اجمیر

آزاد انسائیکلوپیڈیا، وکیپیڈیا توں
اجمیر
دیس: ہندستان
صوبہ : راجستھان
بولی: ہندی راجستھانی، سندھی انگریزی

اجمیر جسنوں احترام نال اجمیر شریف آکھئيا جاندا اے ۔ ہندستان دی ریاست راجستھان دا شہر تے ضلع اجمیر دا صدرمقام اے ۔ سن 2000ء دے آنکڑے موجب اسدی آبادی 5 لکھ سی ۔ بھارت دی آزادی توں پہلی نومبر 1956ء تک ایہہ ریاست اجمیر دا حصہ سی پر بعد چ صوبہ راجستھان چ شامل کر دتا گئیا ۔ اجمیر اک اہم ریلوے جنکشن اے تے کپڑے دی صنعت دا اک اہم مرکز اے ۔ تے اس شہر دی سبتوں وڈی مشہوری دی وجہ حضرت خواجہ معین الدین چشتی اجمیری نیں جنہاں دا مزار ایتھے واقع اے تے مراجع خلائق اے ۔

تریخ[سودھو]

اجمیر دی نیہہ دسویں صدی عیسوی چ راجہ اجےپال چوہان نے رکھی ۔ 1193ء چ شہاب الدین غوری نے نے اجمیر فتح کیتا تے سلطنت دلی دی بنیاد رکھی ۔ محمد غوری نے تاوان دی ادائیگی تے اجمیر دے اندرونی معاملات مڑ چوہان حکمراناں دے سپرد کر دتے ۔ 1365ہ تک ایہہ سلطنت دلی دا حصہ رہئیا جدوں اسنوں میوار دے حکمراناں نے فتح کر لئیا ۔ 1509ء چ ایہہعلاقہ میوار دے مرہٹےآں تے میوار دے حکمراناں وچکار کشیدگی دی وجہ رہئیا تے آخرکار میوار دے حکمراناں نے 1532ء چ اسدا مڑ مکمل کنٹرول لے لئیا ۔ 1559ء چ شہنشاہ اکبر نے ایہہ علاقہ فتح کر لئیا تے 1770ء چ مرہٹےآں نے فیر اسنوں قابو کر لئیا ۔ 1818ء چ مرہٹےآں نے 50 ہزار روپئےآں چ اجمیر نوں برطانوی حکومت نوں ویچ دتا تے ایہہ برطانوی ہند دا حصہ بن گئیا ۔