صوبہ سارڈینیا

آزاد انسائیکلوپیڈیا، وکیپیڈیا توں
سارڈینیا دا جھندا
سارڈینیا دا نشان
فائل:Map Riogion of Sardegna.svg
سارڈینیا دا نقشہ

سارڈینیا رومی سمندر دا دوجا وڈا جزیرہ اے تے اٹلی دے 20 علاقیاں چوں اک اے ۔ پہلا وڈا جزیرہ وی اٹلی دا علاقہ سسلی اے ۔ سارڈینیا رومی سمندر چ تیونس ، اٹلی تے سپین دے وچکار فرانس دے جزیرے کارسیکا دے جنوب چ واقع اے ۔ اطالوی آئین دے تحت علاقے نوں خودمختاری دا خصوصی درجہ دتا ہوئیا اے تے علاقے دا شمار اٹلی دے اینہاں 2 علاقیاں چ ہندا اے ، جتھے دے لوکاں نوں اطالوی آئین دی رو نال " پوپولو " یا جدا لوکاں دا درجہ حاصل اے ، دوجا علاقہ جسنوں ایہہ درجہ حاصل اے وینیتو اے ۔

سارڈینیا دیاں سردیاں

سارڈینیا دا کل رقبہ 24090 مربع کلومیٹر اے تے آبادی 16 لکھ دے نیڑے اے ۔ علاقائی صدرمقام کلیاری اے ۔ علاقے نوں 8 صوبےآں چ تقسیم کیتا گئیا اے ، جنہاں چ 4 صوبے اولبیا تیمپو ، اویا سترا ، کاربونیہ اگیسیاس تے میدیو کامپیدانو علاقائی حکومت نے بنائے نیں تے مرکزی اطالوی حکومت اینہاں 4 صوبےآں دی صوبائی تقسیم قبول نئیں کردی ۔

سارڈینیا چ سونے تے چاندی دیاں کئی کاناں نیں تے اقتصادیات دا دارومدار سیاحت تے اے ۔