رائیں

Wikipedia توں
جاو: مدد, کھوج
رائیں
Himalayan Goral
Naemorhedus goral.jpg
Naemorhedus goral

رائیں اک جنگلی بکری اے۔ اے ہمالیہ, ھندوکش تے ہندو راج دے پعاڑی سلسلیاں چ ہوندی اے۔ ایدا نکا قد، موٹے وال، تے سنگ ہوندے نیں۔ رائیں مکن دے نیڑے اپڑی ہوئی اے۔ اے اتلے پاکستان تے مری، ہزارہ تے مارگلہ دے پعاڑاں تے ملدی اے۔

پچھان[لکھو]

رائیں 95- 130سینٹی میٹر (37"-53") لمی ہوندی اے تے ایدا جوکھ 35-42 کلوگرام ہوندا اے۔ ایدی کھل پعوری تے لتاں ککیاں ہوندیاں نیں۔ ایدی گردن تے چٹے چٹاک تے کمر تے گوڑے رنگ دی لمی پٹی ہوندی اے۔ نر مادہ دوناں تے پچھے نوں مڑے ہوۓ سنگ ہوندے نیں جیہڑے 18 سینٹی میٹر (7") تک لمے ہوسکدے نیں۔

رائیں ہمالیہ, ھندوکش تے ہندو راج دے پعاڑی سلسلیاں چ 1000 میٹر توں 4000 میٹر دی اچائی تک ریندی اے۔ ایناں دا اک اجڑ 100 ایکڑ تھاں وچ ریندا یا پھردا ٹردا اے۔ ایدی حیاتی 14 توں 15 ورے تک ہوندی اے۔ ایدا حمل ویلہ 170-218 دن تک ہوندا اے تے اکثر اک ای لیلا جمدی اے۔ اے 7 توں 8 معینے تک لیلے نوں نال رکھدی اے تے لیلا 3 وریاں چ جوان ہوجاندا اے۔

اے چار توں 12 دا اجڑ بناکے ریندے نیں بڈے نر کلے وی ریندے نیں۔ اے کعا تے پتے کھاندے نیں تے تھوڑے جانن ویلے: سویلے تے آتھن ویلے بار نکلدے نیں۔ کعا کھان دے مگروں کدے کدے پانی پیندے نیں تے فیر سارا دن کسے پعاڑ دی چٹان تے گزاردے نیں۔ رائیں بڑی پھرتی تے دوڑ نال نسدی اے۔ اپنے رنگ نال اینوں چھپن چ اسانی ریندی اے ایس لئی اے دسدی وی کعٹ ای اے فیر وی ایدے بڑے شکاری نیں تے ایدی گنتی تھوڑی ہوندی جارئی اے۔

بارلے جوڑ[لکھو]