سُر
سُر اوہ آواز ہُندی اے جیہڑی اک خاص فریکوئینسی نال گلے یا کِسے ساز وچوں نِکلدی اے تے فریکوئینسی بدلݨ نال سُر بدل جاندا اے ۔ بنیادی طور تے 7 سُر نیں (سا، رے، گا، ما، پا، دھا، نی) ایہناں وچوں 5 سُراں (سا تے پا توں علاوہ) دے دو دو حصے نیں یعݨی کومل (ہلکا یا مدھم) تے تیور (یعݨی تیز یا چڑھیا ہویا)۔ اس طرحاں 12 سُر بݨ گئے ۔ اگوں ایہناں سُراں دیاں دو ترتیباں نیں ، صعودی تے نزولی۔ صعودی ترتیب (آروہی) وچ تھلیوں اُتے نوں سُر ہُندے نیں ، یعݨی سا توں نی ول ۔ نزولی ترتیب (اَورہی) وچ اُپروں تھلے نوں سُر ہُندے نیں ، یعݨی نی توں سا ول ۔