وڈا سمندر اوقیانوس

Wikipedia توں
(لیایا گیا بحر اوقیانوس)
جاو: مدد, کھوج
Atlantic Ocean.png
ایہ صفہ ٹھیک پنجابی وچ نہیں لکھیا گیا۔ ایہدی پنجابی ٹھیک کرن دی لوڑ اے!

وڈا سمندر اوقیانوس دنیا دا دوجا وڈا سمندر اے تے ایہنے زمینی پدھر دے 5/1 حصے نوں گھیریا ہویا اے ۔ اسدا انگریزی ناں اٹلانٹک یونانی لوک کہانیاں توں لیا گئیا اے تے اٹلانٹک دا مطلب اطلس دا بیٹا اے۔ پنجابی وچ ایہ شبد عربی توں آیا اے تے عربی وچ ایہ شبد یونانی بولی توں آئیا سی ، جیہڑا کہ یونانی دیوتا یورینس دے پتر دا ناں سی۔


ایہ سمندر دا ٹوبہ انگریزی حرف "ایس" دیمورت وچ اتر توں دھکن ول پھیلیا ہویا اے۔ اسدے لیندے پاسے اتری تے دکھنی امریکا تے چڑھدے چ یورپ تے افریقہ نیں ۔ ایہہ بحر شمال چ بحر منجمد شمالی تے جنوب چ آبناۓ ڈریک راہیں بحرالکاہل نال ملیا ہوئیا اے ۔ بحرالکاہل تے بحراوقیانوس دے درمیان مصنوعی رابطہ نہر پانامہ راہیں بنایا گئیا اے۔ مشرق چ بحر اوقیانوس تے بحر ہند نوں تقسیم کرن والا خط 20 درجے مشرقی نصف النہار اے جہڑا کیپ اگلہاس توں انٹارکٹکا تک اے ۔ بحر اوقیانوس نون بحر منجمد شمالی توں اک خط علیحدہ کردا اے ، جہڑا گرین لینڈ توں شمال مغربی آئس لینڈ تے فیر شمال مشرقی آئیس لینڈ توں سیٹسبرگن دی انتہائی جنوبی نوک تک تے فیر شمالی ناروے چ شمالی کیپ تک جاندا اے ۔ بحر اوقیانوس زمین دے تقریبا 20 فیصد حصے نوںگھیرے ہوئے اے تے رقبے چ صرف بحرالکاہل توں چھوٹا اے ۔ اپنے ملحقیہ سمندراں سمیت اسدا رقبہ 10کروڑ 64 لکھ مربع کلومیٹر اے تے اہناں توں بغیر 8کروڑ 24لکھ مربع کلومیٹر اے ۔ بحر اوقیانوس دی اوسط گہرائی 3926 میٹر اے بحر اوقیانوس دی چوڑائی کدرے گھٹ تے کدرے ودھ اے ، اسدی گھٹ توں گھٹ چوڑائی برازیل تے لائبیریا دے درمیان 2848 کلومیٹر اے تے ودھ توں ودھ ریاست ہاۓ متحدہ امریکا تے شمالی افریقہ دے دومیان 4830 کلومیٹر اے ۔ بحر اوقیانوس دا ساحل کٹیا پھٹیا اے تے بہت سارے سمندراں ،کھڑیاں تے خلیجاں چ پھلیا ہوئیا اے ۔ جنہاں چ بحیرہ کیریبین ، خلیج میکسیکو ، خلیج سینٹ لارنس ، بحیرہ روم ، بحیرہ اسود ، بحیرہ لیبراڈور تے بحیرہ شمالی تے بحیرہ نارویجین-گرین لینڈ شامل نیں ۔ بحر اوقیانوس چ بہت سارے چزیرے موجود نیں جنہاں چ گرین لینڈ ، جزائر برطانیہ ، آئرلینڈ ،جزائر فاک لینڈ تے ویسٹ انڈیز دے جزیرے وڈے نیں باقی بہت سارے چھوٹے جزیرے وی نیں ۔