حسب حال

آزاد انسائیکلوپیڈیا، وکیپیڈیا توں
Jump to navigation Jump to search

حسب حال پاکستانی ٹی وی چینل دنیا نیوز اُتے نشر ہوݨ آلا سیاسی مخولیا پروگرام اے ۔ ایہدا آغاز 2008 وچ ہویا ۔ ایہدے میزوان جنید سلیم نیں ۔ ناجیہ بیگ شریک میزوان دی حیثیئت نال شامل سی ۔ سہیل احمد مختلف کردار ادا کر دے نیں ۔ 2014 توں نواز انجم، امانت چَن تے گوگا وی پروگرام وچ شامل نیں تے شریک میزوان ناجیا بیگ دی تھاں تے نویں شریک میزوان نوں شامل کر لیا گیا ۔

تصور[لکھو]

حسب حال کدا بنیادی تصور آفتاب اقبال نے دِتا سی جو عزیزی دے ناں نال اپݨے مخولیا کالم وچ کردار وضع کر دے سی ۔ حسبِ حال دے پہلے میزوان آفتاب اقبال سی ۔2010 وچ جنید سلیم اس پروگرام دے میزوان بݨ گئے ۔

مقاصد[لکھو]

پروگرام وچ عام طور تے معاشی تے معاشرتی مسائل نوں مخولیا انداز وچ زیر بحث لیایا جاندا اے ۔ سہیل احمد بطور عزیزی کردار ادا کردے نیں ۔ سیاسی معاملات نوں طنزیا انداز وچ پیش کر کے ناظرین نوں محظوظ کیتا جاندا اے ۔


پروگرام دے حِصے[لکھو]

پروگرام دے درج ذیل حصے نیں:

  • ادب پارے
  • بیت بازی
  • حسب ماضی
  • حسب ڈاک
  • انٹرویو
  • خبراں اُتے تبصرا
  • مخبریاں
  • آف بیٹ حسب حال
  • سیاسی فلم
  • تو تو-میں میں

پیروڈی[لکھو]

عزیزی مختلف سیاسی تے سماجی شخصیات دا روپ تعھار کے اوہناں دی پیروڈی کردا اے ۔ کچھ پیروڈیز درج ذیل نیں:

عزیزی مختلف روپاں وچ
فیکا فیکا اک غریب خاندان دا فرد اے جیہنوں اپݨی ضروریاتِ زندگی لئی مشکلات دا سامݨا اے ۔ فیکے دی صورت وچ سہیل احمد معاشرے دے تھللے طبقے دی عکاسی کردے نیں ۔
پی-کیو-این مکمل ناں پرویز قیصر نصیر اے جو اک بدعنوان سیاست دان اے ۔ عام طور تے انتخابات تے جلسےآں دے موضوع زیرِبحث اوندے نیں ۔
دیما دیما دراصل اک بیمار شخص اے جیہنوں اس ویلے بلایا جاندا اے جد کِسے خاص موقعے تے کوئی خاص بیماری لاحق ہُندی اے ۔
زی-وی-ایس زی-وی-ایس اک فیشن ڈیزائنر اے جیہڑا جدت نوں پسند کردا اے ۔ اوہ پراݨے خیال دے لوکاںں نوں ناپسند کردا اے ۔
عامل بابا عامل بابا دراصل اک جعلی عامل نیں جیہدے ذریعے عزیزی جعلی عاملاں دا پردا فاش کردے نیں ۔
ماسٹر مجید ماسٹر مجید اک سکول دے استاد نیں ، اوہناں نوں امتحاناں تے نتیجےآں دے اعلانات ویلے بلایا جاندا اے ۔
مِسٹر مائیکل مِسٹر مائیکل اک انگریز نیں جو پاکستان نوں دتی جاݨ آلی امریکی امداد دے بَل بوتے تے رعب جموندے نیں ۔
سریلے خاں سریلے خاں اپݨے معاوناں دے نال تشریف لیوندے نیں ۔ اوہ اپݨے راگ دے ذِریعے ناظرین نوں محظوظ کردے نیں ۔
ایس-ایچ-او ایس-ایچ-او ، پولیس دی نمائندگی کردا اے ۔ پولیس دی نااہلی ، بے ایمانی تے مسائل زیرِ بحث اوندے نیں ۔

ایہدے توں علاوا ہور بہت سارے سیاست داناں تے مشہور دی پیروڈی وی کیتی جاندی اے ۔

اثرات[لکھو]

حسبِ حال دی شہرت توں بعد کئی ٹی وی چینلاں نے اس قِسم دے پروگراماں دا آغاز کیتا ۔


ہور دیکھو[لکھو]