹ لما ہوندا اے جیدے اتے 150 نکے پتے لکے ہوندے نیں۔ نکے پتے 30 سینٹی میٹر (12 انچ) لمے تے 2 سینٹی میٹر(0.79 انچ) چوڑے ہوندے نیں۔ ٹیسی دا پورا کھلار 6–10 میٹر (20–33 فٹ) تک ہوندا اے۔ اک کھجور وچ ناپ تے ونڈ دے حساب نال 20–70 کلوریاں انرجی ہوندی اے۔

تریخ[لکھو]

کھجور لیندے ایشیاء تے پرانے پاکستان وچ اک عام گزارہ کرنوالی کھان دی شے رئی اے۔ کھجور دا اصل دیس عراق نوں منیا گیا اے تے ایہ اوتھے تے مصر وچ 4000 م پ وچ اگایا جاریا سی۔ عرب وچ ایہ 6000 م پ ورے پہلے توں اگایا جاریا اے۔ مہرگڑھ لیندے پاکستان وچ ایہ 7000 م پ ورے پہلے توں اکائی جا رئی اے۔ ایس دے مگروں ہونوالیاں رہتلاں وج ایدے نشان دسدے نیں ہڑپہ وچ ایہ 2600 توں 1900 م پ ورے پہلے اگائی جاندی سی۔ ویلے نال بپاری ایہنوں اتری افریقہ، سپین، اٹلی تے فیر امریکہ تک لے گۓ۔ اک کھجور دا بی جیہڑا اک مرتبان وچ پیا سی اوہنوں جدوں اگایا گیا تے اگ پیا۔ او مسادا اسرائیل وچ اک پرانی تھاں پٹن توں ملیا سی[1]۔ پتھری جاندراری نشان دسدے نیں جے کھجور 5 کروڑ ورے ہلے وی ہے سی[2]۔

کھجور[لکھو]

کھجور دا فروٹ 3–7 سینٹی میٹر لما تے 2–3 سینٹی میٹر (0.79–1.18 انج) گول گھیر دا ہوندا اے۔ پکن تے تیز لال توں تیز پیلا ہوسکدا اے۔ ایہدے وچ اک ای گڑک ہوندی اے جیہڑی 2–2.5 سینٹی میٹر (0.79–0.98 انج) لمی تے 6–8 ملی میٹر (0.24–0.31 انج) موٹی ہوسکدی اے۔

کھجور دیاں تن وڈیاں ونڈاں نیں: نرم، ادھی سکی تے سکی۔ کھجور دے نر مادھ رکھ وکھرے وکھرے ہوندے نیں۔ بی نالوں کسے جنگے بوٹے دی کٹی ٹاہنی چنگی ریہندی اے تے چھیتی فروٹ دیندی اے۔ کھجور بی بنان لئی ہوا ورتدی اے پر کھجور پھلواریاں تے بپاری رکھاں تے ایہ کم ہتھ نال ہوندا اے۔ نیچر وچ نر مادھ بوٹے اکوجنے ہوندے نیں پر 100 مدھ رکھاں لئی اک نر رکھ بتھیرا اے۔

بارلے جوڑ[لکھو]

اتہ پتہ[لکھو]