الجزار

آزاد انسائیکلوپیڈیا، وکیپیڈیا توں

اینہاں دا ناں احمد بن ابراہیم بن ابی خالد القیروانی اے تے ابن الجزار اینہاں دا لقب اے ۔ ایہہ مغرب ( مراکش) دے مشہور طبیب سن تے قیروان چ طب چ مشہور خاندان چ پیدا ہوئے ۔ اوہ اسحاق بن سلیمان الاسرائیلی دے شاگرد سن ۔ صاعد الاندلسی تے ابن ابی اصیبعہ نے اپنیاں کتاباں اس دی بوہت تعریف کیتی اے ۔ صاعد لکھدا اے " اوہ طب دا حافظ سی ، کتاباں دے تعلیم دیں آلے تے اپنے تون پہلے عالماں دی کتاباں دا علم رکھن آلے سی' اینہاں دی شہرت اپنے دیس توں باہر دور دور تک پھیلی ہو ئی سی تے اندلس دے طالب علم اینہاں کولوں تعلیم لین قیروان آندے سن ۔ اینہاں دی قابل ذکر لکھتاں چ زار المسافر ، الاعتماد فی الادویہ المفردہ ، البغیہ فی الادویہ المرکبہ نیں ۔ انہاں دا انتقال قیروان چ 369ھ چ ہوئیا ۔