چاندی

Wikipedia توں
جاؤ: پاندھ, کھوج
چاندی
Ag-TableImage.svg
نشانیاں
ناں، نمبر، نشانی چاندی، 47، Ag
ٹولی ٹرانزیشن دعات
گروپ، پیریڈ، بلاک 11, 5, d
ایٹمی پعار 107.8286 گرام/مول
وکھالہ Silver crystal.jpg
خصوصیات
ابلن نمبر 2162 سیلسیس
پگلن نمبر 961.78 سیلسیس
گاڑا 10.49 گرام/کیوبک سینٹی میٹر
الیکٹرونیگیٹیوٹی 1.93

چاندی اک تعات اے جیدا کیمیائی نشان Ag اے تے ایدا ایٹمی نمبر 47 اے۔ اے اک چٹا چمکدار ٹرانزیشن دعات اے۔ چاندی تمام عنصراں چوں سب توں بہترین بجلی دا تے گرمی دا کنڈکٹر اے۔ اے جگ چ خالص چاندی دے طور تے، سونے دے نال ملی ہوئی مورت ج یا فیر منرل دی مورت چ پایا جاندا اے۔ چاندی عام طور تے تانبے، سونے، سیسہ تے زنک نوں صاف کرکے لبیا جاندا اے۔

چاندی اک قیمتی تعات دے طور تے وی ورتی جاندی اے تے اینوں سجاوٹی شیواں، زیورات، برتن تے کرنسی دے سکے بنان واسطے وی ورتیا جاندا اے۔ اج کل چاندی نوں بجلی دے الیکٹروڈ تے کنڈکٹر بنان چ، شیشہ بنان چ تے کیمیائی ریایکشناں نوں تیز کرن واسطے ورتیا جاندا اے۔ ایدے کمپاؤنڈاں نوں فوٹواں آلی ریل چ تے ایدے نائیٹریٹ محلول نوں جراسیم مارن واسطے ورتیا جاندا اے۔ اینوں طبی کم واسطے ورتیا جاندا اے۔

خاصیتاں[لکھو]

چاندی اک سخت دعات اے۔ اے سونے توں وی بوتا سخت ہوندا اے۔ چاندی، سونا تے تانبا کرنسی چ ورتے جاندے نیں۔ اے تمام دعاتاں چ سب توں بہترین کنڈکٹر اے مگر ایدا مل ذرا زیادہ اے اس واسطے تانبے نوں بجلی دی تاراں چ ورتیا جاندا اے۔ دوجی جنگ عظیم چ تانبے دی امریکہ نوں قلت ہو گئی سی تے اوناں نے 13،540 ٹن چاندی توں الیکٹرو مقناطیس بانۓ، ایناں مقناطیساں توں یورینیم صاف کیتا جاندا سی ایٹم بمب بنان واسطے۔ اینوں ریڈیو دے کج حصیاں تے وی لایا جاندا اے تے اینوں چنگی کوالٹی دی آڈیو تاراں چ وی ورتیا جاندا اے۔

دعاتاں چ اے گرمی دا سب توں بہترین کنڈکٹر اے، ہیلیم-II تے ہیرا اس توں زیادہ چنگے نیں۔ اے روشنی بوت اچھی طرح موڑدا اے تے اس واسطے اینوں شیشے بنان واسطے وی ورتیا جاندا اے۔ چاندی دے شیشے وڈیاں دوربیناں تے لگے ہوندے نیں۔ چاندی نوں زنگ نئیں لگدا مگر اینوں اوزون تے ہائیڈروجن سلفائڈ زنگ لگا دیندے نیں۔

تریخ[لکھو]

چاندی نوں ہزاراں وریاں توں سجاوٹی شیواں، برتن، تجارت تے کرنسی دے طور تے ورتیا جاندا اے۔ اینوں سونے توں بعد سب توں قیمتی دعات کیا جاندا اے۔ چاندی نوں ترکی دے ایدے ایجین سمندر دے علاقے چ اج توں 6000 وریاں پہلاں توں ای سیسہ توں وکھرا کیتا جاریا اے۔ رومی کرنسی دا بوت حصہ چاندی دے اتے ہوندا سی۔ رومی بوت زیادہ چاندی نوں لبدے سن تے اوناں دے نال دا کوئی وی نئیں ہوندا سی۔ اوہ اک ورہ چ 200 ٹن چاندی کھٹا کردے سن۔ تے دوجی صدی عیسوی چ رومیاں دے کول 10،000 ٹن چاندی ہوندا سی تے اے مقدار سارے یورپ تے عرب خلافت توں وی 800 وریاں تک بوتی رئی۔ چاندی نوں وشکارلے ویلے چ وی کئی کماں واسطے ورتیا جاندا سی۔ اینوں قحط دے ویلے چ پانی نوں صاف کرن تے زخم دی مرہم پٹی واسطے ورتیا جاندا سی۔ 19ویں صدی چ وی پانی دے جعازاں چ ملاح پانی دی برتناں چ پا کے رکھدے سن تاکے پانی پین دے قابل رۓ۔ پہلے امریکی وی جدوں ساہل توں ساہل ٹردے سن اوہ ایسے طریقے توں پانی صاف رکھدے سن۔ 20ویں صدی دے شروع توں ای چاندی نوں جراسیم مار دوائیاں چ ورتنا شروع کردتا گیا۔

