الاپ

آزاد انسائیکلوپیڈیا، وکیپیڈیا توں
Jump to navigation Jump to search

الاپ گونگا گاݨا اے ۔ جد انسان خُش ہُندا اے تاں اوہ گُنگنوݨ لگدا اے تے جد اوہنوں کوئی غم لاحق ہُندا اے تاں اوہ واویلا کرن لگدا اے ۔ اس کیفیت وچ صرف کوئی دُھن ہُندی اے الفاظ نئیں ہُندے ، اس بے لفظ گیت نوں فنی شکل دے کے ایہدا ناں الاپ رکھیا گیا تے ایہدے لئی چند بے معنی الفاظ وی مقرر کر دتے گئے تا کہ سُݨݨ آلے لئی محض آ آ سُݨ کے اجیرن نہ ہوݨ ۔ مثلاً اے، اتی، نا، نوم، توم وغیرہ ۔ الاپ وچ راگ دے سُراں نوں وضاحت نال پیش کیتا جاندا اے ۔ سُراں دا ودھاء ہولی ہولی کیتا جاندا اے ۔ گوݨ دی رفتار(Tempo) نیویں تے سُست شروع ہُندی اے فیر کُچھ تیز تے فیر ہور تیز ۔ الاپ وچ بول تے تال دی قید نئیں ہُندی صرف سُر تے ’’لے‘‘ ہُندی اے ۔ راگ دی مکمل پاکیزگی صرف اس طریقے وچ ظاہر ہُندی اے کہ گوݨ آلے تے سُݨݨ آلے دوناں دی توجہ خالصتن راگ ول لگی رہندی اے ۔


ہور دیکھو[لکھو]