البیلا

آزاد انسائیکلوپیڈیا، وکیپیڈیا توں
حاجی البیلا
جنمستھان : گوجرا, ضلع ٹوبھا ٹیک سنگھ
جمݨ دیہاڑا : 21 ستمبر 1940
مرݨ دیہاڑا : 16 جولائی 2004
مرنستھان : لہور
کم : مخولیا اداکاری
بولی : پنجابی
نیاݨے : 2 پُتر تے 7 دھی آں

حاجی البیلا اسٹیج تے فلم دے مخولیا اداکار سن اوہناں نے 70 دے دہاکے توں پہلاں اسٹیج تے فیر فلم وچ اداکاری شروع کیتی ۔ لارنس باغ لہور وچ اوہناں دا پہلا اسٹیج ڈراما ’یہ بیچارے لوگ‘ خاصا مقبول ہویا ۔ البیلا جسمانی حرکات و سکنات تے مکالمیاں دی مخصوص طرز تے ادائیگی نال مخول پیدا کر دے سن۔ البیلا نے کئی فلماں چ وی کم کیتا جیہناں وچ باؤ جی، عشق نچاوے گلی گلی تے سویرا بہت مشہور نیں۔ اوہناں نے زیادہ تر کم اسٹیج واسطے کیتا۔ بلیک اینڈ وائٹ ٹیلیوژن دے زمانے چ البیلا نے عارف علی عارف دے کھیل ’ اک سی بادشاہ‘ چ اکبرِ اعظم دا کردار ادا کیتا جیہنوں بہت سراہیا گیا۔ ایہ کھیل مغل دور دی مشہور کہانی انارکلی دی پیروڈی سی جیہدے چ شہزادہ سلیم دا کردار امان اللہ نے ادا کیتا سی۔ ایہناں دوناں دی جوڑی نے فیر سٹیج ڈرامیاں چ بہت مقبولیت حاصل کیتی۔ اوہناں دا اک پُتر ہنی البیلا وی اسٹیج اداکار اے۔

فِلمو گرافی[سودھو]

ناں رلیز ہوئی بولی
بھریا میلا 1966 پنجابی
باو جی 1968 پنجابی
عِشق نچاوے گلی گلی 1984 پنجابی
اِک مداری 1973 پنجابی
رُستم تے خان 1983 پنجابی
جگا تے شیرا 1984 پنجابی
سِلسلا 1987 پنجابی
روٹی 1988 پنجابی
سرمایا 1990 پنجابی
انٹرنیشنل لٹیرے 1994 اردو/پنجابی