Jump to content

آفتاب اقبال

آزاد انسائیکلوپیڈیا، وکیپیڈیا توں
آفتاب اقبال

Aftab Iqbal

ناں : آفتاب اقبال
جنمستھان : اوکاڑا، پنجاب، پاکستان
جمݨ تریخ : 19 ستمبر 1961ء
پیشا : ٹی وی، یوٹیوب بیسڈ بَھنڈ شو
ٹی وی شو : خبردار
گھر آلی : نسرین آفتاب
نیاݨے : تن دھی آں
ویب سائیٹ : آفتاب اقبال

آفتاب اقبال، اک پاکستانی یوٹیوبر تے ٹی وی بَھنڈ شو اینکر اے۔ اوہ اردو تے پنجابی زبان دے شاعر تے کالم نگار ظفر اقبال دا پُتر اے۔

آفتاب اقبال 19 ستمبر 1961 نوں پنجاب، پاکستان دے ضلع اوکاڑا وچ جمیا۔ اوہنے گورنمنٹ کالج یونیورسٹی لہور توں تعلیم حاصل کیتی تے فیر اعلا تعلیم لئی کیلیفورنیا امریکا چلا گیا۔

آفتاب اقبال دیاں تن دھی آں نیں۔ اوہدی وڈی دھی عائشہ نور ضلع اوکاڑا توں مسلم لیگ ن دے سابق ایم پی اے منیب الحق نال ویاہی سی، اک بچے دی پیدائش توں بعد دوواں دی طلاق ہوگئی۔ آفتاب اقبال نے 1994–1995 وچ منظور وٹو دے میڈیا ایڈوائزر دے طور اُتے فرائض انجام دِتے۔ 2023ء وچ گرفتاری دے ڈر توں پاکستان توں فرار ہوکے دبئی منقتل ہوگیا۔ اوہدے سارے بَھنڈ اوہدے نفسیاتی عارضے، چِڑچڑے پن تے اہانت آمیز رویے توں تنگ آکے یکے بعد دیگرے اوہنوں چَھڈ گئے۔

کالم نگاری[سودھو]

روزنامہ نوائے وقت وچ 1995ء توں 2010ء تک کالم لِکھدا رہیا اے۔ ایس توں علاوہ نیوز ویک، دی نیوز تے روزنامہ جنگ وچ وی کالم نگاری کر چکیا اے۔

ٹی وی بَھنڈ شو[سودھو]

آفتاب اقبال 2009ء توں 2010ء تک دنیا نیوز اُتے حسب حال ، ستمبر 2010ء توں 2014 تک جیو نیوز اُتے خبرناک ، 2015ء توں 2018ء تک ایکسپریس نیوز اُتے خبردار ، 2018ء توں 2020ء تک آپ نیوز اُتے خبرزار ، 2020ء وچ نیو نیوز اُتے خبریار ، جنوری 2021ء توں 2022ء تک دوبارہ ایکسپریس نیوز اُتے خبردار، 2022ء توں 2023ء تک سماء ٹی وی اُتے خبرہار دے نام توں بَھنڈ شو چلاؤندا رہیا۔

ٹی وی بَھنڈ شو[سودھو]

سال شو کردار چینل نوٹ
2009–2010 حسب حال (اینکر) دنیا نیوز
2010–2014 خبرناک (اینکر) جیو نیوز
2015–2018 خبردار (اینکر) ایکسپریس نیوز
2018–2020 خبرزار (اینکر]) آپ نیوز
2020–2021 خبریار (اینکر) نیو نیوز
2021 توں 2022 خبردار (اینکر) ایکسپریس نیوز
2022–2023 خبرہار (اینکر) سماء ٹی وی


حوالے[سودھو]