ارد شیر بابکاں

آزاد انسائیکلوپیڈیا، وکیپیڈیا توں
(اردشیر بابکاں توں مڑجوڑ)
اردشیر بابکاں دا جاری کردہ چاندی دا سکہ (برٹش میوزیم لندن) جس دے پچھے پاسے آتش کدے دی مورت اے
اردشیر دی نقش رستم پرسی پولس ایران چ قبر

اردشیر بابکاں یاں اردشیر اول (226ء -240ء) ایران دی مشہور ساسانی سلطنت دا بانی سی ۔ پہلاں ایہہ فارس دا راجہ سی تے اشکانی ( پارتھیا دے ) بادشاہ دی اطاعت توں انکار کیتا تے برنر دے مقام تے اسنوں ہرا کے ایران دا بادشاہ بن گئیا ۔ اس نے پنجاب دے سارے علاقے تے مل مار کے اسنوں اپنی سلطنت چ شامل کر لئیا ۔ قیصر روم دیاں فوجاں نوں شکست دے کے آرمینیا تے وی مل مار لئیا ۔ اردشیر نے زرتشتی مذہب جہڑا کہ اشکانیاں دے دور ج کمزور ہوئیا سی نوں دوبارہ اتے چکیا ۔ پارسی موبداں تے دستوراں ( مذہبی آگوآں) نوں جاگیراں دتیاں تے آتش کدےآں نوں فیر روشن کیتا ۔ اس نے فوج چ اصلاحاں کیتیاں تے عدل تے انصاف لئی کوششاں کیتیاں ۔ اردشیر بابکاں دا قول سی باقاعدہ فوج دے بغیر حکومت ممکن نئیں ، روپئیے دے بغیر فوج ممکن نئیں ، زراعت دے بغیر روپئیہ ممکن نئیں تے عدل تے انصاف دے بغیر زراعت ممکن نئیں ۔