نیل آرمسٹرانگ

Wikipedia توں
جاؤ: پاندھ, کھوج
نیل آرمسٹرانگ

نیل آرمسٹرانگ (5 اگست 1930 - 25 اگست 2012) اک امریکی پائلٹ اے تے پہلا بندہ اے جینے چن تے پیر رکھیا۔ نیل آرمسٹرانگ 5 اگست 1930 چ واپوکونیٹا، اوہائیو، امریکہ چ جمیا۔ اودے پیو دا ناں سٹیفن کونگ ارمسٹرانگ تے ماں دا ناں وائلہ لویس اینجل سی۔ 20 جولائی 1936 نوں جدوں 6 ورے دا سی، اودے پیو نے اونوں اک ہوائی جعاز تے سفر کرایا اینج اودے اندر وی پاغلٹ بنن دی ہڑک اٹھی۔ جدون اوہ 15 ورے دا سی اوہ جعاز اڈان دا سرٹیفیکیٹ لے چکیا سی۔

1955 چ اونے پرڈیو یونیورسٹی توں بی ایس سی تے 1970 چ یونیورسٹی آف ساؤتھرن کیلیفورنیا توں ایم ایس سی دی ڈگری لئی۔ 26 جنوری 1949 چ اونے امریکی سمندری فوج چ چلا گیا جتھے اونے 18 معینے پائلٹ بنن دی سکھلائی کتی تے 16 اگست 1950 چ اپنے 20ویویں جمن دیہاڑے توں دو ہفتے پہلے اونوں سمندری فوج دے پائلٹ دا سرٹیفیکیٹ مل گیا۔

نیل آرمسٹرانگ نے کوریا دیلڑائی چ گیا ایتھے اونے 78 مشن کیتے ہوا ج 121 کینٹے ریا۔ اونوں کئی تمغے دتے گۓ۔ 23 اگست 1952 چ اونے فوج نوں جھڈ دتا تے پرڈیو ونیورسٹی ج فیر پڑھن لگ گیا۔ 28 جنوری 1956 چ اونے جین الزبتھ نال ویا کرلیا۔

ٹیسٹ پائلٹ[لکھو]

جولائی 1955 چ اونے ٹیسٹ پائلٹ دی نوکری کرلی۔ 15 اگست نوں اونے پہلا راکٹ ہوائی جعاز اڑایا۔ X-15 چ اونے 7 اڈاریاں کیتیاں، 207،500 فٹ (63۔2 کلومیٹر) دی اچائی تک گیا۔ اودی سب توں تیز اڈاری 4000 میل اک کینٹہ سی۔ اپنے کم چ اونے 200 وکھرے ہوائی جعاز اڑاۓ تے 2400 کینٹے اودا اڈاری ویلہ سی۔

خلائی جعازجمنائی 8 چ 16 مارچ 1966 نوں اوہ پہلی واری خلا ج گیا۔ 20 جولائی 1960 نوں اک ہور خلائی جعاز اپالو 11 چ اوہ دو ہور امریکیاں نال چن تے اتریا۔ اتر کے اونے ایہ گل آکھی:

اے انسان دا اک قدم انساناں لئی اک وڈی چھلانگ اے۔

اینج اوہ پہلا انسان سی جینے زمین توں بار کسے ہور تھاں تے پیر رکھیاہووے۔