وال

Wikipedia توں
جاؤ: پاندھ, کھوج
Human hair closeup-08960-nevit.jpg

وال، کھل دے اتے بریک تعاگے ورگی شئے وے۔ اے زیادہ سر تے اگدے نے۔ وال میمل جنوراں دی خاص نشانی اے۔ کھل دی اک پرت "ڈرمس" وچ "فالیکل" ہوندے نیں جناں وچوں جیونی تعاگے ورگے فلامنٹ نکلدے نیں، جناں نوں وال آکھیا جاندا اے۔ انسانی پنڈے دی کھل تے فالیکل ہوندے نیں جناں توں سخت وال نکلدے نیں۔ والاں دی اگائی، ونڈاں تے صحت ول خاص تیعان دتا جاندا اے۔ وال اک پروٹین "کیراٹن" دے بنے ہوندے نیں۔ عمر، رہتل، ۔تریخ تے دھرم دی مناسبت نال لوک اپنے والاں نوں کٹدے تے اوہناں دے سٹائیل بناندے نیں۔

وال دا وکھالہ

وکھالہ[لکھو]

اک وال میڈولا، کارٹیکس تے کیوٹکل دا بنیا ہوندا اے۔ سب توں اندر آلا پاسہ میڈولا انا مضبوط نئی ہوندا۔ کارٹیکس ود مضبوط ہوندا اے، اے وال نوں مضبوطی دیندا اے تے پانی جذب کردا اے۔ کارٹیکس وچ "میلانن" ہوندا اے جیدے باجوں وال نوں رنگ لبدا اے۔ فالیکل دی مورت ای کارٹیکس بارے دسدی اے جو وال دے سدھا یا گھنگھریالا ہون دا پتہ دیندا اے۔ ایشیائی لوکاں دے وال زیادہ تر سدھے ہوندے نیں۔ انسانی وال دا قطر 17 توں 180 مائیکرو میٹر ہوندا اے۔

وال دی اگائی، "وال فالیکل" وچ شروع ہوندی اے۔ وال دا اکو زندہ حصہ اوہدا فالیکل ہوندا اے۔ وال دا نظر آن آلا حصہ، جیدے وچ کوئی جیون کیمیائی بدلاؤ نئی ہوندا، انوں "مردہ" سمجھیا جاندا اے۔ وال تے بلب وچ سبیشئس غدود تے اریکٹرپٹھے ہوندے نیں۔ اے پٹھے انسانی کھل تے سرنڈے بناندے نیں۔

اک سوانی دے پؤرے وال

رنگ[لکھو]

والاں دے قدرتی رنگ دو قسم دے رنگلے مادیاں باجوں ہوندے نیں۔ اے دوویں مادے "میلانن" دی ونڈ نیں۔ اے مادے وال فالیکل وچ گرینیولاں وچ بندے نیں۔ اک رنگلا مادہ "یوملانن" ہوندا اے جو بھورے تے کالے والاں وچ ہوندا اے۔ تے دوجا رنگلا مادہ "فیو میلانن" اے جو رتے والاں وچ ہوندا اے۔ سنہری والاں وچ تھوڑا رنگلا مادہ بندا اے۔ پؤرے والاں وچ میلانن تھوڑا بندا اے یا بننوں رک جاندا اے۔

اگائی[لکھو]

وال پنڈے دی ہر تھاں ہوندے نیں، پر "میوکس جھلی"، ہتھ دی ہتھیلی، پیراں دی تلی، تے بلاں تے نئی ہوندے۔

وال اپنی اگائی دا اک خاص اگائی چکر مکمل کردے نیں، جیدے ترے مرحلے ہوندے نیں، "ایناجین"، "کیٹاجین" تے "ٹیلوجین" مرحلہ۔ ہر مرحلے دی اپنی اچیچیاں گلاں ہوندیاں نیں تے ہر مرحلے وچ وال دی خاص لمائی ہوندی اے۔ ایہ تنوں مرحلے نال نال ہوندے نیں، اک وال جے ایناجین مرحلے چ ہے تے اگلا ٹیلوجین چ ہو سکدا اے۔

اک مرد دے کالے وال

پنڈے تے وکھری ونڈاں دے وال ہو سکدے نیں ، جیویں "ویلس وال" تے "اینڈروجینک وال"، دوواں وچ وکھرے ولگن ہوندے نیں۔ وکھرے ولگناں باجوں ،والاں دی اچیچیاں گلاں وکھریاں ہوندیاں نیں تے کم وی وکھرے ہو جاندے نیں جیویں گرمائش تے حفاظت۔

کم[لکھو]

میملاں دے پنڈے اتے فر تے دوجے وال ہوندے نیں جناں دے وکھرے کم ہوندے نیں۔ وال ایہناں دا پنڈا گرم رکھدے نیں تے نال لکاؤ وچ مدد دیندے نیں۔

  • وال میمل پنڈے نوں گرمائش دیندے نیں۔
  • والاں دے ہلن نال پنڈے نوں حسی سنیہ لبدا اے۔

بارلے جوڑ[لکھو]