انجیل چ لکھیا اے کے عیسی دے شگرد جوداس اسکاریوٹ نے یروشلم دے مزہبی گروواں توں 30 چاندی دے سکیاں دے بدلے چ عیسی نوں رومیاں دے حوالے کردتا۔ اسلام چ مرد چاندی نوں پاء سکدے نیں تے پیغمبر محمد وی چاندی دی انگھوٹی پاندے سن۔

ورتن[لکھو]

چاندی اک قیمتی دعات اے تے اس واسطے اینوں کرنسی، سجاوٹی شیواں تے شیشہ چ ورتیا جاندا اے۔ اج توں 2700 وریاں پہلاں ترکی چ چاندی تے سونے دے کول نوں جینوں الیکٹرم کیندے نیں۔ بعد چ چاندی نوں سونے توں وکھریاں کر کے سکے بناۓ گۓ۔ کئی دیس چاندی نوں اپنی کرنسی دا مڈلا حصے دے طور تے ورتدے سن۔ پاؤنڈ سٹرلنک دا ناں دی نیرکٹتہ اے وے کہ چاندی دے اک ٹراۓ پاؤنڈ دی قیمت اک سٹرلنگ پاؤنڈ اے۔ 19ویں صدی چ دوویں براعظم امریکاں چ چاندی دیاں کاناں لبیاں جیدے توں چاندی دا مل بوت ڈگ گیا تے 1900 تک صرف سونے نوں کرنسی دے ناپ واسطے ورتنا شروع کردتا گیا۔ جدوں 1971 چ امریکی صدر رچرڈ نکسن نے امریکی ڈالر نوں سونے توں وکھرا کیتا تے بوتے دیساں نے وی قیمتی دعاتاں توں اپنی کرنسی نوں وکھراں کر لیا۔


چاندی نوں سٹرلنگ چاندی (92.5٪ چاندی تے 7.5٪ تانبا) دی مورت چ زیورات تے قیمتی شیواں بنان واسطے ورتیا جاندا اے۔ چاندی دے زیور دے اتے 99٪ صاف چاندی دی اک چادر چاڑی جاندی اے تاکے اے چمکدار بنے۔ اس کم واسطے ایدے تے روڈیم یا سونا وی چڑہایا جا سکدا اے۔ سنار چاندی دا کم وی جاندے نیں تے نال نال نوۓ سنار جیڑے سونے دا مل نئیں دے سکدے اوہ چاندی دا کم کردے نیں۔ چاندی سونے توں سستا اے پر فیر وی اینوں بوت قیمتی خیال کیتا جاندا اے۔ اینوں آرٹسٹک زیورات چ ورتیا جاندا اے۔

چاندی نوں پارہ، ٹن تے کج دوجیاں دعاتاں نال رلا کے دند پردے نیں۔ پاؤڈر دی مورت چ چاندی تے کسی دوسری دعات نوں پارہ نال کول کہ اک کڑی پیسٹ بناندے نیں جینوں ٹٹے دند چ پر سکدے نیں۔ اے پیسٹ چند منٹاں چ ہلکی سخت تے چند کینٹیاں چ بوت سخت ہو جاندی اے۔

چاندی دے نائیٹریٹ تے ہیلائڈاں نوں فوٹوگرافی چ وی ورتیا جاندا اے۔ مگر جدوں دے ڈیجیٹل کیمرے آۓ نیں چاندی دیاں ریلاں بوت کٹ گئیاں نیں۔ 1998 چ جیڈا چاندی فوٹوگرافی چ ورتیا جاندا سی اودا صرف 50٪ 2007 چفوٹوگرافی واسطے ورتیا گیا۔ بجلی دیاں کج شیواں چاندی نوں ورتدیاں نیں کیونجے اے بہترین کنڈکٹر اے۔ چاندی دے الیکٹروڈ تے تاراں ریڈیو چ تے چنگی کوالٹی دے آڈیو سسٹماں چ ورتیا جاندا اے۔ ایدی آکسائڈ دی بیٹری نوں کڈیاں، موبائل، لیپٹاپ تے دوجیاں نکیاں شیواں چ ایدی لمبی عمر تے کٹ وزن دی وجہ توں ورتیا جاندا اے۔ اینوں چاندی-کیڈیمیم تے چاندی-زنک وڈی طاقت آلی بیٹری چ ورتیا جاندا اے۔

بوتی چنگی کوالٹی دے شیشے چاندی توں رنگے جاندے نیں۔ عام کوالٹی آلے الومینیم نال رنگے جاندے نیں۔ ایناں شیشیاں نوں ٹیلیسکوپاں چ ورتیا جاندا اے۔ چاندی دے شیشے دے اتے سونا وی تھوڈی مقدار چ لایا جاندا اے جیدے توں تھوڈی بوتی روشنی شیشے دے پار وی گزاری جاسکدی اے۔ چاندی تے سونے دے کول توں باجے بناۓ جاندے نیں۔ چاندی اک بہترین کیٹالسٹ اے تے اینوں فورمیلڈیہائڈ نوں میتھانول تے ہوا توں بنان واسطے ورتیا جاندا اے۔