ابو یوسف یعقوب المنصور
ابو یوسف یعقوب المنصور (1160ء توں جنوری 1199ء) دولت موحدین دا تیجا خلیفہ سی جس نے اپنے پیؤ ابو یعقوب یوسف دی تھاں تخت سمبھالیا سی ۔ اس نے 1184ء توں 1199ء تک حکومت کیتی ۔ اوہ موحدین دا سبتوں مشہور حکمران سی ۔
جنگ ارک
[سودھو]یعقوب نوں سبتوں بوہتی شہرت اس فتح دی وجہ توں ملی جہڑی اسنے اتلے اندلس (سپین) دے سعائی حکمران الفانسو ہشتم اتے جنگ ارک چ حاصل کیتی ۔ الفانس تے امیر یعقوب وچکار 5 سال لئی صلح دا اک معاہدہ ہو گیا پرالفانسو نے معاہدہ توڑ کے اسلامی علاقے تے حملہ کیتا ۔ یعقوب نوں جدوں اطلاع ملی تے اوہ مراکش توں اندلس پہنچیا تے 8 جولائی 1195ء نوں ارک دے میدان ج الفانسو نوں اوداں دی ای زبردست شکست دتی جداں دی 100 ورہے پہلاں ، یوسف بن تاشفین جنگ زلافہ چ دے چکیا سی ۔