کھل

Wikipedia توں
جاؤ: پاندھ, کھوج
کھل
Skin.png
انسانی کھل دا وکھالہ

کھل انساناں تے جنوراں وچ اوہناں دے پنڈے دا بارلا نرم حصہ اے۔ کھل اندر دے انگاں دی حفاظت کردی اے، گرمی سردی توں بچاندی اے تے اس توں علاوہ محسوس کردی اے۔ میملاں وچ اے پنڈے دا سب توں وڈا انگ اے، جیدے وچ "ایکٹوڈرمل ٹشو" دی بہت ساری تہواں ہوندیاں نیں۔ ایس توں علاوہ اے اندرلے پٹھیاں، ہڈیاں تے اندرلے انگاں دے باہر وی ہوندی اے۔ دو پاسی جندڑیاں، ریپٹائیلاں تے پنچھیاں وچ وکھری ونڈ دی کھل ہوندی اے۔ سارے میملاں دی کھل تے وال ہوندے نیں چاہے سمندری میمل ہون۔ کھل جراسیم تے ود پانی ضائع ہون توں بچاندی اے۔ اے انسولیشن دا کم کردی اے، تاپ نوں قابو رکھدی اے، حسی انگ اے تے وٹامن ڈی تیار کردی اے۔ خراب ہوئی کھل، "سکار ٹشو" دی مدد توں ول ہو جاندی اے۔ ایہدے وچوں رنگ تے رنگلا مادہ وی کدی کدی مک جاندا اے۔ اک جاندار وچ کھل دی موٹائی وکھری تھاواں تے وکھری ہو سکدی اے۔ مثال دے طور تے انساناں وچ اکھ تے پلک تھلے 0٫5 ملی میٹر دی کھل ہوندی اے جو پنڈے وچ سب توں پتلی کھل اے، تے ایتھے سب توں پہلاں بڑھاپے دے آثار نظر آن لگدے نیں جیویں جھریاں پینا۔ ہتھ دی ہتھیلیاں تے پیراں دے تلوے دی کھل پنڈے دی سب توں موٹی کھل ہوندی اے، ایہدی موٹائی 4 ملی میٹر اے۔


فر گہرے وال نیں۔ فر دے کم انسولیشن دے علاوہ، دوجی جنسی اچیچیاں گلاں تے لکاؤ نیں۔ کج جنوراں دی کھل انی مضبوط ہوندی اے جے اوہدے توں چمڑا بن سکدا اے۔ مچھی تے ریپٹائیل دی کھل تے سخت چھلڑ ہوندے نیں جو ایہناں دے پنڈے دی حفاظت کردے نیں۔ پنچھیاں دی کھل تے سخت پر ہوندے نیں، جو سخت "بیٹا-کیراٹن" دے بنے ہوندے نیں۔ دو پاسی جندڑیاں دی کھل انی موٹی نئی ہوندی تے ایہدے چوں پانی گزر سکدا اے۔

کم[لکھو]

1- حفاظت:

کھل وچ لعو نالیاں

جراسیم لئی کھل اک باڑ دا کم کردی اے تے باہر دے محول توں پنڈے دی حفاظت کردی اے۔ ایہدے لینگرہن ولگن بچاؤ پربندھ نال تعلق رکھدے نیں۔

2- محسوس کرنا:

کھل وچ حسی ولگناں دے سرے ہوندے نیں جو گرمی، ٹھنڈک، چھونا، داب، ہل جل، ٹشو چوٹ نوں محسوس کر سکدے نیں۔

3- تاپ نوں قابو کرنا:

کھل وچ ایکرائن (پرسینہ) غدود تے چوڑیاں لعو نالیاں تاپ دے نقصان نوں کم کردیاں نیں تے سکڑیاں لعو نالیاں تاپ نوں ودھاندیاں نیں۔ میملاںکھل دے والاں تھلے اریکٹر پلائی پٹھے، والاں نوں ہلا کے فر دا تاپ قابو کردے نیں۔

4- پاف بنن نوں قابو کرنا:

کھل دا وکھالہ انج دا ہوندا اے کے اے پانی نوں پاف بن کے ضائع ہون توں روکدا اے تے کھل خشک باڑ وانگوں ہوندی اے۔

5- اکٹھا کرنا تے بنانا:

کھل۔ لپڈ تے پانی نوں اکھٹا کرن تے بنان دا کم کردی اے۔

6- چوسنا:

آکسیجن، نائیٹروجن تے کاربن ڈائی آکسائیڈ دی تھوڑی مقدار ایہدے اندر چوسی جا سکدی اے۔ کج جنور کھل نوں ساع لین لئی ورتدے نیں۔

7- پانی دا مقابلہ کرنا:

کھل، پنڈے توں پانی نئی نکلن دیندی تے کیوں جے ایہدی بارلی تھاں چکنی ہوندی اے۔ انج کھل دا پانی ضائع نئی ہوندا اتے کھل دے غذائی انگ وی اندر رہندے نیں۔

میمل کھل دا وکھالہ[لکھو]

گینڈے دی کھل

میمل کھل دے دو حصے ہوندے نیں۔

  • ایپی ڈرمس
  • ڈرمس

مچھی تے دو پاسی جندڑی[لکھو]

مچھی تے دو پاسی جندڑیاں دی کھل وچ زندہ ولگن ہوندے نیں تے کیراٹن دی مقدار کم ہوندی اے۔

پنچھی تے ریپٹائیل[لکھو]

پنچھیاں تے ریپٹائیلاں وچ کھل دی ایپی ڈرمس ، میمل ایپیڈرمس جئی ہوندی اے تے اوہدے باہر مردہ کیراٹن دی تہہ ہوندی اے۔ جو پانی ضائع ہون توں بچاندی اے۔

بارلے جوڑ[لکھو]